定期送上世界各地最新、最地道嘅旅遊資訊!

【聖誕去邊度旅行】最強歐洲火車路線!歐洲之星巴黎 – 倫敦 – 布魯塞爾景點懶人包! (連票務行李全攻略)

好多人都覺得,歐遊最難搞就係安排交通,所以好多人都會選擇唔同嘅歐洲火車路線,貪佢可以一次過玩哂唔同國家。今次小編就介紹歐洲之星,一次過玩巴黎倫敦同布魯塞爾聖誕去邊度旅行?一於去歐洲啦!

 

📖延伸閱讀:【聖誕旅行好去處2018】八大聖誕節旅遊推薦

 

聖誕去邊度旅行 |  歐洲之星火車路線|倫敦景點|倫敦眼 (London Eye)

想喺高空俯瞰倫敦城景?咁你一定要去坐一次London EyeLondon Eye可以話係倫敦最受歡迎嘅景點之一,高達135米嘅London Eye位於泰晤士河南畔,基本上喺倫敦市中心任何一處抬頭望,都可以見到London Eye,絕對係倫敦嘅地標。London Eye轉一個圈大概需時30分鐘,喺呢30分鐘入面,你可以慢慢細心欣賞倫敦嘅地標,包括大笨鐘、西敏寺、國會大樓等等,絕對係打卡之選!

 

倫敦景點|倫敦眼 (London Eye)
地址:Lambeth, London SE1 7PB, UK(顯示地圖
交通:乘地鐵至Waterloo或Westminster站再步行前往
營業時間:11:00 – 18:00
入場費用 (只供參考):London Big Ticket- 2 attractions £40.00 (可選擇2個景點)
網址:https://www.londoneye.com/

 

聖誕去邊度旅行 |  歐洲之星火車路線|倫敦景點|大笨鐘 (Big Ben)

大笨鐘係倫敦嘅重要標誌,去倫敦冇親眼見過大笨鐘,就好似冇去過倫敦一樣。大笨鐘喺1859年已經建成,高320英尺,現時係世界第三大高嘅鐘樓。大笨鐘每15分鐘就會響一次,雄渾嘅響鐘聲吸引唔少人慕名而來親耳聽下!不過2017年大笨鐘進行維修工程,所以4年內會停止響鐘,不過仍然值得去親眼睇下宏偉又古樸嘅大笨鐘

 

倫敦景點|大笨鐘 (Big Ben)
地址:Parliament Square, London SW1, England(顯示地圖
交通:乘地鐵至Westminster站再步行前往

 

聖誕去邊度旅行 |  歐洲之星火車路線|倫敦景點|白金漢宮 (Buckingham Palace)

去得英國就當然要一睹英國御林軍嘅英姿!想見到威風凜凜嘅御林軍,最好嘅地方就係白金漢宮白金漢宮係英國王室嘅主要寢宮同辦公處,定期嘅朝早11點就會有御林軍交接儀式,(詳細交接日子可以上官網查詢)到時配合埋音樂、樂隊表演,成個交接儀式氣氛高漲又可以見到御林軍步操嘅英姿,絕對值得一睇!雖然儀式11點先正式開始,但記得要預早至少30分鐘去霸個靚位,太遲去可能淨係睇到人頭!

 

倫敦景點|白金漢宮 (Buckingham Palace)
地址:Westminster, London SW1A 1AA, UK(顯示地圖
交通:乘地鐵至St. James’s Park站再步行前往
開放時間:09:30 – 19:30
網址:https://changing-guard.com/index.html

 

📖延伸閱讀:【倫敦景點地圖】倫敦遊玩必備London Pass攻略 (連London Pass景點大全)
📖延伸閱讀:【英國必買品牌】Oxford Street購物攻略連英國退稅須知 (Harrods, Liberty London, Poundland, Primark)

聖誕去邊度旅行 |  歐洲之星火車路線|巴黎景點|羅浮宮(Musée du Louvre)


@Flickr

如果對藝術有興趣嘅朋友,就一定唔可以錯過羅浮宮羅浮宮入面珍藏咗好多稀奇珍貴嘅展品,展品數量更加多達3.5萬件,包括雕塑、古代東方、古代埃及同古希臘羅馬嘅藝術品,係文化藝術深度遊嘅必去景點。羅浮宮係世界四大博物館之一,相信你去到都會覺得不枉此行!

