定期送上世界各地最新、最地道嘅旅遊資訊!

【首爾好去處】玩盡2019首爾新景點!3日2夜韓國好去處

 

去快閃首爾話都無咁易!出發前必睇3日2夜首爾好去處終極懶人包,逛盡6大人氣首爾新景點,包無走漏眼,仲幫你安排好哂行程節目,可以隨時執定行李,無憂無慮出發!想知道最新嘅韓國好去處情報?2019年首爾最新景點又有邊啲?即刻上Blogshotels.com睇啦!

 

📖延伸閱讀:【去旅行用韓國App】超實用!韓國旅遊app + 自由行首爾App推薦
📖延伸閱讀:【首爾文青一日遊】首爾影相好去處!(附文青打卡必去首爾Cafe之選)

 

首爾好去處 | 首爾新景點 | 首爾路Seoullo 7017

首爾路Seoullo 7017
@korea_nightview

首爾路7017為首爾政府最新規劃嘅綠色空中花園,由70年代嘅高空行車天橋活化而成,2018年先啱啱啟用,係呼吸新鮮空氣同欣賞首爾城景嘅好地方!首爾路7017代表緊兩個年份,「70」指天橋建造於70年代,而「17」就係展開活化嘅年份。

首爾路Seoullo 7017_2
@mbasuil

於不同月份及花季,首爾路7017沿路兩旁都有繁花盛開,四至五月就有最受歡迎嘅櫻花。無論日與夜,首爾路7017都可以帶畀你唔同嘅感覺!呢條橋總其有17條步道,連接首爾各大重要地區,包括首爾站、南大門、中林洞等等,下次去首爾除咗可以搭地鐵之外,更不妨寫意地慢步首爾街頭!

 

首爾路7017
地址:韓國首爾特别市中區南大門路5街 (顯示地圖)
交通:從首爾站步行數分鐘

 

📖延伸閱讀:【首爾櫻花2019】首爾親子遊—帶你漫遊市內四大必去櫻花景點!

 

首爾好去處 | 首爾新景點 | 首爾艦公園

首爾艦公園
@byong_gab_park

睇完《軍艦島》同《太陽的後裔》,係咪唔多唔少都對韓國軍人感興趣或者好奇呢?新鮮滾熱辣,喺2018年底先開幕嘅首爾艦公園,就展出咗三艘已經退役嘅軍艦,比你一探軍人嘅生活!

首爾艦公園_2
@ayunnayunmom

三艘軍艦分別係大鷲型哨戒艇海豚級潛水艇蔚山級巡防艦首爾號,每艘軍艦都開放予遊客上船,可以近距離參觀船上設施,進一步了解韓國軍人嘅生活。

首爾艦公園_3
@moksubooks

首爾艦公園位於為人熟悉嘅漢江,係韓國人平時散步嘅聚腳點,周末好多人去野餐!除咗可以對住一大片海景,吹下海風,不時仲會有特色小攤擺賣,氣氛非常寫意悠閒。

 

首爾艦公園
地址:韓國首爾市麻浦區麻浦渡口街407 (顯示地圖)
交通:地鐵2號線合井站2號出口搭乘麻浦16,於望遠蓄水池‧麻浦區民體育中心站下車
開放時間:10:00 – 20:00(3-10月)、10:00 – 17:00(11-2月)
休息日子:週一、1月1日、春節、中秋節
入場費用 (只供參考):成人3000韓圜

 

📖延伸閱讀:【一家大細必遊】首爾親子景點懶人包連小法國村交通攻略 (附首爾親子餐廳推薦)

 

首爾好去處 | 首爾新景點 | Running man體驗館

Running man體驗館
@Running man體驗館官網

講到韓國最受歡迎嘅綜藝節目,就不得不提由2010年開播至今嘅Running Man!雖然Running Man已經換過幾代主持,但節目越做越紅,百看不厭,世界各地都有Running Man粉絲嚟體驗館朝聖,有齊節目經典遊戲任你玩。

Running man體驗館_2
@Running man體驗館官網

想感受一次參加Running Man嘅感覺,呢個首爾新景點就岩哂你同一大班朋友喇!玩完仲可以返張成績表,包你玩過癮!

