定期送上世界各地最新、最地道嘅旅遊資訊!

【荷蘭自由行】一日快閃阿姆斯特丹遊記 (連單車路線及租車攻略)

唔講唔知,原來好多人都鐘意去荷蘭自由行,一嚟荷蘭交通方便、治安又好,首都阿姆斯特丹仲有好多值得一去嘅景點。今次呢篇阿姆斯特丹遊記就會帶大家去踩單車介紹經典嘅阿姆斯特丹單車路線,同埋當地特色單車主題酒店,仲教埋你用至抵價錢book酒店,慳番啲錢去玩!

 

荷蘭自由行 | 阿姆斯特丹單車理想國度


@Facebook

嚟到荷蘭自由行,可以話係單車友嘅理想國度,因為荷蘭政府認為無止境興建道路,不斷增加馬路上行駛嘅車輛數只會帶嚟長遠嘅交通同環保問題,所以幾十年來都將單車網絡視為城市發展嘅重要考慮。單車對於荷蘭人而言,已經成為生活一部份。


@jmshutter


@flickr

相比起香港,荷蘭踩單車絕對輕鬆無壓力,阿姆斯特丹全城有40%交通量由單車承擔,市內設有單車專用交通燈號同道路。早上同放工時間,隨處都可以見到穿著西裝甚至套裝裙嘅男男女女上班族踩單車代步。

 

荷蘭自由行 | 阿姆斯特丹租單車


@Facebook

阿姆斯特丹單車網絡規劃完善,喺市區租單車一啲都唔難。以阿姆斯特丹火車站為起點,附近已經有多間單車店如Yellow Bike、Mac Bike等等,相當易搵。


@flickr

租車費用就會按單車款式同埋租借時間而定。常見單車款式好似手制煞車、腳制煞車、兒童椅以及雙人單車等等。


@flickr

一般單車可以揀租借1小時、3小時或者全日。店鋪多數會要求預繳按金或者身份證明文件,同時可按需要去購買保險,以保障單車被盜或被破壞。不過要注意嘅係一般單車店都算早關門,大約黃昏5-6點,所以大家要提前Plan好行程,避免遲還要交罰款。

 

荷蘭自由行 | 阿姆斯特丹遊記景點 | 海尼根體驗館 (Heineken Experience)


@Facebook

1988年由海尼根釀酒廠改裝而成嘅海尼根體驗館可以話係阿姆斯特丹嘅重點,嚟到呢度,就可以睇到香港人口中嘅喜力啤酒歷史同釀造過程,就算唔係啤酒迷都一樣值得參觀!

@Facebook

每個參觀嘅遊人都會得到一條手環,手環上面嘅鈕扣可以用嚟換生啤同紀念品。你亦可以製作專屬嘅啤酒label,將名字印喺啤酒樽上,好特別㗎!

 

海尼根體驗館 (Heineken Experience)
地址:Stadhouderskade 78, 1072 AE Amsterdam (顯示地圖)
開放時間:11am – 7:30pm
門票 (只供參考):16歐元
網站:www.heineken.com

 

荷蘭自由行 | 阿姆斯特丹遊記景點 | 安妮之家 (Anne Frank House)

安妮之家係紀念猶太人安妮嘅一個博物館,同時亦係安妮一家喺二戰時逃避納粹而躲藏嘅地方,直到被告發,佢地一家被趕到集中營,安妮亦都喺集中營染病過身。


@Facebook

而安妮喺躲藏期間寫嘅日記後來被發現,並出版成書。安妮之家入面展覽咗好多生還者嘅口述歷史,以及遺留嘅物品,真係好值得去參觀,等大家可以從歷史中反省、學習。


@Facebook


@Facebook

 

安妮之家
地址:Prinsengracht 263-267, 1016 GV Amsterdam (顯示地圖)
門票 (只供參考):成人9歐元;10-17歲4.59歐元;0-9歲免費
網站:http://www.annefrank.org/en/Museum/

 

荷蘭自由行 | 阿姆斯特丹遊記景點 | 梵高博物館 (Van Gogh Museum)


@bpmb.nl

阿姆斯特丹有許多大大小小的博物館,可說是個博物館之都。其中最具人氣之一嘅,就係梵高博物館。梵高博物館內有四層,包括底層嘅書店、Cafe同埋紀念品店,而一至三樓就係展出梵高唔同時期嘅作品,可以一睹真跡兼感受佢嘅才華、繪畫獨有風格,相當值得一去!


@flickr

喺梵高博物館,你可以欣賞到約200幅梵高嘅真跡,最為人熟悉嘅一定係《向日葵》(1889年)。


@flickr

 

梵高博物館 (Van Gogh Museum)
地址:Museumplein 6, Amsterdam (顯示地圖)
開放時間:9am – 5pm;星期五 9am – 9pm
門票 (只供參考):成人18歐元;18歲或以下免費
網站:https://www.vangoghmuseum.com/en

 

荷蘭自由行 | 阿姆斯特丹住宿推薦 | 自行車酒店 (The Bicycle Hotel)

自行車酒店, 阿姆斯特丹, 雙人或雙床房, 客房

阿姆斯特丹踩單車又點可以唔住單車主題嘅酒店?自行車酒店位置便利,而最好就係佢可以提供租單車服務,職員仲會推介埋各條特色路線,夠晒貼心!

自行車酒店, 阿姆斯特丹, 單車

 

自行車酒店 (The Bicycle Hotel)
地址:Van Ostadestraat 123 (顯示地圖)
星級 | ★☆☆☆☆
位置 | ★★★★★
設施 | ★★★☆☆
環境 | ★★☆☆☆
價格 |查看價格  

 

Hotels.com 酒店優惠

 

📖延伸閱讀:【尋找瑞士山區肺】瑞士自由行—遊走於無污染山城策馬特馬特洪峰!

📖延伸閱讀:【柏林自由行】必去柏林景點推介!Top 3人氣柏林打卡精品咖啡店

📖延伸閱讀:【巴黎美食地圖】朝聖人氣法國巴黎必食甜品店

📖延伸閱讀:【歐洲上網攻略】歐洲電話卡大評比!邊隻歐洲sim card最抵!