 

巴黎景點|羅浮宮(Musée du Louvre)
地址:Rue de Rivoli, 75001 Paris, France(顯示地圖
交通:乘坐地鐵至Louvre – Rivoli站再步行前往
營業時間:
星期一、四、六、日— 0900 – 18:00
星期三及五— 09:00 – 21:45(逢星期二休館)
入場費用 (只供參考):€15
網址:https://www.louvre.fr/en

 

聖誕去邊度旅行 |  歐洲之星火車路線|巴黎景點|凡爾賽宮(Château de Versailles)

如果想去巴黎近郊嘅地方,感受巴黎浪漫古典嘅氣息,小編會推薦你去凡爾賽宮凡爾賽宮曾經係法國嘅王宮同政治中心,1979年已經被列入《世界文化遺產名錄》。凡爾賽宮面積非常大,最好安排一日嘅行程留喺度,咁樣可以慢慢欣賞宏偉壯觀嘅宮殿,唔洗走馬看花!

 

巴黎景點|凡爾賽宮(Château de Versailles)
地址:Place d’Armes, 78000 Versailles, France(顯示地圖
交通:乘坐地鐵8號或13號線到Invalides站,再轉RER C線
營業時間:09:00 – 17:30
入場費用 (只供參考):€20/ €27(With Musical Fountain Shows or Musical Gardens)
網址:http://en.chateauversailles.fr/

 

📖延伸閱讀:【法國自由行】慢活法國南部—尼斯、蔚藍海岸必食、行程懶人包
📖延伸閱讀:【巴黎酒店點揀好】$600蚊有找!巴黎住宿推薦(巴黎住宿安全常見問題)

聖誕去邊度旅行 |  歐洲之星火車路線|布魯塞爾景點|布魯塞爾大廣場 (Grand Place)

如果要揀一個布魯塞爾景點推薦,小編一定會推薦布魯塞爾大廣場!布魯塞爾大廣場建於12世紀,充滿住中世紀建築風格嘅味道,更喺1998年被列入《世界文化遺產》。布魯塞爾大廣場被市政廳、布魯塞爾市立博物館同形形色色嘅會館所包圍,嚟呢度可以一次過欣賞唔同嘅歷史古跡!

 

布魯塞爾景點|布魯塞爾大廣場(Grand Place)
地址:1000 Brussels, Belgium(顯示地圖
交通:由中央車站步行前往約需5分鐘

 

聖誕去邊度旅行 |  歐洲之星火車路線|布魯塞爾景點|聖米歇爾大教堂 (Cathedral of St. Michael and St. Gudula)


@Flickr

去到歐洲Grad Trip當時要去教堂參拜下啦!聖米歇爾大教堂係布魯塞爾必去嘅景點,係一座13至15世紀興建嘅哥德式大教堂。教堂入面展示咗文藝復興時期歷代君王嘅畫像,國王嘅國葬同王室婚禮都曾經喺度舉行,所以呢度對於比利時人講係一個神聖又莊嚴嘅地方!

 

布魯塞爾景點|聖米歇爾大教堂(Cathedral of St. Michael and St. Gudula)
地址:Place Sainte-Gudule, 1000 Bruxelles, Belgium(顯示地圖
交通:乘坐地鐵於Gare Centrale 站下車,再步行約5分鐘
開放時間:
星期一至五— 07:00 – 18:00
星期六 08:00 – 15:30
星期日 14:00 – 18:00
入場費用 (只供參考):
1 € — Archeological site
3 € — Romanesque crypt
2 € — Treasury
Free — Cathedral
網址:http://www.cathedralisbruxellensis.be/en/

 

📖延伸閱讀:【遊葡萄牙首都】4日3夜玩盡里斯本電車沿線景點攻略!
📖延伸閱讀:【波蘭自由行】從維利奇卡鹽礦、奥斯威辛集中營探索東歐歷史

聖誕去邊度旅行 |  歐洲之星票務行李攻略

歐洲之星購買方式:

1. 網上購買:呢個方法最方便快捷,上歐洲之星官網輸入出發日期同目的地,所有時間同票間都一目了然,用信用卡就可以畀錢,非常方便。
2. 電話購買:撥打+44 (0)1233 617 575 ,(英國時間)星期一至星期五08:00 – 20:00或者星期六、日 09:00 – 18:00。
3. 當地購買:如果想last minute先買,都可以去到當地先買。你可以喺當地旅行社買飛,不過多數會收返你收續費,比起網上買貴。另外,都可以喺倫敦、巴黎同埋布魯塞爾嘅歐洲之星車站買飛。

行李限制:乘搭歐洲之星嘅最大好處係行李並冇限重!每個乘客最多可以攜帶2件長度不得超過85cm嘅行李同1個手提袋。

 

聖誕去邊度旅行 |  歐洲之星火車路線|倫敦酒店推薦 | 倫敦 M 市民大樓酒店

倫敦 M 市民大樓酒店

倫敦 M 市民大樓酒店2

毗鄰著名景點倫敦塔嘅倫敦 M 市民大樓酒店設計充滿英倫風,大堂嘅等候區嘅擺設盡顯英倫三島特色,優雅萬分!

