定期送上世界各地最新、最地道嘅旅遊資訊!

【首爾櫻花景點】首爾慶熙大學櫻花賞玩攻略!(連仁寺洞、三清洞cafe推薦)

又到櫻花季節,日韓台有好多賞櫻熱點,今次就帶大家去韓國首爾慶熙大學,歐式建築配搭唯美嘅首爾櫻花,浪漫至極,影相一流!再推介埋仁寺洞同埋三清洞Cafe,休息夠再去血拼!仲教埋你用至抵價錢book酒店,慳番啲錢去玩!

 

首爾賞櫻特集 | 慶熙大學櫻花

慶熙大學係韓國知名學府,每年櫻花盛開嘅時候總會有滿滿嘅人潮,二百幾棵櫻花樹同時盛開形成一片大櫻花海,真係好靚㗎!配合埋哥德式建築,真係會令人有去左外國嘅錯覺!慶熙大學校園仲有多個影相打卡地點,櫻花樹遍佈整間大學,漫步校園都相當浪漫。想影靚相嘅你,如果唔想好多路人攝鏡,建議都係早啲去避開人潮!


@hopetrip.com
本館(研究生院)前噴水池廣場有粉嫩櫻花相伴,好夢幻!

@Facebook
和平殿堂必定係最熱門嘅賞櫻地點! 由斜坡影上去,仲可以將宏偉壯觀嘅殿堂連同櫻花一齊入鏡!

@Facebook
慶熙大學圖書館就好似一座城堡咁,單望佢已經覺得有種文藝風感覺!

 

首爾慶熙大學
地址:首爾市東大門區回基洞 1號 (顯示地圖)
交通:地鐵1號線回基站1號出口,搭乘往慶熙醫療院嘅1號綠色小巴,到終點站下車

 

📖延伸閱讀: 【首爾咖啡店特集】5大首爾弘大、梨泰院cafe!(浣熊Cafe超得意!)
📖延伸閱讀:【首爾文青一日遊】首爾影相好去處!(附文青打卡必去首爾Cafe之選)

 

首爾賞櫻特集 | 仁寺洞、三清洞cafe推薦|三清洞韓屋咖啡店Café LN

遊走完成個校園,係時候要休息返補充體力,今次介紹大家到三清洞呢間好特別嘅韓屋咖啡店,感受一下傳統嘅文化氣息。位處三清洞嘅Café LN係一間韓屋咖啡店,以韓國傳統建築外觀配上內裡現代化裝修,夠晒特別!庭院仲有一棵老松樹,歷史悠久,環境、氣氛一流!


@Facebook


@jbhoon


@hyoungsic_kim

品嚐甜品同時,店內亦有賣藝術和設計品,有時都會有展覽同演講,文青至愛!

 

Café LN
地址:鍾路區花洞27-1 (顯示地圖)
營業時間:10:00-22:00(星期日:10:00-21:30)
交通:地鐵3號線安國站 (328) 2號出口,步行約12分鐘

 

 

首爾賞櫻特集 | 仁寺洞、三清洞cafe推薦|仁寺洞月鳥戀月茶屋

位於仁寺洞嘅月鳥戀月茶屋一樣係韓屋外觀,屋內充滿傳統韓屋的器具,同埋一個復古郵筒,即時有置身古代感覺!月鳥戀月茶屋有同其他Cafe不一樣嘅食物,以自製茶,如茉莉花茶同木瓜茶配搭韓式點心,相當精緻

 @Facebook

@Facebook

 

鳥戀月茶屋
地址:鍾路區仁寺洞12街14-3 (顯示地圖)
營業時間:10:00-23:00

 

 

首爾賞櫻特集 | 仁寺洞、三清洞cafe推薦|Cafe Joconde

Cafe Joconde@cafe_joconde

喺三清洞呢一區其實都有好多cafe,但係要搵一間睇到靚景,有特色裝修,而CP值又高嘅cafe就唔係咁容易喇!Cafe Joconde位於三清洞,隱藏於小巷之中嘅cafe。裝修概念嚟自於懷舊嘅韓屋,採用咗暖色系嘅佈置、燈光用上黃燈,又用咗好多木系嘅傢私,好有家的感覺。Cafe有兩層,如果要睇埋靚景打卡嘅,就要上二樓!二樓可以眺望到三清洞傳統韓屋靚景,而且無講室內外都有唔少精緻擺設,打卡一流!

