定期送上世界各地最新、最地道嘅旅遊資訊!

【澳門快閃之旅】豪玩豪食澳門兩日一夜行程懶人包 (氹仔舊城區、大潭山滑草場)

如果想喺週末黎個「快閃」之旅,澳門兩日一夜絕對係小編嘅首選!以為澳門淨係得大三巴、漁人碼頭、豬排包?咁你就錯啦!近年澳門有好多新興好玩景點,今次小編就為大家送上澳門兩日一夜行程懶人包,遊走氹仔舊城區、兼去埋大潭山滑草場!

 

 

澳門兩日一夜|景點推薦|氹仔舊城區

@Taipi Village

嚟到澳門除咗體驗五星級酒店同娛樂設施之外,其實仲可以行吓氹仔舊城區街角小巷。氹仔舊城區位於澳門氹仔島南部,曾經係一個漁村,現塑造成充滿活力藝術同生活文化旅遊區,結合文創、藝術、展覽同消閒娛樂多種唔同體驗。區內有粉色外牆建築、中式廟宇、殖民時期教堂等,充滿文化氣息,融合傳統同現代風格,想感受吓異國風情你一定唔可以錯過啦!

 

氹仔舊城區

地址:Rua dos Clerigos, Taipa, Macau Taipa, Ilhas, Macau (顯示地圖)

 

 

澳門兩日一夜|景點推薦|大潭山滑草場


@Instagram

香港無滑草場,但澳門就有兩個!大潭山滑草場係兩大滑草場之一,位於大潭山郊野公園,佔地一萬三千平方米。郊野公園兩旁樹木青蔥翠綠,環境優美,坐喺膠兜入面從高處滑下,盡覽機場景色、無敵海景,非常刺激。公園設有瞭望台、觀景亭、兒童遊樂區、燒烤區等,無論大人定小朋友都會玩到樂而忘返!

 

大潭山滑草場

地址:澳門氹仔天文台斜路(顯示地圖)
開放時間:
星期一:關閉
星期二至五:14:00 – 17:00
星期六、日及公眾假期:09:00 – 12:30 及 13:30 – 17:00

 

 

澳門兩日一夜|美食推薦|Peace of Cake

Peace of Cake - café@Facebook

澳門近年有好多靚靚café同小店比女生瘋狂打卡,最值得一提嘅係Peace of Cake,位於澳門住宅區,較偏離市中心,少女粉紅色嘅外牆裝潢,吸引左唔少旅客特意光臨。店舖內影相位超多,牆上有亁花同氣球比大家瘋狂自拍,呃like指數爆燈,連食物賣相都好吸引,真係打卡都打到手軟呀!

Image may contain: flower@Facebook

Peace of Cake - café_2@Facebook

 

Peace of Cake

地址:澳門菜園涌邊街台山新城市花園第10座地下G (顯示地圖)
營業時間:12:00 – 22:00

 

📖延伸閱讀:【上海好去處】上海文青必到打卡位!6間型格上海cafe連文青住宿推薦!

 

澳門兩日一夜|美食推薦|DiGREEN雪糕


@Instagram

想食甜品但又要低脂、低熱量?DiGREEN雪糕可以一次過滿足你三個願望!DiGREEN主打健康低卡水果雪糕雪條店,由四位充滿熱誠澳門年輕人創立,希望以成份天然、低脂和健康作為生產理念,提倡健康生活模式。六款招牌雪條包括:黑糯米、粟米、白咖啡、椰子、榴槤同芒果,係咪好想即刻試下呢!

 

DiGREEN

地址:澳門告利雅施利華街58號地下 (顯示地圖)
營業時間:11:00 – 22:00

 

澳門兩日一夜|美食推薦|倫記軟腸粉

@Open Rice

腸粉喺香港好普遍,但澳門蔥花雞蛋腸粉你一定要試下!倫記軟腸粉布拉腸粉即叫即做,腸粉加入咗蛋同蔥花,蛋香味豐富,好多旅客都因為蔥花雞蛋腸粉慕名而來!據聞老闆以前係五星酒店大廚,自己出嚟開小店闖名堂,由鋪布、倒米漿、蒸熟、加蛋、離布、捲起、切件,樣樣親力親為,真係10粒星推介呀!

 

倫記軟滑腸粉

地址:澳門沙欄仔街26號泉彩樓地下B鋪 (顯示地圖)
營業時間:06:30 – 01:00

 

 

澳門兩日一夜|美食推薦|新文記豬扒麵

新文記豬扒麵
@Facebook

如果想感受一下澳門民生情懷,咁就要試下新文記豬扒麵啦!除左豬扒麵出名之外,新文記奶茶一樣咁出色!上枱時候奶茶唔係成杯上,奶同茶係分開上,客人可以自己控制紅茶份量,呢杯半自製奶茶比起平日港式奶茶,茶味更香濃,口感順滑。

 

新文記豬扒麵

地址:澳門關閘廣場新寶花園地下 (顯示地圖)
營業時間:07:30 – 17:00

 

 

Hotels.com酒店優惠