定期送上世界各地最新、最地道嘅旅遊資訊!

【花蓮自由行】尋找花蓮海岸秘境—絕密花蓮景點大公開!

花蓮要山有山,要水有水,東面有太平洋,西面有壯闊嘅中央山脈,睇到呢啲海岸風光,都好難唔比當地獨有嘅遼闊所感染同療癒。但每次都淨係去七星潭同石梯坪?今次就等小編為大家整理當地人私藏嘅花蓮景點,帶大家走入花蓮海岸夢幻秘境,嚟一趟深度嘅花蓮自由行啦!

 

花蓮自由行| 絕密花蓮景點推薦|四八高地


@Flickr  喺四八高地度眺望出去,可以睇到海天一色嘅七星潭弧形海灣,海水潔淨湛藍
講到花蓮嘅海岸祕境,四八高地絕對係當地人嘅秘密景點之一!七星潭風景區係去花蓮嘅必去景點,不過唔係好多人都知有個更正嘅地方,可以居高臨下,180度遠眺呢片月牙灣景。花東縱谷背山面海,四八高地可以比你處於喺海拔50公尺高處,將太平洋同群山靚景盡收眼底,睇光呢篇介紹後,嚟花蓮就一定唔好錯過啦!


@ding0914

四八高地入口較為隱閉,既然係祕境,當然係冇路牌睇啦!四八高地嘅入口位於奇萊鼻燈塔同環保公園前嘅單車路,首先會見到一片草原,繼續向前行就會去到呢塊高地祕境。而高地冇任何圍欄,有好多人會想喺懸崖邊挑戰唔同嘅極限pose,為嘅係想將自己融入呢片靚景影靚相。但呢度嘅風有時會好大,海拔好高,提醒大家影相嘅時候要好小心!

@Flickr
 
同自己嘅伴侶一齊嚟呢度都係另一種浪漫。

@Facebook  呢度海天一線、群山圍繞、雲霧飄渺,仲唔快啲嚟欣賞下呢這絕靚美景!

 

四八高地
地址:花蓮縣花蓮市海岸路 (顯示地圖)
交通:入口位於海岸路上,鄰近花蓮觀光酒廠。喺華東路向海岸路轉角處行約10分鐘

 

花蓮自由行住宿推薦|翰品酒店-花蓮
翰品酒店花蓮, 花蓮市

花蓮翰品酒店係一間位於市中心嘅五星級度假酒店,位置相當好,離市區嘅鐵道文化園、知名美食公正街包子、東大門夜市等都好近,行街行耐咗都唔怕冇嘢食!酒店「蒙德里安」嘅繽紛幾何外觀,你一嚟就感受到台灣東部特有嘅活力!
翰品酒店花蓮, 花蓮市, 豪華家庭房- 兩中床, 客房
酒店有好多種房型,適合無論係一家大細、情侶定係深度旅遊嘅背包客。一樣嘅係,房間行歐系淡雅嘅裝修,夠光猛,設備一應俱全,係窗口望出去仲見到花蓮獨有嘅山海靚景!
翰品酒店花蓮, 花蓮市, 幾米主題家庭房- 兩中床, 客房
呢度仲有幾米主題套房可以選擇,大人細路都鐘意!
翰品酒店花蓮, 花蓮市, 自助餐
而且呢度係台灣東部首家環保飯店,採用太陽能板發電儲水之外,餐廳選用當地嘅食材,環保之餘又可以為旅客呈現最道地嘅花蓮!

 

翰品酒店
地址:花蓮縣花蓮永興路 2 號 (顯示地圖)
星級 | ★★★★★  
位置 | ★★★★★  
設施 | ★★★★☆  
環境 | ★★★★★  
價格 | 查看價格

 

花蓮自由行 | 絕密花蓮景點推薦 | 太魯閣砂卡步道


講到花蓮嘅山水美景,你諗起慕谷慕魚定係太魯閣國家公園?砂卡礑步道沿途溪水碧綠、有岩壁奇岩、原住民同日治時期留落嚟嘅歷史遺跡,呢個咁夢幻嘅秘境,唔知你又去過未呢?小編推薦位於太魯閣國家公園內嘅砂卡噹步道,俗稱神秘谷,全長約四公里。呢度嘅溪水因爲含沙量低再加上有碳酸鈣嘅成分,令到啲水呈碧綠透明,岩石褶皺亦都喺兩岸嘅山壁同溪中間嘅大石上形成一幅幅抽象壁畫,咁嘅秘境,絕對係你嚟花蓮唔可錯過嘅一流景點!