 

@roseuns

另外,Cafe嘅甜品糕點都好高質,款式又多。就連餐具店主都精心挑選過,有機會嚟到三清洞,不妨去Cafe Joconde食件蛋糕,放輕鬆一吓。

Cafe Joconde
地址:鍾路區三清路63-61 (顯示地圖)
營業時間:星期日至星期四 10:30 – 21:00;星期五至星期六 10:30 – 22:00 (星期一休息)

 

首爾賞櫻特集 | 仁寺洞、三清洞cafe推薦|Cafe D55

Cafe D55@cafed_55

三清洞係一個充滿韓國傳統氣色嘅地區,喺呢一個地區就有一間附現代簡約北歐風嘅Cafe D55。Cafe D55嘅潔白外觀非常吸晴,室內以白色裝修為主,配埋有啲復古工業風嘅木系傢私,仲有一啲綠色植物、蠟燭、燈飾作點綴,冇多餘嘅擺設,剛剛好!呢間cafe有兩層,二樓仲有露台座位同落地大玻璃,採光非常好,又可以睇到三清洞靚景,環境一流!

Cafe D55_2@lazy_mode

Cafe D55唔只環境充滿北歐風格,喺甜點上都有著歐洲嘅風味。Cafe都有提供法式精緻甜品,例如cafe招牌嘅瑪德蓮。除咗甜點之外,仲會有Brunch、Burger等等嘅鹹點熱食。

Cafe D55
地址:鍾路區三清路55 (顯示地圖)
營業時間:星期三至星期五 12:00 – 21:00;星期六至星期日12:00 – 22:00 (星期一至星期二休息)

 

首爾賞櫻特集 | 仁寺洞、三清洞cafe推薦|Bear Café

Bear Café@patrick_london.18.12

位於西村窄巷入面嘅Bear Cafe,由40年歷史老韓屋改造成最初嘅雜誌社,到依家演變成一間複合式嘅cafe。Cafe依舊保留咗老韓屋嘅主要結構,另外為Cafe油上白色牆身同添置簡約風嘅傢俱。

@nuvoir_

Cafe除咗賣咖啡之外,仲有好多唔同類型嘅書籍可以俾大家選購,而且cafe定期會舉辦文藝活動,非常適合文青嚟打個卡,嚟吸收吓文藝氣息。

Bear Café
地址:鐘路區紫霞門路24街24 (顯示地圖)
營業時間:星期三至星期日 12:00-19:00 (星期一至星期二休息)

 

📖延伸閱讀: 【首爾近郊一日遊】快閃首爾郊區!春川景點懶人包 (蕎麥麵體驗館、鐵路自行車)
📖延伸閱讀:【首爾米芝蓮2018】實測五大首爾米芝蓮餐廳食物水準!首爾美食餐廳推薦逐個數!

 

 

首爾賞櫻特集 | 首爾住宿推介 | Doo 民宿 (Doo Guesthouse)
睇完韓屋Cafe想住返晚體驗吓?位於三清洞嘅Doo 民宿就啱晒,佢地點便利,可以直達多個旅遊景點,仲可以一嘗特色嘅韓屋體驗𠻹!

Doo 民宿 (Doo Guesthouse)

@hotels.com

 

Doo 民宿 (Doo Guesthouse)
地址:KOR首爾49-4, Gyedong-gil, Jongno-gu (顯示地圖)
星級 | ★★☆☆☆
位置 | ★★★★☆
設施 | ★★☆☆☆
環境 | ★★★☆☆
價格 | 查看價格  

 

首爾賞櫻特集 | 首爾住宿推介 | 仁寺洞弗頂級酒店 (Top Hotel & Residence Insadong)

仁寺洞弗頂級酒店嘅環境、地點唔錯,去邊都好方便,有24小時前台接待,而且周邊配套都相當完善!

該住宿照片相冊

 

仁寺洞弗頂級酒店 (Top Hotel & Residence Insadong)
地址:KOR首爾14, Samil-daero 28-gil, Jongno-gu ( (顯示地圖)
星級 | ★★★☆☆
位置 | ★★★★☆
設施 | ★★★☆☆
環境 | ★★★★☆
價格 | 查看價格  

 

 

Hotels.com酒店優惠