定期送上世界各地最新、最地道嘅旅遊資訊!

【歐洲上網卡推介】歐洲電話卡大評比2018!邊隻歐洲Sim Card最抵?!

去歐洲旅行,好多人都唔會淨係去一個國家咁少。如果你想喺你嘅歐洲旅程當中可以更好咁 plan行程、check 交通、搵餐廳同埋打卡嘅話,一張覆蓋廣、數據多、網速快嘅歐洲電話卡就至關重要喇!再者,其實去歐洲旅行嘅洗費已經好大,梗係要揀返張價錢平靚正嘅歐洲Sim Card 啦!想知邊張歐洲電話卡最抵?小編已經為你揀好咗三款至荀嘅歐遊 Sim Card,睇完之後去歐洲上網就唔駛煩啦!另外,小編順便為你搵嚟幾間至抵住嘅歐洲酒店,幫你慳番啲旅費!仲等咩?即刻上Blogshotels.com 睇啦!

 

 

@Flickr

 

歐洲電話卡推薦|歐洲Sim Card | One SIM
@Twitter

One SIM 係由美國 T-Mobile 公司所推出嘅歐洲 Sim Card,覆蓋接近140個以上國家同埋地區,基本上你講得出嘅歐洲國家都涵蓋到,其他地區仲包括埋中南美洲、亞洲等地區,真係可以講「一卡在手,世界通行」啊!

至於價錢方面,One SIM 分別提供14日同埋30日嘅 Sim Card 套餐,有效期14日嘅Sim Card套餐價格為$368;而有效期30日嘅 Sim Card 套餐價格就係$468,多成十幾日都只不過需要多$100咋,非常抵用!而且兩款歐洲 Sim Card 都係無限數據用量,雖然唔算十分經濟實惠,但勝在覆蓋範圍夠廣,唔洗度嚟度去咁辛苦嘛!

One SIM 所提供嘅網速係3G(128Kbps),一般覆WhatsApp、睇 Google Map 或者上Facebook 都唔會有太大問題。OneSIM 喺香港設有門市分店,分別位於上環、深水埗同埋尖沙咀,而佢哋亦有官方網店服務,仲提供免費送貨㖭,方便你足不出戶都可以一卡到手!

 

 

歐洲電話卡推薦|歐洲Sim Card | WeChat go 樂遊卡
@Taobao

WeChat go 樂遊卡係由荷蘭電信公司 KPN 同微信合作推出嘅歐洲 Sim Card,只需$100就可以喺15日內無限使用數據,價格非常實惠,相當之吸引!而且上淘寶或者喺鴨寮街都好容易可以買得到,夠哂方便!至於大家最關心嘅網速方面,WeChat go 樂遊卡提供頭1.5GB 4G數據,之後就會變為3G數據無限上網。如果你係 WeChat 用家嘅話,更加會額外有多500MB嘅4G數據使用,基本上對於15日歐遊嚟講已經相當夠用!

@Taobao

由於 WeChat go 樂遊卡係同荷蘭電信公司 KPN 合作推出,所以樂遊卡嘅用家會獲贈一個荷蘭電話號碼,包埋30分鐘通話時間㗎,想打電話報平安都唔駛煩!WeChat go 樂遊卡目前覆蓋32個歐洲國家,除咗大路嘅英國法國之外,梵蒂岡、列支敦士登等等,呢啲世外桃源嘅國家一樣可以用到,呢張 Sim Card 覆蓋大部份旅遊城市,想平平哋買張 Sim Card 去歐洲玩嘅話,WeChat go 樂遊卡真係一個唔錯嘅選擇!

