定期送上世界各地最新、最地道嘅旅遊資訊!

【悉尼藍山一日遊】悉尼藍山國家公園自駕遊行程攻略 2018

悉尼旅遊,藍山國家公園可以話係必到嘅景點!因為呢到風景極美,仲係澳洲著名嘅世界遺產。今次就等小編幫大家整合一個自駕悉尼藍山一日遊嘅行程攻略,一齊去玩啦!

 

悉尼藍山國家公園係澳洲非常重要嘅世界文化遺產,呢到除咗有壯麗景色同豐富嘅自然生態,仲蘊含咗澳洲原住民嘅人文資產,每年都吸引過百萬遊客嚟觀光。悉尼藍山國家公園總共有十八條觀景路線,如果每一條都行哂,起碼都要花足三日嘅時間。為咗可以用最短嘅時間,睇盡藍山最靚嘅景色,小編已經精心為大家規劃好自駕悉尼藍山一日遊嘅路線喇!

 

📖延伸閱讀:【復活節活動】悉尼自由行—復活節假期3日2夜品味咖啡文化之旅!
📖延伸閱讀:【澳洲Pho越南河粉天書】悉尼美食特集!Cabramatta區必食越南餐廳指南2018

 

悉尼藍山國家公園景點推介景觀世界 (Scenic World)

景觀世界係藍山最主要嘅景點,因為呢到包括咗四條主要觀景路線,比大家全方位欣賞藍山絕美景色:兩條纜車路線「Sykway」同「 Cableway 」、世上最斜嘅列車「Railway」,同步行道「 Walkway」。

 

觀景路線建議順序: Railway > Walkway > Cableway > Skyway

第一站|Railway


@Scenic World官網

先去最刺激嘅Railway,乘坐坡度高達52度嘅列車落到去杰米遜谷 (Jamison Valley),途中仲會穿過山洞同樹林,如果速度夠快,真係好似坐過山車!想再刺激啲就記得坐第一排喇!

 

第二站|Walkway

@Scenic World官網

到達杰米遜谷之後就沿住2.5公里長嘅熱帶雨林步道Walkway,行大概20分鐘就去到Cableway。沿途除咗可以欣賞吓藍山熱帶雨林嘅各種植物同岩石峭壁之外,仲會經過介紹煤礦歷史嘅模擬區,比大家停留影相。

 

第三站|Cableway

@flickr

然後就坐Cableway返去景觀世界。Cableway上可以清楚睇到藍山著名地標三姊妹峰 (Three Sisters)孤兒岩 (Orphan Rock)

 

第四站|Skyway

@Blue Mountain 官網

最後就可以乘坐空中纜車Skyway 360度全方位欣賞藍山嘅壯麗景觀!Skyway嘅車廂中間有一部分係透明玻璃,腳底下係一片熱帶雨林,感覺就好似空中漫步,好玩刺激得嚟仲有靚景睇,有時間真係不妨坐多幾次!

 

景觀世界 (Scenic World)

地址:Corner Violet Street & Cliff Drive, Katoomba NSW 2780 Australia (顯示地圖)
開放時間:09:00 – 17:00 全年無休
入場費用 (只供參考)星期一至五成人AUD$39;小童AUD$21,星期六日成人AUD$43 ;小童 AUD$23 (費用包含無限次體驗四條景觀路線)
官網:https://www.scenicworld.com.au
交通:悉尼市中心 > M4 Motorway > Great Western Highway > 景點世界免費停車場
自駕遊貼士:由悉尼去藍山嘅中途會經過收費公路 (Tolls),大家可以用Google GPS,剔選避開收費嘅路段,咁就可以慳返來回AUD$30嘅公路費喇!

 

👉🏩即刻Click入嚟睇下Top 10 藍山國家公園酒店住宿優惠!

📖延伸閱讀:【澳洲悉尼自由行】悉尼景點行程攻略-攀登悉尼港灣大橋!
📖延伸閱讀:【澳洲自由行】Top 5 澳洲跳傘地點連套餐價格懶人包及常見問題

 

悉尼藍山國家公園景點推介 回聲角 (Echo Point)

@flickr

回聲角 (Echo Point) 係睇三姊妹峰嘅最佳位置。三姊妹峰係藍山最著名嘅地形景觀,由三個巨型岩石並列而成。呢個咁特別嘅自然奇觀,背後仲包含咗肯圖巴部落 (Katoomba)三姊妹可歌可泣嘅愛情故事,絕對係藍山必到影相打卡位!!回聲角仲可以睇到藍山全景。大家可能會見到有一層霧圍繞住藍山,其實係由桉樹森林釋放桉樹油而形成嘅藍霧,亦都係藍山嘅地名由來。

 

悉尼藍山國家公園景點推介|溫特沃斯瀑布 (Wentworth Falls)

@Wikimedia

藍山除咗有可以喺Skyway上睇到最多人認識嘅肯圖巴瀑布 (Katoomba Falls)之外,其實仲有唔少好靚嘅瀑布。溫特沃斯瀑布 (Wentworth Falls) 就係其中一個好值得去影相嘅瀑布啦!因為溫特沃斯瀑布嘅位置係距離景觀世界需要15分鐘車程,所以多數都係自駕遊先會去到㗎!

