定期送上世界各地最新、最地道嘅旅遊資訊!

【東京海鮮之旅】仲去東京築地?三大新興東京魚市場連回本必食推薦!

一講到去東京魚市場,個個都淨係識得去築地市場。雖然海鮮魚生算高質,但係築地人又多,又唔算平,計埋計埋,CP值唔算好高。其實除咗築地之外,東京仲有其他魚市場食到同樣新鮮又靚嘅海鮮!小編今次同大家介紹返築地以外嘅東京魚市場連回本必食推薦,咁下次想去東京魚市場搵食就多幾個選擇啦!

 

 

東京築地以外 | 東京魚市場推薦 | 足立市場


kseonst


@ooyamanoosakanayasan

足立市場由1945年開始營業,市場入面劃分咗幾個區,有賣新鮮海產、鹽漬食品;亦有賣水果、醃漬物、曬乾嘅柴魚、昆布、肉品等。有好多人都會特登嚟搵食同買嘢架!


kgtaaaaaaan

而每到奇數月嘅第2個星期六舉辦嘅「足立市場日」,連平時入唔到嘅場內批發市場都會開放比人入去,可以睇到賣家拍賣吞拿魚㖭呀!

 

足立市場
地址:東京都足立區千住橋戶町50 (顯示地圖)
交通:搭京成本線到「千住大橋駅」徒歩5分鐘可達;或者搭JR到北千住駅徒歩15分鐘可達
網址:http://www.adachi-shijyo.or.jp/shijou

 

📖延伸閱讀:【東京近郊】東京outlet交通遊玩攻略及折扣券領取貼士!

 

東京築地以外 | 東京魚市場推薦 | 足立市場 – 徳田屋食堂


@naokun_diary
特盛 ごうか海鮮丼 (¥1300)

比起築地市場嘅食肆,足立市場嘅食肆價錢真係平好多。當中德田屋食堂嘅海鮮丼就真係好抵食,佢哋嘅「特盛 ごうか海鮮丼」用上13種新鮮時令嘅魚類同貝類製作而成,另外仲會跟碗麵豉湯,都只係賣¥1300!CP價超高!

 

徳田屋食堂
地址: 東京都足立區千住橋戸町50足立市場内 (顯示地圖)
營業時間:8:00am – 3:00pm

 

📖延伸閱讀:【東京攻略】東京清澄白河景點大全、文青小店cafe及半藏門線附近住宿推薦!

東京築地以外 | 東京魚市場推薦 | 大田市場


tesscamm


noripy12


@kouki_ochi


tokyo.fruits

大田市場係東京都內生果海鮮食品設施規模最大,種類都好多。大田市場分咗三大區,有生果、乾貨同海產區。大田市場亦係水果界好有名嘅市場,有水果界築地嘅稱號,雲集咗日本各地嘅各種水果!呢度食到靚海鮮之餘仲買到靚水果㖭呀!

 

大田市場
地址:東京都大田區東海3-2-1 (顯示地圖)
交通: 搭JR東海道本線到大森站,轉乘往太田市場方向嘅京急巴士,係「水産棟前」站下車徒步5分鐘可到達;搭JR到品川駅,轉乘往太田市場方向的都巴士,於「水産棟前」站下車徒步5分鐘可到達

 

📖延伸閱讀:【余文樂大愛】東京blue bottle coffee潮聖攻略地圖!

 

東京築地以外 | 東京魚市場推薦 | 大田市場 – 三洋食堂


yocchin_spongebob


guess_ojisan
海膽吞拿魚定食 (¥1400)

三洋食堂係大田市場入面都好有名氣。每日都有人會係佢未開舖就排隊,為嘅係每日限定20份嘅海膽吞拿魚定食,¥1400有齊吞食魚刺身、一板海膽、漬物、白飯同麵豉湯,如果想再豪華啲,加埋大蝦天婦羅總共都只係¥1700,抵到爛!淨係板海膽都值回票價啦!

 

三洋食堂
地址: 東京都大田區東海 3-2-7 (顯示地圖)
營業時間:6:00am – 2:00pm (星期二休息)

 

📖延伸閱讀:【東京冷門景點】耍廢!Hea玩五大東京近郊景點 (高円寺、奈良井宿、橫濱紅磚倉庫)

 

東京築地以外 | 東京市場推薦 | 豐洲市場

豊洲市場イメージ
@東京都中央卸売市場

豊洲市場マップ
@東京都中央卸売市場

再見築地?講咗咁耐,築地市場終於要搬。據了解,築地市場將要係2018年年10月閉市,而取代築地嘅豐洲市場就會係2018年10月11日開幕。豐洲市場同築地市場最大分別係,豐洲市場係一棟建築物,食店會分佈到唔同嘅樓層,而築地就係一大片平地市場。豐洲市場將會結合140間店鋪,有餐廳、商店街、水產水果批發、體驗教室,未來仲會有溫泉設施等。

築地「場內市場」會搬去新址,而「場外市場」就唔會搬,所以各位foodie仲可以去晒2個市場朝聖一下!

 

豐洲市場
地址:東京都江東區豐洲6丁目5、7街區及一部分的6街區 (顯示地圖)
交通:JR山手線到新橋站轉乘百合海鷗號,到市場前駅

 

Hotels.com酒店優惠