Running man體驗館_3
@runningman_ep.1

Running man體驗館入面總共有6個體驗區,分別係Running Man夢遊仙境、來尋找Running Ball收集R幣ON AIR Running Man之迷宮戰Running Man廣場的城市追擊戰尋找寶物,相信Running Man粉絲對呢啲遊戲都唔會感到陌生!

Running man體驗館_4
@g_rarra_yuja

場內另外一驚喜就係佈置相當講究,玩玩吓竟然發現都有唔少打卡位,滿足度100分!

Running man體驗館_5
@gmapublicaffairs

認住隻藍色人仔就係體驗館嘅入口喇。

 

Running man體驗館
地址:首爾市鐘路區仁寺洞5街41HANA大廈SM免稅店地下1層SBS(顯示地圖
交通:地鐵鐘閣站3號出口步行前往約3分鐘
開放時間:10:00 – 20:00
入場費用 (只供參考):約16000韓圜(視乎不同期間優惠)

 

首爾好去處 | 首爾新景點 | Seoul Sky

Seoul Sky
@seoulsky_official

想睇首爾夜景或者喺高空俯瞰首爾,唔一定要去首爾塔嘅!Seoul Sky位於樂天世界塔嘅117-123樓,係目前韓國最高嘅大廈。其中118樓嘅Sky Deck更打入「世界上最高的透明地板觀景臺」健力氏紀錄,可以360度完美無死角欣賞到天空雲海,俯瞰城市景色。

 

Sky Seoul
地址:首爾市松坡區奧林匹克路300(顯示地圖
交通:地鐵線蠶室站2號出口步行約5分鐘
開放時間:09:30 – 23:00(售票時間: 9:20 – 21:50)

 

首爾好去處 | 首爾新景點 | stonebrick 唇膏牆

stonebrick 唇膏牆
@tavision.tv

弘大商圈一向係不可錯過嘅shopping熱點!近排比較觸目嘅新店,就係韓國化妝品牌stonebrick 弘大旗艦店,店內嘅唇膏夢幻地一字排開,佈置設計非常有質感,驟眼望落以為係藝術館展覽,真係勁吸睛、勁治癒~據稱全店有多達95款色號唇膏,唇膏迷見到應該會為之而瘋狂!

 

Stonebrick 弘大旗艦店
地址首爾市麻浦區臥牛山路21街 34(顯示地圖
交通 :地鐵4號線明洞站1號出口步行前往
營業時間﹕10:00 – 23:00

 

 

首爾好去處 | 首爾新景點 | Kakao Friends Store弘大旗艦店

Kakao Friends Store弘大旗艦店
@harukuma51

弘大商圈人氣新店No.2!弘大旗艦店係韓國第二間Kakao Friends旗艦店,足足有3層樓咁大,唔單止售賣Kakao Friends嘅周邊商品,仲有一個好搞鬼嘅Kakao meseum。shopping行到攰嘅時候,特別推薦去店內嘅Ryan Cafe,嘆個下午茶!隻隻Kakao Friends個樣都夠哂抵死鬼馬!

Kakao Friends Store弘大旗艦店_2
@petitemushu

唔知Kakao Friends何方神聖?唔好搞亂Ryan同熊大啊!簡單來講,香港人鍾意用whatsapp,台灣人鍾意用line,而韓國人就最鍾意用Kakao Talk,咁Kakao Friends呢就係Kakao Talk入邊最受歡迎嘅Sticker人物,稱佢為韓國人嘅吉祥物都不為過~

 

 

Kakao Friends Store弘大旗艦店
地址:韓國首爾市瑞草區江南大道 429(顯示地圖
交通:弘大站8號出口步行前往
營業時間﹕10:30 – 22:00

 

📖延伸閱讀: 【首爾咖啡店特集】5大首爾弘大、梨泰院cafe!(浣熊Cafe超得意!)

