定期送上世界各地最新、最地道嘅旅遊資訊!

【首爾櫻花2019】首爾親子遊—帶你漫遊市內四大必去櫻花景點!

春天悄悄無聲已經嚟臨,而春天係櫻花盛花、漫天飛舞嘅季節!首爾櫻花越開越旺盛,小編今次專誠飛去首爾,為你介紹首爾市內四大必去櫻花景點,而且每一個景點都適合一家大細去,親子遊去就岩哂啦!

 

首爾親子遊|首爾櫻花景點|汝矣島輪中路


@gill_taiwan

要數首爾市內必去嘅櫻花景點,汝矣島輪中路一定榜上有名!輪中路一直以嚟都係重要嘅首爾賞櫻勝地之一,因為每逢櫻花季節,呢度都會舉行大型櫻花祭活動,官方會特別封路,等市民同遊客可以盡情咁賞櫻,非常貼心!


@astraea_theng

喺櫻花祭期間,大路兩旁仲會擺滿美食攤檔,遊客可以一邊品嚐韓式美食,一邊賞櫻!去到夜晚,呢度仲會有音樂表演、街頭表演,氣氛高漲,非常熱鬧!


@ailn_12

漢江公園就喺附近,嗰度有一大片草地,下午時份可以去野餐,好有feel㗎!夜晚呢度仲有音樂噴泉表演,五光十色嘅燈光配合噴泉千變萬化嘅形態,無論情侶定一家人睇都好有 feel!

 

汝矣島輪中路
地址:首爾市永登浦區汝矣島洞 2(顯示地圖
交通:乘搭地鐵至汝矣島站 2 號出口步行前往

 

 

首爾親子遊|首爾櫻花景點|石村湖

@pinterest

石村湖係位於蠶室站嘅熱門櫻花景點,呢度總共有過千棵櫻花樹圍繞住湖邊,試想像上千棵櫻花樹同時綻放盛盟,景象係幾咁震撼!而且每逢櫻花季節,呢度都會有櫻花慶典,會有各類型嘅文化藝術表演、體驗活動,吸引唔少遊客嚟呢度湊熱鬧!


@kathechang

樂天世界就喺附近,喺石村湖任何一個角落都可以望到樂天世界高聳嘅城堡,可以影出唯美嘅櫻花相!由石村湖去樂天世界非常之近,親子遊睇完櫻花帶小朋友去玩返一日就岩哂啦!

 

石村湖
地址:首爾特別市松坡區蠶室路148(顯示地圖
交通:乘搭地鐵至蠶室站3、10號出口

 

首爾親子遊|首爾櫻花景點|首爾林


@rainie_cyc

首爾林係首爾一個大型公園,佔地35萬坪,大到你行一日都未必行得完!原來呢度曾經係韓國皇帝嘅狩獵場同驗兵場,後嚟發展成一個綜合公園。呢度有各式各樣嘅設施,包括濕地生態園、體驗學習園同纛島生態林等等。公園有一大片草地,每逢秋高氣爽嘅季節,都有好多人聚集喺度野餐!適逢櫻花季,首爾林嘅樹成行成列咁開滿粉紅色嘅櫻花,場面浪漫又壯觀!

首爾林附近仲有個最新景點—貨櫃屋UNDER STAND AVENUE,係由多個貨櫃組成嘅文化購物區,多家特色文青小店都進駐呢度開鋪擺檔,去完首爾林公園可以嚟呢度行下!

首爾林
地址:首爾特別市城東區纛島路273(顯示地圖
交通:乘搭地鐵至盆唐線首爾林站3號出口

 

首爾親子遊|首爾櫻花景點|首爾樂園


@alisha.tw

去首爾親子遊,如果你想搵一個景點岩細路仔之餘又睇到櫻花,咁就一定非首爾樂園莫屬!首爾樂園由1988開幕至今有20多年歷史,係首爾最受歡迎嘅主題樂園之一。


@klook

樂園由多個主題園區組成,包括冒險國度、幻想國度、未來世界、三千里花園等等。樂園處處開滿櫻花,基本上成個樂園都可以欣賞到櫻花,你亦可以一邊玩機動遊戲,一邊睇櫻花,享受刺激感嘅同時可以睇到咁靚嘅櫻花,都係另一番體驗!


