定期送上世界各地最新、最地道嘅旅遊資訊!

【2019最強歐遊路線】歐遊攻略附地圖!3大歐洲自由行路線速覽!

歐洲自由行

歐洲自由行有邊幾個國家一定唔可以錯過?以下綜合2019年網民以及旅遊達人最推薦嘅3條此生必到歐洲自由行路線,一帖睇哂最強歐遊攻略,等你可以輕鬆同歐洲嚟一場美麗嘅邂逅!歐洲不單止擁有濃厚嘅文藝底蘊,連啖空氣都洋溢著chill級悠閒嘅生活態度,數之不盡嘅浪漫童話小鎮又有如天上浩瀚繁星,實在係令人嚮往醉心!

 

📖延伸閱讀:【歐洲上網卡推介】歐洲電話卡大評比!邊隻歐洲Sim Card最抵?!
📖延伸閱讀:【Grad Trip玩到盡】歐洲之星倫敦、巴黎、布魯塞爾景點懶人包!
📖延伸閱讀:【海外婚紗攝影特集】布拉格、巴黎、濟州、澳門、輕井澤景點大解構!

 

歐洲自由行路線01|童話小鎮探祕|東歐3國捷奧匈

東歐3國捷奧匈
捷克首都布拉格

 

東歐3國路線:捷克奧地利匈牙利 (調轉亦得)
所需日數:10日 – 12日
東歐使用貨幣:捷克克朗(CZK)、奧地利歐元(EUR)、匈牙利福林(HUF)
東歐跨國交通方式:火車、巴士、歐洲廉航(特別推薦火車,舒適又方便)
東歐住宿:每晚住宿CP值極高,約$750港元可入住四至五星級酒店;青年旅館只需約$125港元

 

浪漫嘅東歐3國集神秘、浪漫、歷史、藝術同埋自然風光於一身,而且無論交通、飲食、住宿嘅旅行成本都唔高,適合富有探險精神兼備文化內涵嘅你,玩得盡慶上嚟,仲唔駛樣樣慳住消費,所以東歐3國亦係唔少香港人蜜月旅行嘅首選!


捷克、奧地利、匈牙利地理@gate1travel
捷克、奧地利、匈牙利地理上連成一個L型

要數東歐之旅首站,一定係充滿浪漫兼具古舊風情嘅捷克,首都布拉格加上坐火車去玩多兩、三個鄰近歐陸小鎮,可以玩足3日至4日。其中世界遺產級小鎮契斯基庫倫洛夫、溫泉之鄉卡羅維瓦利,唔去真係會後悔!一於就由北部玩到南部喇。

離開捷克之時就係踏上奧地利之旅嘅開始。由捷克出發可以搭火車或巴士前往阿爾卑斯山下嘅「仙樂飄飄處處聞之鄉」薩爾茲堡,再往音樂之都維也納,前後約可以於奧地利逗留2日至3日。

最後,建議由維也納搭火車或巴士前往匈牙利。壓軸一站,匈牙利首都布達佩斯,以宏偉建築冠絕鄰國,仲可以聽住《藍色的多瑙河》於多瑙河上遊船河,或者去馬術公園開開眼界。

 

📖延伸閱讀:【歐洲自由行】東歐自由行10日懶人包 (包括布達佩斯景點、維也納行程推薦)
📖延伸閱讀:【捷克自由行】捷克庫倫洛夫CK小鎮3日2夜行程、住宿交通攻略!
📖延伸閱讀:【奧地利自由行】音樂‧藝術‧咖啡館—3日2夜慢活維也納景點行程、美食懶人包

 

歐洲自由行路線02|山川極光壯遊|北歐5國芬蘭瑞典挪威丹麥、冰島

山川極光壯遊

北歐5國路線:芬蘭瑞典挪威丹麥冰島
所需日數:20日
北歐使用貨幣:除了芬蘭用歐元外,其他四國都係使用當地貨幣(克朗)
北歐交通方式:火車、飛機、郵輪、船、纜車等
北歐住宿:酒店住宿價格水平與香港相若(特別推薦冰島嘅小清新風格極光旅館!)