 

歐洲電話卡推薦|歐洲Sim Card | CUniq UK圖像中可能有1 人、微笑中、文字@CUniq UK

@中國聯通官網

CUniq UK (中國聯通英國) 推出嘅30日Sim Card,採用英國 O2 網絡所提供嘅服務,覆蓋歐洲 37個唔同國家。價格方面,CUniq UK提供唔同價錢嘅套餐,全部都包括無限上網,而其中比較多人用嘅係£10(約$110) 2GB同埋£12(約$132)4GB嘅套餐。如果你嘅數據使用量超出 Sim Card 所限定嘅流量嘅話,中國聯通英國會繼續以限速( 64Kbps )為你提供無限上網,咁就唔洗怕上唔到網喇!另外,CUniq UK 開卡之後會向你派發一個英國手機號碼,2GB套餐仲會附送500分鐘嘅英國通話,而4GB套餐亦會包埋1,200分鐘嘅英國通話,相當貼心!

 

CUniq UK 喺歐洲上網覆蓋嘅37個國家包括:奧地利比利時、保加利亞、克羅地亞捷克丹麥、芬蘭、法國、德國、希臘、匈牙利、冰島、意大利、列支敦士登、立陶宛、盧森堡、挪威、波蘭、葡萄牙、斯洛伐克、斯洛文尼亞、西班牙、瑞典、愛爾蘭、馬約特島、荷蘭、留尼旺、羅馬尼亞、英國等等,覆蓋範圍廣闊,相當方便!

 

📖延伸閱讀:【西西里島自由行】帶你去意大利行街市!連西西里手信攻略!
📖延伸閱讀:【米蘭購物狂】必去米蘭景點—米蘭Outlet血拼全攻略!(連必買意大利名牌推薦)

 

歐洲自由行 | 住宿推介 | 布瑪爾查別墅酒店

布瑪爾查別墅酒店位於法國巴黎第三區,係一間四星酒店。酒店鄰近畢卡索博物館同孚日廣場 (步距6分鐘),最啱鍾意藝術文化嘅朋友!而且客房至少有20平方米,加上設計充滿西洋典雅感覺,乾淨舒適,去巴黎自由行嘅話不妨考慮一吓!

 

布瑪爾查別墅酒店
地址:FRA巴黎5 Rue Des Arquebusiers (顯示地圖)
星級 | ★★★★☆
位置 | ★★★☆☆
設施 | ★★★★☆ 
環境 | ★★★★☆  
價格 | 查看價格

 

歐洲自由行 | 住宿推介 | 倫敦公園廣場西敏橋酒店

倫敦公園廣場西敏橋酒店同樣係一間四星酒店,地理位置非常優越!酒店位於倫敦市南岸,同倫敦自由行必去嘅泰晤士河距離只不過需要3分鐘腳程,而行去英國著名景點大笨鐘亦只不過需要6分鐘。想去倫敦其他地方觀光?行4分鐘就可以輕鬆到達 Waterloo 地鐵站,酒店位置四通八達,真係去邊度都咁方便啊!另外,酒店房間設計充滿時尚感,足足有成25平方米,以倫敦酒店嚟講都算好寬敞㗎喇!

 

倫敦公園廣場西敏橋酒店
地址:GBR倫敦200 Westminster Bridge Road (顯示地圖)
星級 | ★★★★☆
位置 | ★★★★★
設施 | ★★★★☆ 
環境 | ★★★★☆  
價格 | 查看價格

 

📖延伸閱讀:【巴黎酒店點揀好】$600蚊有找!巴黎住宿推薦(巴黎住宿安全常見問題)
📖延伸閱讀:【英國自由行】倫敦自由行必去三大掃貨outlet!
📖延伸閱讀:【蘇格蘭自由行】蘇格蘭高地自駕行程攻略(連愛丁堡住宿推薦)
📖延伸閱讀:【柏林自由行】必去柏林景點!Top 3人氣柏林打卡精品咖啡店連美食推薦!
📖延伸閱讀:【Grad Trip玩到盡】歐洲之星倫敦、巴黎、布魯塞爾景點懶人包! (連票務行李全攻略)

 

Hotels.com酒店優惠