定期送上世界各地最新、最地道嘅旅遊資訊!

【歐洲數據卡大評比】最抵歐洲上網卡鴨寮街直擊!無限上網+涵蓋東歐電話卡

 

歐遊唔玩返5、6個國家點夠過癮!即睇歐洲上網卡鴨寮街直擊大評比,小編揀好3款至筍歐洲數據卡,包你由西歐玩到東歐電話卡全程只需$100HKD,IG打卡、睇地圖、搵餐廳零煩惱!即刻上Blogshotels.com睇啦!

鴨寮街 - 東歐電話卡
@mahwa.h

 

📖延伸閱讀:【波羅的海自由行】15日畢業旅行 — 波羅的海三小國遊記 + 行程攻略大全!
📖延伸閱讀:【Grad Trip窮游歐洲】法國巴黎景點、巴黎博物館慳錢大法!

 

鴨寮街歐洲數據卡大評比|西歐、東歐電話卡|One SIM

One SIM
@OneSIM.asia

One SIM由美國T-Mobile公司經營,覆蓋接近140個以上國家及地區,你講得出嘅歐洲國家都覆蓋得到!同時仲覆蓋埋中南美洲、亞洲等地區,基本上係一卡在手,世界通用!價錢方面,One SIM提供14日同埋30日嘅sim card套餐,有效期14日嘅價格係$250;有效期30日嘅價格係$300。

兩款One SIM都係無限數據用量,雖然唔算經濟實惠,但勝在覆蓋範圍夠廣,除咗英國、法國、德國等大國,去到東歐小國、北歐極地等地都唔駛怕用唔到,「收到收唔到,唔駛靠彩數」!

One SIM_2

One SIM於歐洲使用嘅網速為3G(128Kbps),一般WhatsApp、Google Map、上Facebook都不成問題。而OneSIM係香港係有官方網店,門市位於上環、深水埗及尖沙咀,亦可以選擇免費送貨。當然係深水埗鴨寮街會再平啲,14日sim card大概$200貨仔有交易!

 

📖延伸閱讀:【倫敦景點地圖】倫敦遊玩必備London Pass攻略 (連London Pass景點大全)
📖延伸閱讀:【海外婚紗攝影特集】布拉格、巴黎、濟州、澳門、輕井澤景點大解構!

 

鴨寮街歐洲數據卡大評比|西歐、東歐電話卡|WeChat go 樂遊卡

WeChat go 樂遊卡
@Travelsim888 Facebook

WeChat go 樂遊卡由荷蘭電信公司KPN同微信合作,有效期15天只需$100,價格幾抵,係淘寶或者鴨寮街都好容易搵到!網速方面,WeChat go 首1GB使用4G網絡,其後3G限速無限上網。

值得一提,WeChat用家可以額外多享500MB 4G數據,以15日嘅歐洲trip黎計,相信已經好夠用喇!最最最緊要嘅係,WeChat go 樂遊卡亦包含30分鐘通話時間,如果突然有緊急事需要打電話都唔使煩。WeChat go 樂遊卡目前覆蓋32個歐洲國家,適用於英國法國德國等西歐,而於捷克小鎮地區、波羅的海等不少東歐及中歐國家都一樣用到,當然出發前仍要記住check清楚!

 

📖延伸閱讀:【聖彼得堡自由行】俄羅斯景點、餐廳、住宿推薦大全! (連地鐵攻略)
📖延伸閱讀:【阿姆斯特丹自由行】阿姆斯特丹紅燈區遊覽指南大全 + 注意事項

 

鴨寮街歐洲數據卡大評比|西歐、東歐電話卡|CUniq UK

CUniq UK
@中國聯通官網

CUniq UK (中國聯通英國) 推出嘅30日SIM card,租用英國 O2 網絡提供服務,覆蓋歐洲 37 國。價格方面,CUniq UK提供多種套餐,全部都包無限上網。比較多人用嘅係£10(約$110) 2GB同埋£12(約$132)4GB嘅套餐,超出定額數據流量之後,可以繼續限速( 64Kbps )無限上網。另外,CUniq UK開卡之後會獲發一個英國手機號碼,2GB套餐仲額外包含2500分鐘英國通話;而4GB套餐就包足1,200分鐘!