倫敦 M 市民大樓酒店3

喺百物騰貴嘅倫敦,每次外出用膳都所費不菲。有見及此,酒店特別為客人提供微波爐服務,等你可以叮嘢食醫肚慳錢,唔洗次次都出去食飯咁破費,非常貼心!另外,酒店房間設備亦相當齊全,絕對係嚟倫敦自由行嘅住宿好選擇!

 

倫敦 M 市民大樓酒店
地址:GBR倫敦40 Trinity Square(顯示地圖
星級 | ★★★★☆  
位置 | ★★★☆☆  
設施 | ★★★★☆  
環境 | ★★★☆☆   
價格 | 查看價格

 

聖誕去邊度旅行 |  歐洲之星火車路線|倫敦酒店推薦 | 倫敦阿塞姆布利酒店

倫敦阿塞姆布利酒店

位處倫敦市中心嘅倫敦阿塞姆布利酒店鄰近倫敦重要交通樞紐以及位列全倫敦第五繁忙嘅查令十字火車站,位置極度優越,你想去倫敦任何一個角落都相當便捷!另外,由酒店行過去著名景點大笨鐘都只不過需要15分鐘,你可以漫步欣賞英倫寫意景緻,正啊!

倫敦阿塞姆布利酒店2

呢度嘅每一間房間都會擺放咗兔仔擺設調劑房內氣氛,旨在令住客可以更為放鬆,啱晒嚟倫敦享受悠遊假期嘅朋友啊!

 

倫敦阿塞姆布利酒店
地址:GBR倫敦27 – 31 Charing Cross Road(顯示地圖
星級 | ★★★☆☆  
位置 | ★★★★☆  
設施 | ★★★☆☆  
環境 | ★★★☆☆   
價格 | 查看價格

 

聖誕去邊度旅行 |  歐洲之星火車路線|倫敦酒店推薦 | 富勒張伯倫酒店

富勒張伯倫酒店

富勒張伯倫酒店係倫敦一間著名酒店,酒店外型充滿經典維多利亞式嘅建築特色,古色古香,英倫本土味十足。喺倫敦自由行最方便嘅交通選擇就當然係火車啦!富勒張伯倫酒店正正位處於Tower Hill同埋Aldgate兩個火車站中間,最正嘅係兩個站都只不過同酒店距離5分鐘腳程,而且酒店附近亦有唔少商鋪同埋超級市場,方便程度爆燈啊!

富勒張伯倫酒店2

酒店房間寬敞整齊,活動空間充足,plan緊倫敦酒店住宿嘅朋友不妨考慮一下。

 

富勒張伯倫酒店
地址:GBR倫敦130-135 Minories(顯示地圖
星級 | ★★★★☆  
位置 | ★★★★☆  
設施 | ★★★☆☆  
環境 | ★★★☆☆   
價格 | 查看價格

 

聖誕去邊度旅行 |  歐洲之星火車路線|巴黎酒店推薦 | FIAP 酒店青年旅舍

FIAP 酒店青年旅舍, 巴黎, 雙人房, 客房
要去歐洲Grad Trip玩到盡,住宿方面緊係要慳到盡,所以今次小編會推薦2間性價比高嘅巴黎青年旅舍!
FIAP 酒店青年旅舍位於十四區,地點方便,鄰近地鐵站,就算玩到幾夜都唔洗怕。最重要旅舍房間整潔乾淨,住落非常舒服!

 

FIAP 酒店青年旅舍
地址:FRA巴黎30 rue Cabanis(顯示地圖
星級 | ☆☆☆☆☆  
位置 | ★★★★☆  
設施 | ★★☆☆☆  
環境 | ★★★☆☆   
價格 | 查看價格

 

聖誕去邊度旅行 |  歐洲之星火車路線|巴黎酒店推薦 | 享受青年旅舍

享受青年旅舍, 巴黎

享受青年旅舍同樣位於巴黎十四區,酒店位置方便,唔單止鄰近地鐵站,附近仲有超市,想買日常生活用品或者肚餓想醫肚都唔成問題。另外,巴黎都可以話係一個不夜城,但享受青年旅舍位置遠離吵雜嘅大街,夜晚唔會太嘈!

 

享受青年旅舍
地址:FRA巴黎5 Rue Des Plantes(顯示地圖
星級 | ☆☆☆☆☆  
位置 | ★★★★☆  
設施 | ★★★☆☆  
環境 | ★★★★☆   
價格 | 查看價格

 

📖延伸閱讀:【歐洲上網攻略】歐洲電話卡大評比!邊隻歐洲sim card最抵!                                                    

 

 

Hotels.com酒店優惠