定期送上世界各地最新、最地道嘅旅遊資訊!

【緬甸自由行】緬甸旅遊行程規劃分享+緬甸手信精選!

除咗政治家昂山素姬,相信大家都對緬甸都會比較陌生。而家越嚟越多人去緬甸旅遊,到底緬甸有咩必去景點同有咩必買緬甸手信呢?想知就跟住小編,一齊揭開緬甸嘅神秘面紗啦!

 

 

緬甸自由行|緬甸旅遊景點推介|蒲甘熱氣球體驗

蒲甘係緬甸第一個王朝-蒲甘王朝嘅首都,亦係世界三大佛教古蹟之一,同柬埔寨吳哥窟、印尼七層浮屠齊名。喺呢度有好多佛塔,所以又叫做萬塔之城。但係今次介紹蒲甘並唔係要介紹佛塔,而係熱氣球體驗。

除咗土耳其,蒲甘都係全世界坐熱氣球嘅熱點地區之一。喺蒲甘有三間熱氣球公司,分別係紅、黃、綠三隻色。紅色係Balloon over Bagan,黃色係Golden eagles Ballooning, 綠色係Oriental Ballooning。雖然坐熱氣球嘅價錢唔平,但係可以喺蒲甘王朝嘅上空睇日出,望返落地面又可以睇到成個蒲甘嘅景象,真係畢生難忘,一生人一定要試一次呀!

 

蒲甘熱氣球體驗
Balloon over Bagan官網:https://www.balloonsoverbagan.com/
Golden eagles Ballooning官網:http://www.goldeneagleballooning.com/
Oriental Ballooning官網:https://www.orientalballooning.com/

 

 

緬甸自由行|緬甸旅遊景點推介|仰光大金塔

緬甸係著名嘅佛教國家,成個緬甸都有好多佛,而當中最出名嘅就係仰光大金塔。仰光大金塔係緬甸最神聖嘅佛塔,有成98米咁高,塔頂鑲咗7千幾粒鑽石同一粒世界最大嘅紅寶石,而塔身就係以16噸純金鑄成,四周圍仲有68座小塔。入到到去就好似置身於一個金碧輝煌嘅佛塔森林!

@Flickr

仰光大金塔之所以咁神聖係因為呢度供奉咗四位著名佛陀嘅遺物,包括是拘留孫佛嘅杖,正等覺金寂佛嘅淨水器,迦葉佛嘅袍同埋佛祖釋迦牟尼嘅八條頭髮,所以仰光大金塔係是緬甸咁多座佛塔之中,最富麗堂皇同最重要嘅一座。大家要注意嘅係入到大金塔範圍就要除鞋,所以建議大家唔好喺正午時候去,咁地下就會冇咁熱,行都行得舒服啲喇!

 

仰光大金塔

地址:ဗဟန်းလမ်း, Yangon, Myanmar (Burma) (顯示地圖)
開放時間:04:00 – 22:00
入場門票:8美元
服裝要求:長褲/及膝褲或裙 (不可着背心)

 

 

緬甸自由行|緬甸旅遊景點推介|皇家湖


皇家湖位於仰光市中心,喺仰光大金塔附近。皇家湖係英國殖民時代所起嘅人工湖,可以話係是全仰光最靚嘅湖泊。皇家湖劃分咗2邊,一邊係青青草原,另一邊就有好多餐廳同cafe。

喺皇家湖可以望到大金塔同卡拉威宮,喺度一路嘆住咖啡,一路睇日落,真係人生一大樂事呀!

 

皇家湖

地址:Yangon, Myanmar (Burma) (顯示地圖)

 

 

緬甸自由行|緬甸旅遊景點推介|必買緬甸手信|玉器


緬甸係產玉大國,所以呢度嘅玉器又平又靚,百幾蚊就有交易,一場嚟到一定要去仰光嘅昂山市場,曼德勒嘅玉器市場,買返啲孝敬屋企人呀!

 

 

緬甸自由行|緬甸旅遊景點推介|必買緬甸手信|緬甸漆器

@Flickr

緬甸漆器全部都係純手工製,無論係顏料定係漆料都係用天然材料而製,用嚟食飯同飲湯都安心啲啦!由於漆器全部都係純手工製,所以每一個都係獨一無二嘅,買嚟做手信送俾親友就最啱喇!

 

 

Hotels.com酒店優惠