@klook

另一個欣賞櫻花嘅方法係坐大象車,大象車係來往首爾樂園、首爾動物園同其他鄰近景點嘅交通工具,坐上大象車,沿途都可以睇到櫻花樹成行成列咁開滿大路兩旁!大象車一程車程收費為1000₩。

 

首爾樂園
地址:京畿道果川市光明路181(顯示地圖
交通:乘搭地鐵4號線到大公園/首爾樂園站下車,於2號出口再轉乘大象車或纜車
開放時間:09:30 – 22:00
入場費用 (只供參考):
(日間)成人 25,000₩ / 兒童 20,000₩
(夜間)成人 22,000₩ / 兒童 17,000₩

 

 

首爾親子遊|首爾住宿推薦|首爾明洞樂天城市酒店

首爾明洞樂天城市酒店位於明洞附近,由酒店行去明洞購物區大概10-15分鐘路程,就算行街行到幾夜都唔洗怕!酒店亦鄰近其他熱門景點,行過去都一樣咁方便。另外,酒店裝潢華麗典雅,空間亦夠大,一家大細入住都唔會覺得擠迫!

 

首爾明洞樂天城市酒店
地址:首爾特別市中區三一大路362(顯示地圖
星級 | ★★★★☆  
位置 | ★★★★☆  
設施 | ★★★☆☆  
環境 | ★★★★☆  
價格 | 查看價格  

 

首爾親子遊|首爾住宿推薦|樂天世界酒店

如果想遠離煩囂,可以考慮入住樂天世界酒店。樂天世界酒店係同樂天世界呢個樂園相連,亦同石湖村好近,想去睇櫻花都夠晒方便啦!另外,酒店亦同地鐘站、百貨公司相連,附近亦有不少嘅食肆,就算落雨都唔怕啦!

雖然話係遠離煩囂,但係搭地鐵出市區,例如明洞、東大門呢啲商區,都只需要30分鐘就到。如果來往機場都好方便,地鐵或者機場巴士都可以直達酒店,交通非常便利!

 

樂天世界酒店
地址:240, Olympic-ro, Songpa-gu, 首爾, 韓國(顯示地圖
星級 | ★★★★★
位置 | ★★★★☆  
設施 | ★★★★★   
環境 | ★★★★☆  
價格 | 查看價格  

 

首爾親子遊|首爾住宿推薦|首爾萬豪行政公寓

首爾萬豪行政公寓位於汝矣島,周邊環境都幾清靜。客房非常大,基本房間都有超過400平方呎,採光好好,而且房間舒適乾淨!房內仲有個設備好充足嘅廚房,廚房設施包括有雪櫃、爐頭、焗爐同微波爐,同一般家庭廚房冇咩大分別!如果想嚟渡假,又或者慢遊首爾睇吓櫻花chill吓,呢間service apartment絕對係無嘅心水之一!

另外係交通上,首爾萬豪行政公寓行去地鐵站都係8分鐘左右,又有機場巴士可以直達。如果自駕遊嘅,每間房間都會有一個免費泊車位,非常方便呀!

 

首爾萬豪行政公寓
地址:8, Yeoui-daero, Yeongdeungpo-gu, 首爾, 韓國(顯示地圖
星級 | ★★★★
位置 | ★★★☆☆  
設施 | ★★★★   
環境 | ★★★★☆  
價格 | 查看價格 

 

首爾親子遊|首爾住宿推薦|南大門艾納套房酒店

南大門艾納套房酒店位於南大門呢個商業區,附近有好多唔同嘅地道餐廳、咖啡室、小食店、便利店等等,仲有人氣早餐店Isaac toast係附近㖭。酒店同地鐵站距離都好近,行大概5分鐘就會到,又有機場巴士直達,地理位置同交通上都方便。

酒店房間整體都好整潔乾淨,空間感大又好寬闊。酒店入面仲有個健身室可以免費使用。呢間酒店嘅CP值都幾高!

 

南大門艾納套房酒店
地址:36, Sejong-daero 11-gil, Jung-gu, 首爾, 韓國(顯示地圖
星級 | ★★★★
位置 | ★★★☆  
設施 | ★★★★   
環境 | ★★★☆☆  
價格 | 查看價格

 

📖延伸閱讀:【首爾咖啡店特集】5大首爾弘大、梨泰院cafe!(浣熊Cafe超得意!)
📖延伸閱讀:【獨遊首爾】首爾一個人吃飯冇有怕!獨樂樂首爾餐廳推薦!
📖延伸閱讀:【首爾文青景點】韓仔韓妹Look Ready!潮影首爾証件相 + 首爾剪髮體驗
📖延伸閱讀:【首爾購物】四大首爾必行地下街!江南,永登浦,蠶室,高速巴士站!

 

Hotels.com 酒店優惠