CUniq UK覆蓋嘅37個歐洲國家包括:奧地利、比利時、保加利亞、克羅地亞、捷克丹麥、芬蘭、法國德國希臘、匈牙利、冰島意大利、列支敦士登、立陶宛、盧森堡、挪威波蘭葡萄牙、斯洛伐克、斯洛文尼亞、西班牙、瑞典、愛爾蘭、馬約特島、荷蘭、留尼旺、羅馬尼亞、英國

 

📖延伸閱讀:【倫敦自由行】三大必去倫敦美食市集連必食精選推介!
📖延伸閱讀:【迪士尼城堡藍本】德國必去!舊、新天鵝堡交通行程攻略懶人包!

 

歐洲數據卡大評比|歐遊免費Wi-Fi酒店推介|布瑪爾查別墅酒店

布瑪爾查別墅酒店

雖然話買咗上網卡唔駛擔心會同外界斷絕聯絡,不過用爆咗data上網限速又真係會幾頭痕,預訂一間有穩定免費Wi-Fi嘅酒店其實都幾重要!唔好以為酒店一定有免費Wi-Fi,有啲酒店check-in時講明要加錢先有Wi-Fi用,建議大家預酒店前都要了解清楚。小編就首先為大家嚴選兩間免費Wi-Fi酒店俾大家參考下喇!

布瑪爾查別墅酒店位於法國巴黎第三區,雖然只係一間四星酒店,但由於鄰近畢卡索博物館同孚日廣場(步距6分鐘),所以都好受歡迎。客房至少有20平方米,設計充滿西洋典雅感覺,乾淨舒適。酒店提供免費 Wi-Fi,亦有電腦工作站,仲有圖書館,隨時打開電腦plan行程都無問題。

 

布瑪爾查別墅酒店
地址:FRA巴黎5 Rue Des Arquebusiers (顯示地圖)
星級 | ★★★★☆
位置 | ★☆☆☆☆
設施 | ★★☆☆☆
環境 | ★★★★★
價格 | 查看價格  

 

歐洲數據卡大評比|歐遊免費Wi-Fi酒店推介|倫敦公園廣場西敏橋酒店

倫敦公園廣場西敏橋酒店

倫敦公園廣場西敏橋酒店同樣係一間四星酒店,同樣提供免費 Wi-Fi,亦有電腦工作站電腦工作站。倫敦公園廣場西敏橋酒店地理位置優越,酒店位於倫敦市南岸,距離泰晤士河只需步行三分鐘、行去大笨鐘只需6分鐘,而Waterloo地鐵站亦只需4分鐘步程,四通八達。房間設計時尚,足足有25平方米,以倫敦酒店黎講都算好寬敞!

 

倫敦公園廣場西敏橋酒店
地址:200 Westminster Bridge Road, 倫敦, 英格蘭, SE1 7UT 英國 (顯示地圖)
星級 | ★★★★☆
位置 | ★☆☆☆☆
設施 | ★★☆☆☆
環境 | ★★★★★
價格 | 查看價格  

 

📖延伸閱讀:【法蘭克福景點攻略】家品控必買!三大法蘭克福家品店
📖延伸閱讀:【巴黎酒店點揀好】$600蚊有找!巴黎住宿推薦(巴黎住宿安全常見問題)
📖延伸閱讀:【倫敦景點—倫敦市集精選】南倫敦布里克斯頓活化市集遊玩攻略
📖延伸閱讀:【佛羅倫斯自由行之食軟雪糕】佛羅倫斯三大必食特色 Gelato 意大利雪糕!

 

Hotels.com酒店優惠Hotels.com酒店優惠