定期送上世界各地最新、最地道嘅旅遊資訊!

【瑞士自由行】瑞士遊記 — 坐瑞士火車 嘆零污染舒適假期!

想真正嘆一個無污染嘅舒適假期,呼吸吓新鮮空氣?一於去瑞士自由行啦!今次嘅瑞士遊記入面,小編今次就帶你地去瑞士策馬特同埋馬特洪峰搭瑞士火車!仲教埋你用至抵價錢book酒店,即刻上Blogshotels.com睇啦!

 

📖延伸閱讀:【hotels.com優惠專區】hotels.com 訂酒店優惠折扣攻略(邊度拎hotel discount code?)

 

瑞士自由行|瑞士遊記|征服馬特洪峰

@Flickr

馬特洪峰又名切爾維諾峰,係阿爾卑斯山脈之中最岀名嘅山峰。雖然大家可能對佢個名有啲陌生,但係你哋一定都知道佢係咩樣,因為三角朱古力嘅商標就係馬特洪峰嘅剪影嚟㗎啦!

 

@Flickr

馬特洪峰位於瑞士同意大利嘅邊界,亦係位於瑞士南部策馬特(Zermatt)上面。同少女峰一樣,策馬特就好似少女峰嘅因特拉肯咁,要上馬特洪峰就一定要經過策馬特,所以小編就建議大家留喺策馬特多幾日,天氣好果日先上去馬特洪峰玩,咁就可以睇到馬特洪峰最靚嘅一面喇!

 

📖延伸閱讀:【瑞士移民考察團-少女峰遊記】瑞士少女峰交通、酒店住宿攻略!

 


@railplus.co

想近距離咁欣賞馬特洪峰,就要撘登山火車去Gornergrat觀景台喇!喺策馬特車站對面就係Gornergrat Bahn站,好易搵㗎!策馬特來回Gornergrat觀景台,喺官網票價為CHF 76 (2018年2月票價),如果你持有瑞士火車通行證(Swiss Travel Pass)半價卡(Swiss Half Fare Card)就可以有半價嘅優惠。喺策馬特來回Gornergrat觀景台嘅火車路線當中,沿途仲會經過Riffelberg站Rotenboden站,呢兩個站都有健行路線,如果有興趣嘅朋友都可以落火車行吓,慢步山城,用你個瑞士山區肺呼吸吓瑞士嘅清新空氣!

 

@Flickr

一上到去Gornergrat觀景台可以見到馬特洪峰,真係會嘩咗出聲!馬特洪峰嘅形狀真係好特別,就好似小學上數學堂嘅三角錐體一樣呀!馬特洪峰長年都被白雪覆蓋住,加上四方八面都係高山同埋冰河,呢種風景真係好震撼㗎,一生人一定要嚟一次,感受吓大自然嘅美妙!

@Flickr

 

瑞士自由行小貼士:

1. 預多幾日留係馬特洪峰山區!

如果淨係預一日俾馬特洪峰,好有可能會撞正天氣唔好又多霧,上到去觀景台就冇野睇啦!所以預多幾日留喺馬特洪峰地區,等到邊日天氣好,就上馬特洪峰,咁就可以睇到馬特洪峰最靚嘅一面啦!

2. 早啲上山!

因為山上嘅天氣變得好快,所以早啲上去就可以預鬆啲時間去睇同玩。天氣好就出去室外玩同睇景;天氣轉壞就留係室內參觀,咁就最fit啦!

3. 戴太陽眼鏡同防曬!

因為山上全部都係雪,太陽反射嘅光線超強烈,會對眼睛造成傷害,所以記得戴太陽眼鏡同防曬呀!

 

📖延伸閱讀:【歐洲上網卡推介】歐洲電話卡大評比2018!邊隻歐洲Sim Card最抵?!

 

瑞士自由行馬特洪峰住宿推薦|戈爾內格拉特 3100 庫爾酒店

戈爾內格拉特 3100 庫爾酒店係位於海拔3100米上面,亦係位於Gornergrat觀景台隔離,係瑞士阿爾卑斯山脈當中最高嘅酒店!大部分客房都係對住馬特洪峰,住客可以睇到馬特洪峰日與夜嘅變化。可以望住咁靚嘅風景瞓教,絕對係好多遊客嘅夢想,正呀!


戈爾內格拉特 3100 庫爾酒店
地址:CHE捷馬特Gornergrat 3100m (顯示地圖)
星級 | ★★★☆☆  
位置 | ★★★☆☆  
設施 | ★★★★☆  
環境 | ★★★★☆  
價格 | 查看價格

 

瑞士自由行馬特洪峰住宿推薦|拉庫洛那酒店

拉庫洛那酒店

拉庫洛那酒店2

外型壯麗嘅拉庫洛那酒店係馬特洪峰附近一間有一定規模嘅滑雪酒店,佢哋所位處嘅地點非常便利,一落樓就已經有商店售賣各種日用品同埋食物等等,帶漏嘢都唔洗怕!另外,拉庫洛那酒店設有免費穿梭巴士往來酒店同埋火車站,行完山想去其他瑞士景點玩都好方便!

 

拉庫洛那酒店
地址:CHE捷馬特Kirchstrasse 17 (顯示地圖)
星級 | ★★★☆☆  
位置 | ★★★★☆  
設施 | ★★★☆☆
環境 | ★★★☆☆  
價格 | 查看價格

 

瑞士自由行馬特洪峰住宿推薦|布里斯托爾酒店

布里斯托爾酒店

布里斯托爾酒店2

布里斯托爾酒店嘅房間景緻一流,你可以喺房入面完整咁欣賞到阿爾卑斯山脈中最出名嘅馬特拉峰 ,如詩如畫嘅自然風貌絕對能夠令你沈澱一下,洗滌心靈。酒店房間設計簡樸寬敞,帶畀客人一種屋企嘅味道,加上貼心嘅服務,絕對能夠為你帶嚟賓至如歸嘅感覺!

 

布里斯托爾酒店
地址:CHE捷馬特Schluhmattstr. 3 (顯示地圖)
星級 | ★★★☆☆  
位置 | ★★★☆☆  
設施 | ★★★☆☆  
環境 | ★★★★★  
價格 | 查看價格

 

瑞士自由行馬特拉峰住宿推薦|木屋茲高格瓦吉酒店

木屋茲高格瓦吉酒店

木屋茲高格瓦吉酒店2

想喺瑞士感受鄉郊風情?你可以選擇住喺木屋茲高格瓦吉酒店!以純木打造而成嘅木屋茲高格瓦吉酒店帶畀人一種純樸嘅感覺,外觀看似平實但係內裡卻有一種貼心舒適嘅體驗。其中,比較特別嘅係酒店裡面設有廚房,你可以喺度烹調自己鍾意嘅菜式,配上瑞士當地出產嘅優質葡萄酒,享受一個寧靜假期!

 

木屋茲高格瓦吉酒店
地址:CHE捷馬特Hinterdorfstrasse 2 (顯示地圖)
星級 | ★★★☆☆  
位置 | ★★★☆☆  
設施 | ★★★☆☆  
環境 | ★★★☆☆  
價格 | 查看價格

 

 

Hotels.com酒店優惠