 

北歐嘅生活質素冠絕全球,「幸福指數」爆燈。2019最受歡迎嘅歐遊旅遊路線,已經由西歐移到來北歐。看似遙不可及嘅冰島亦成為越來越多旅人嘅冒險之地,適合鍾意大自然嘅朋友嚟壯遊一番!

北歐喺六月時候嘅天氣最正,晝長夜短,氣候涼爽,適合戶外活動,例如賞鯨、雪上電單車等,而追極光嘅話就要預留多啲時間,最理想嘅觀極光地點為冰島、挪威。

建議必到遼闊嘅斯堪地納維亞半島及挪威雪山峽灣,欣賞冰川峽灣、極光;一嚐雪國嘅海鮮、酒水。其餘行程不妨花喺丹麥哥本哈根等城市中漫步,飽覽沿途嘅建築,感受風土人情及北歐童話氣息。

北歐

北歐嘅交通方式多元化,由芬蘭赫爾辛基前往瑞典斯德哥爾摩可以搭船;由瑞典前往挪威首都奧斯陸可以搭內陸航班;由奧斯陸前往丹麥哥本哈根可以搭火車;最後由哥本哈根前往冰島可以搭飛機,完成壯遊。

 

📖延伸閱讀:【冰島自由行】冰島極光邊度睇?連冰島自駕遊租車攻略及住宿推薦
📖延伸閱讀:【瑞士移民考察團-少女峰遊記】瑞士少女峰交通、酒店住宿攻略!
📖延伸閱讀:【丹麥自由行】Hea遊哥本哈根景點之選!(連哥本哈根住宿推薦)

 

歐洲自由行路線03|經典朝聖必遊|英法德意

英法德意 - 經典朝聖必遊

大眾經典路線:英國法國德國意大利
所需日數:14日
英法德意使用貨幣:英國英鎊(GBP)、法國歐元(EUR)、德國歐元(EUR)、意大利歐元(EUR)
英法德意交通方式:火車(歐洲之星)、巴士、飛機
英法德意住宿:酒店住宿價格水平與香港相若,不過好多高質素背包客旅館每晚只需約$200港元

英法德意嘅歐遊路線係永遠係經典中熱典,一年365日都咁熱門!大家可以由倫敦作為起點,再搭歐洲之星橫跨海峽到花都巴黎。

西歐旅遊不減流行,原因在於呢幾個國家文藝歷史底蘊深厚,建築最為宏偉壯麗,必去景點應該唔駛多講,大笨鐘、泰唔士河畔嘅白金漢宮巴黎鐵塔凱旋門柏林圍牆等,種種經典都唔可以錯過。

英法德意 - 經典朝聖必遊
@quora官網

由倫敦可以選擇搭內陸航空或火車前往德國慕尼黑睇城堡,再視乎情況睇下去唔去其他城市玩,例如柏林就係小編嘅摯愛,最後再搭飛機前往歐洲旅遊勝地中嘅勝地-羅馬,接受文化古都嘅洗禮。最適合第一次到歐洲,或者想大開眼界嘅一家大細去旅行!

 

📖延伸閱讀:【Grad Trip窮游歐洲】法國巴黎景點、巴黎博物館慳錢大法!
📖延伸閱讀:【倫敦酒店推介】$600蚊有找!英國倫敦Zone 2至抵住宿推薦!
📖延伸閱讀:【迪士尼城堡藍本】德國必去!舊、新天鵝堡交通行程攻略懶人包!
📖延伸閱讀:【德國自由行】德國必買系列清單!連慕尼黑自由行住宿推薦
📖延伸閱讀:【威尼斯自由行】景點太逼人?教你一日快閃威尼斯玻璃島、彩色島!
📖延伸閱讀:【荷蘭自由行】一日快閃阿姆斯特丹遊記 (連單車路線及租車攻略)

 

Hotels.com酒店優惠Hotels.com酒店優惠