 

首爾好去處 | 首爾新景點 | 明洞大創百貨

明洞大創百貨
@winnietsuiyp

Daiso大創百貨應該無人不知,而明洞8層樓高嘅Daiso旗艦店亦都已經開咗一段時間,咁點解仲咁備受關注?因為明洞大創會經常推出CP極高嘅新款限定商品!唔多講,你睇下佢哋今次出咗咩!!真係想即刻飛去搶呀!

明洞大創百貨_2
@daisolife

韓國DAISO最新推出近70款Marvel系列商品!由散銀包到水杯,甚至連文具及電腦用品都有,價錢由1000至5000won (約港元7-35) 不等!而之前春季推出嘅櫻花系統亦一度掀起搶購潮。

明洞大創百貨_4
@mimi’s travel

大創百貨入面所有貨品都物超所值,上至家居用品,下至美妝用品都一應俱全,你諗得出嘅野基本上呢度都有!

 

明洞大創百貨
地址:首爾中區退溪路134-1(顯示地圖
交通:地鐵4號線明洞站1號出口步行前往
營業時間﹕10:00 – 22:00

 

首爾好去處 | 首爾新景點 | 首爾3日2夜行程攻略

首爾3日2夜行程攻略
@seoul.jp
首爾路7017夜景

睇完以上6個2019首爾人氣新景點,係咪心郁郁想一次玩哂佢呢?以下額外送多幾個經典景點俾大家,順便補充返個完整版本嘅首爾三日兩夜行程路線先:

 

第1日:嘆盡首爾日夜靚景
首爾路7017賞花➜ 蠶室站地下街吃喝購物➜ Seoul Sky觀夜景➜ 隱世首爾酒吧Party
📖延伸閱讀:【首爾購物】四大首爾必行地下街!江南,永登浦,蠶室,高速巴士站!
📖延伸閱讀:【首爾夜生活】當地人推薦!5大隱世首爾酒吧、天台酒吧!

 

第2日:首爾地道體驗
Running Man體驗館➜ 仁寺洞文青cafe➜ 首爾艦公園➜ 夜遊漢江
📖延伸閱讀:【首爾櫻花景點】首爾慶熙大學櫻花賞玩攻略!(連仁寺洞、三清洞cafe推薦)
📖延伸閱讀:【最新首爾cafe推薦】隱藏文青聚腳地!明洞cafe + 弘大cafe推薦列表2019!

 

第3日:首爾血拼日
新開幕弘大AK&商場➜ stonebrick 網紅唇膏牆➜ Kakao Friends Store弘大旗艦店➜ 明洞大創百貨
📖延伸閱讀:【首爾手信特集】必買化妝品 + 藥妝小物推薦大全2019 (連韓國面膜推薦)
📖延伸閱讀:【首爾購物篇】文青必去首爾市集逐個數!(弘大自由市場必買小物推薦)

 

首爾好去處 | 酒店推介 | 首爾宏大智選假日酒店

首爾宏大智選假日酒店

首爾宏大智選假日酒店(Holiday Inn Express Seoul Hongdae)位於弘大新商場AK&樓上嘅7至16樓,一出弘大站4號出口就會見到,交通十分方便,一落街就可以購物!而且首爾宏大智選假日酒店作為新開幕非常抵住,每晚約為500元港幣到,人均都只需200幾蚊。

 

首爾宏大智選假日酒店
地址:Aekyung Tower, 188, Yanghwa-ro, Seoul (顯示地圖)
星級 | ★★★★☆  
位置 | ★★★★★  
設施 | ★★★☆☆  
環境 | ★★★★☆  
價格 | 查看價格  

 

📖延伸閱讀:【獨遊首爾】首爾一個人吃飯冇有怕!獨樂樂首爾餐廳推薦!
📖延伸閱讀:【首爾宵夜特集】深夜食堂 — 弘大宵夜聚腳地!Top 4 弘大24小時餐廳推薦!
📖延伸閱讀:【首爾夜市特輯】東大門設計廣場、清溪川廣場最新市集連附近住宿推薦
📖延伸閱讀:【首爾自由行】編輯親試!五大傳統首爾韓屋入住報告連注意事項

 

Hotels.com酒店優惠Hotels.com酒店優惠