定期送上世界各地最新、最地道嘅旅遊資訊!

【越南自由行】峴港行程攻略連峴港必食、必去景點懶人包!

越南嘅消費水平低,無論係食、玩、瞓都好平,絕對係短trip嘅首選!今次小編就帶大家去越南峴港,一齊去做百萬富翁啦!

 

峴港必去景點|峴港大教堂


@Flickr

座天主教教堂嘅外牆好特別,係粉紅色,相信好多女士們見到都會即刻心心眼,而就係峴港大教堂啦!峴港大教堂建於1923年,一年後就啟用。教堂採用哥特式建築風格,所以有好多尖形拱門,好特別㗎!教堂位於峴港市中心,好易就搵到,大家嚟到記得呢度參觀同影相打卡喇!

 

峴港大教堂
地址:156 Đường Trần Phú, Hải Châu 1, Q. Hải Châu, Đà Nẵng, Vietnam(顯示地圖

 

峴港必去景點|漢市場


@Flickr

漢市場就好似泰國嘅夜市cross over香港街市。食物、衫褲鞋襪、生活雜貨等等,全部你講得出嘅,呢度都有得買。漢市場下層主要係賣食物、同生活雜貨,好似越南扎肉、各式乾果、越南咖啡等都可以喺度搵到,喺度買手信就最啱喇。上層就主要係賣衫褲鞋襪,大家可以以好低嘅價錢買到各大運動品牌嘅商品,但係係真定假,就要大家自己判斷啦!

 

漢市場
地址:119 Trần Phú, Hải Châu 1, Hải Châu, Đà Nẵng, Vietnam(顯示地圖

 

峴港必去景點|巴拿山


@Flickr

巴拿山位於峴港市中心以西40公里,高1487米,所以山下同山上嘅溫差好大,亦因為咁所以早係20世紀初,呢度就成為咗法國人嘅避暑勝地。峴港政府近年將巴拿山重新發展,將巴拿山打造成一個小法國村同休閒度假區。


@Flickr

要上巴拿山就要撘纜車,而巴拿山嘅纜車系統曾經榮獲「世界最長獨線纜車系統」同「世界最高的纜車系統」兩個健力士世界紀錄,最長果程纜車要撘20分鐘㗎!山上面有好多娛樂設施,而小編最鍾意嘅就係佢哋嘅Fantasy Park。Fantasy Park入面有好多野玩,好似碰碰車、跳樓機、籃球機、小型迷宮、4D影院等等,包保你玩到樂而忘返呀!

 

巴拿山
地址:TL 602 Hòa Ninh Hòa Vang, Da Nang, Vietnam(顯示地圖
入場門票:成人 VND 650,000;小童 VND 550,000

 

峴港必食|海鮮大排檔


@rina.716p

喺香港食海鮮咁貴,一於去越南食返餐又平又好食嘅海鮮啦!小編就介紹大家去位於美溪沙灘隔離嘅海鮮街度食海鮮大餐!呢度所有嘅海鮮大排檔都係即叫即煮,仲有得自己選擇烹調方法,無論煎、炒、蒸、炸,樣樣都得,只要同侍應講聲就ok啦!大家唔使驚唔知點樣同待應溝通,所有海鮮都會分哂類咁擺出嚟,亦會有一個大大嘅價錢牌貼係牆上面,寫好每樣海鮮嘅價錢,絕對唔洗怕佢哋會海鮮價呀!

 

海鮮大排檔
地址:Võ Nguyên Giáp, Mỹ An, Ngũ Hành Sơn, Đà Nẵng, Vietnam(顯示地圖

 

峴港必食|Phở Phú Gia


@cutiela83

去到越南就梗係要食正宗嘅越南河粉啦!唔好以為平嘢冇好嘢,呢間餐廳嘅越南牛肉湯河雖然好平,但係就非常足料。仲會附送油炸鬼同埋芽菜,用嚟餸個湯河就最啱啦!

 

Phở Phú Gia
地址:8 Lý Tự Trọng, Quận Hải Châu, Đà Nẵng(顯示地圖
營業時間:11:00 – 18:00

 

峴港酒店住宿推介|峴港桑諾瓦酒店

峴港桑諾瓦酒店, 峴港, 典雅雙床房, 浴缸, 城市景, 客房

呢間酒店位於峴港市中心,去好多景點例如漢市場、漢江、峴港大教堂等等都好近。重點係,呢間酒店嘅服務真係一流,佢哋唔單只會幫你執整齊間房,仲會幫你摺好啲衫褲,每晚返到酒店都勁乾淨同整齊,啱晒有潔癖嘅你!

峴港桑諾瓦酒店, 峴港, 護理室

另外,記得要mark實Hotels.com,因為呢間酒店周不時都會有優惠價,會送每日30分鐘嘅Spa,仲要包埋早餐,真係抵到爛呀!

 

峴港桑諾瓦酒店
地址:68 Phan Chau Trinh, 峴港, 55000, 越南(顯示地圖

 

峴港酒店住宿推介|越南中部蘭珂悅椿度假村

越南中部蘭珂悅椿度假村, 喀杜

如果你去越南淨係想去到度假,咁呢間酒店就好啱你啦!呢間酒店離峴港市中心大約一個鐘車程,附近亦都冇咩野行,所以酒店入邊嘅設施都好充足,好似有私人沙灘、貫穿成間酒店嘅游泳池、水上活動中心等。酒店每日都會舉行唔同嘅興趣班比住客參加,好似瑜伽班、烹飪班等等,就算住喺呢度幾日都唔會悶!

越南中部蘭珂悅椿度假村, 喀杜, Seaview Junior Pool Suite King, 客房

 

越南中部蘭珂悅椿度假村
地址:VNM喀杜Phu Loc DistrictCu Du Village 1, Loc Vinh Commune(顯示地圖

 

Hotels.com酒店優惠