悉尼藍山國家公園景點推介林肯岩 (Lincoln’s Rock)

@chasingxsunday

藍山有一個隱藏嘅超靚影相位,亦都係小編最鐘意嘅觀景位置,就係林肯岩 (Lincoln’s Rock)喇!除咗景色靚,人又無咁多,最特別嘅就係可以影到扮坐係懸崖邊嘅「玩命呃like相」!但其實下面仲有突出嘅岩石,唔係真係喺懸崖邊,不過大家都要小心呀!

 

悉尼藍山國家公園住宿推介帕克蘭鄉村花園旅館

帕克蘭鄉村花園旅館係位於藍山附近小鎮布萊克希斯 (Blackheath) 嘅一間鄉村休閑旅館。四周圍環境優美寧靜,旅館室內設計充滿歐式古典風情,住過嘅客人都對呢到讚口不絕!

旅館仲有Spa嘅設備,行完一日藍山,去做返個Spa relax吓就爽喇!

 

房間豪華高雅,感覺溫暖舒服,望出窗外就係原始森林,絕對係難忘嘅體驗!

 

帕克蘭鄉村花園旅館
地址:AUS布萊克奚斯132 Govetts Leap Road (顯示地圖)
星級 | ★★★★☆  
位置 | ★★★☆☆  
設施 | ★★★★☆  
環境 | ★★★★★  
價格 | 查看價格

 

📖延伸閱讀:【澳洲自由行】Top 3 澳洲墨爾本必去人氣Cafe!
📖延伸閱讀:【黃金海岸自由行】澳洲黃金海岸美食、行程、住宿全攻略!

 

悉尼藍山一日遊|藍山國家公園住宿推介|諾伍德山旅館

諾伍德山旅館1

諾伍德山旅館2

諾伍德山旅館係藍山當地好有歷史嘅一間酒店住宿,成間旅館嘅設計都好有家嘅感覺,令人感覺溫暖!諾伍德山旅館嘅特別之處,在於酒店設有燒烤爐可以畀你BBQ,啱晒一家大細嚟藍山一邊欣賞自然風光,一邊享受美食,真係一舉兩得啊!

 

諾伍德山旅館
地址:AUS布萊克奚斯209 Great Western Hwy (顯示地圖)
星級 | ★★★☆☆    
位置 | ★★★☆☆  
設施 | ★★★★☆  
環境 | ★★★☆☆  
價格 | 查看價格

 

悉尼藍山一日遊|藍山國家公園住宿推介|克蘭威廉酒店

克蘭威廉酒店1

克蘭威廉酒店2

克蘭威廉酒店唔單止房間夠晒寬敞,而且仲設有一個廚房,裡面嘅煮食用具、器皿通通都相當齊備,就連爐頭同埋微波爐都有埋,真係想煮咩嘢食都得啊!如果你係同一大班朋友或者屋企人去藍山國家公園自駕遊嘅話,克蘭威廉酒店絕對係你住宿嘅一個好選擇!

 

克蘭威廉酒店
地址:AUS布萊克奚斯62 Clanwilliam Street (顯示地圖)
星級 | ★★★☆☆  
位置 | ★★★☆☆  
設施 | ★★★☆☆  
環境 | ★★★☆☆  
價格 | 查看價格

 

悉尼藍山一日遊|藍山國家公園住宿推介|庫巴倫加旅館

庫巴倫加旅館, 布萊克奚斯

庫巴倫加旅館, 布萊克奚斯, 奢華套房, 按摩浴缸, 客房

庫巴倫加旅館距離藍山國家公園只有15分鐘腳程,沿途你可以漫步欣賞藍山風光明媚嘅自然景色,順便洗滌心靈。另外,庫巴倫加旅館設施一應俱全,咖啡店、便利店甚至乎圖書館都有,真係唔怕去到無嘢做會悶親!而且房間佈置相當典雅舒適,去藍山玩不妨考慮一吓啦!

 

庫巴倫加旅館
地址:AUS布萊克奚斯9 Brentwood Avenue (顯示地圖)
星級 | ★★★★☆  
位置 | ★★★☆☆  
設施 | ★★★☆☆  
環境 | ★★★★☆
價格 | 查看價格

 

 

 

Hotels.com酒店優惠