@xz0225
 
溪水碧綠清澈,好似夢境咁!


@eggy0322 砂卡礑步道入口位於砂卡礑隧道西洞口外,由入口沿住迴旋梯直落就會到起點。太魯閣國家公園成立之後,將呢條路規劃成景觀步道,設有休息平台與同解說牌,適合一家大細嚟行!

@happyfree177 呢度有峻秀嘅峽谷,清澈嘅溪水、好靚嘅岩石褶皺同蓊鬱嘅森林,步道嘅沿途以前曾經有好多個原住民喺度生活,所以可以欣賞到嗰度嘅景觀生態同人文景觀。

 

太魯閣砂卡步道
地址:花蓮縣秀林鄉富世村富世291號 (顯示地圖)
交通:花蓮、太魯閣客運同臺灣好行接駁車會泊喺遊客中心,喺遊客中心落車,再向西行約20分從砂卡礑隧道左面行人道經小錐麓步道到砂卡礑步道入口。

 

花蓮自由行住宿推薦|花蓮美侖大飯店

花蓮美侖大飯店, 花蓮市, 飯店景觀

花蓮美侖大飯店同樣位於市中心美崙一帶,係花蓮嘅經典老名牌度假飯店,價格平實,房間寬敞、設備完善。而且泳池、健身中心、室內攀岩壁球場、休閒娛樂中心、spa等等應有盡有,相當啱一家大細嚟花蓮渡假嗰陣嚟住!而且附近嘅環境清幽,景色優美,位置都好好,離必去嘅花蓮縣石雕博物館、鐵道文化園區同松園別館都唔需要行多過個鐘。小編真心推薦!

花蓮美侖大飯店, 花蓮市, 自助餐

特別推薦嘅係呢度嘅自助早、午餐,餐廳嘅落地大玻璃可以睇到出面高爾夫球趁同附近清幽嘅靚景,仲有呢度提供嘅西式餐點菜色有好多款,而且都好好味,嚟呢度一定要試試!
花蓮美侖大飯店, 花蓮市, 療程室
酒店有按摩療程,當小朋友喺娛樂區玩嗰陣,大人就可以放心咗喺呢度放鬆一下!

 

花蓮美侖大飯店
地址:花蓮縣花蓮林園 1 之 1 號 (顯示地圖)
星級 | ★★★★☆  
位置 | ★★★★★  
設施 | ★★★★☆  
環境 | ★★★★★  
價格 | 查看價格

 

 

花蓮自由行 | 絕密花蓮景點推薦 | 牛山呼庭

@am_photo0828
牛山呼庭距離市中心比較遠,位於花蓮壽豐鄉,但佢係花東海岸公路台11線嘅必去景點!牛山呼庭其實係個歷史人文豐富嘅休閒園區,集原住民部落元素同峇里島度假風於一身,更加重要嘅係呢度擁有無敵嘅天然海景!牛山呼庭呢個名讀落有啲奇怪,其實佢係源自阿美族語,意思係從原本嘅牧牛耕種之地,變成而家自由自在、無憂無慮之地,而呢度確實都係一個集海灘悠閒同太平洋壯闊於一身,一個點影都咁靚嘅地方。目前呢度仲未擺心太多遊客知,所以要趁早快啲嚟呢度比自己身心靈徹底咁放鬆一下啦!
@louis_fku 牛山呼庭門坊旁邊有個瞭望台,可以望到無敵嘅山海景,而呢度係荷李活電影沈默嘅拍攝場景。

@Flickr
 
呢度有好多園區主人極具心思嘅部落風、漂流木藝術雕刻。

@Flickr
牛山呼庭所營造嘅係一個自由自在、無憂無慮嘅地方,事實上呢度集原住民部落元素同峇里島度假風於一身,相當chill!

 

牛山呼庭
地址:花蓮縣壽豐鄉水璉村牛山39-5號 (顯示地圖)
營業時間:10:00-18:00
票價:50元台幣
交通:乘搭台鐵到花蓮火車站,出站後喺花蓮客運搭車 (往靜浦),於牛山站落車

 

Hotels.com酒店優惠