定期送上世界各地最新、最地道嘅旅遊資訊!

【東京好去處】東京親子自由行必讀!東京迪士尼35周年 VS 迪士尼海洋好玩指數大比併!

去東京親子自由行,要搵啱大人細路都啱玩嘅東京好去處?適逢東京迪士尼35周年,當然要去東京迪士尼朝聖啦!但係究竟去東京迪士尼樂園定係東京迪士尼海洋好呢?一於等小編幫你分析吓啦!

 

📖延伸閱讀:【暑假好去處】Plan定暑假親子遊!全球嚴選4大主題樂園連附近景點推薦!


東京好去處 | 東京親子自由行|東京迪士尼 VS 迪士尼海洋
@Flickr

東京迪士尼海洋係全球唯一一個以海洋為舞台嘅迪士尼主題園區,園內分為七個園區,分別係地中海港灣、美國海濱、發現港、失落河三角洲、阿拉伯海岸、美人魚礁湖同神祕島,總共有28項娛樂設施,其中包括地心探險之旅同驚魂古塔等嘅刺激機動遊戲,啱哂鍾意刺激嘅朋友!東京迪士尼海洋園區入面仲可以飲酒,所以會比較啱情侶同年輕人去玩。


@tokyodisneyresort

園內有好多平時喺迪士尼樂園好少見到嘅角色,好似小魚仙、海底奇兵、阿拉丁燈神、獅子王辛巴海盜王Captain Sparrow等等,同迪士尼樂園嘅風格完全唔同。另外,只係喺東京迪士尼海洋入面先有Duffy嘅獨家商品,Duffy迷要留意啦!

 

📖延伸閱讀:【日本airbnb下架】編輯推薦五大高CP值東京平酒店!(連東京住宿方便選區指南)

 

@tokyodisneyresort

東京迪士尼樂園就同香港迪士尼樂園分別唔太大,但係就大香港嘅好多。東京迪士尼樂園總共有七個園區,分別係世界市集,探險樂園,西部樂園,動物天地,夢幻樂園,卡通城同明日樂園。樂園入面有好多好靚好夢幻嘅打卡位,好似城堡,旋轉木馬,仙履奇緣童話大廳等等,就好似置身於童話世界一樣!

@tokyodisneyresort

東京迪士尼樂園嘅遊樂設施多數都係撘小船或者車去探險,所以遊戲性質會比較溫和,冇迪士尼海洋嘅咁刺激,比較適合一家大細去玩。

 

📖延伸閱讀:【東京近郊】東京outlet交通遊玩攻略及折扣券領取貼士!

 

東京好去處 | 東京親子自由行|東京迪士尼 VS 迪士尼海洋
遊玩攻略 | 買飛前睇定樂園人數預測

喺買入場門票前一定一定一定(因為好重要所以要講三次)要睇下樂園人數預測!呢個網可以睇到三個月內嘅預測樂園人數,咁就可以揀少嘅人嘅日子去玩啦!

 

@15.plala

 

呢個樂園人數預測有分東京迪士尼同迪士尼海洋,上面粉紅色就係東京迪士尼藍色就係迪士尼海洋。而樂園人數預測就分咗八種顏色,ガラ  大空 空いている 普通 やや混雑 混雑 非常混雑 激混雑。只要你見到當日人潮係「普通」以下,都可以好輕鬆咁玩哂成個園區,完全唔洗同人逼!橙色就會多人少少,可以玩哂成個樂園,但係就要預咗要排隊!如果係紅色以上就一定要跑去有得拎FastPass嘅機動遊戲拎咗FastPass先,如果唔係排隊排到天光都未有得玩!

 

📖延伸閱讀:【親子好去處】Plan定暑假旅行地點!全球嚴選4大動物園連附近景點推薦!

 

東京好去處 | 東京親子自由行|東京迪士尼 VS 迪士尼海洋
遊玩攻略 | 下載迪士尼樂園App

@tokyodisneyresort.jp

東京迪士尼樂園真係太大,唔想行嚟行去去睇遊樂設施嘅排隊情況?咁出發之前,就一定要下載定迪士尼樂園App。呢個App除咗提供GPS地圖、機動遊戲即時嘅排隊輪候情況、表演活動時間同FastPass嘅抽取時間,仲可以直接用個App嚟預約餐廳、購買商品、登記入住迪士尼度假區酒店等等。但係呢個官方App喺香港App Store仲味有得download, 所以大家可以download 「TDR排隊時間」用住先,功能上都同官方App差唔多,咁就可以輕鬆咁玩盡所有遊戲啦!

 

📖延伸閱讀:【余文樂大愛】東京blue bottle coffee潮聖攻略地圖!

 

東京好去處 | 東京親子自由行|東京迪士尼 VS 迪士尼海洋
遊玩攻略 | 好好利用Fast Pass

@tokyodisneyresort.jp

去過香港迪士尼嘅朋友都知,一個機動遊戲如果冇抽FastPass嘅話,起碼都要排45分鐘以上,東京迪士尼仲要大香港嘅咁多,唔通真係要排隊多過玩咩?所以大家一定要抽FastPass,咁就可以慳返好多排隊嘅時間啦!但係大家要留意,唔係個個設施都有得抽Fast Pass,同埋一張門票兩個鐘內淨係可以抽一張FastPass,所以大家要計定嘅時間,一到兩個鐘就好去第二度抽FastPass啦!

 

📖延伸閱讀:【東京攻略】東京清澄白河景點大全、文青小店cafe及半藏門線附近住宿推薦!

 

東京好去處 | 東京親子自由行|東京迪士尼 VS 迪士尼海洋
遊玩攻略 | 識住一定住東京迪士尼附近

想一早起身去樂園排隊,又想玩到最後一刻即刻食個飯就返酒店休息?計我話,識住一定揀東京迪士尼度假區附近嘅酒店!

東京親子自由行|東京迪士尼樂園酒店

東京迪士尼樂園酒店, 浦安, 酒店入口 - 夜景

東京迪士尼樂園酒店喺正樂園對面,住客仲可以喺開園前15分鐘優先入園,快人一步開始玩!酒店行維多利亞風格,裝潢好瑰麗堂皇,喺酒店入面就會覺得自己好似中世紀嘅王子同公主,好有Feel㗎!酒店入面好多迪士尼明星嘅身影,一定會影相影到手機爆memory呀!

東京迪士尼樂園酒店, 浦安, 迪士尼明星房 迪士尼愛麗絲夢遊仙境客房 (3-8 樓), 客房

另外,酒店仲有以《仙履奇緣》、《奇妙仙子》、《愛麗絲夢遊仙境》同《美女與野獸》為主題嘅「迪士尼明星房」,迪士尼迷一定要mark低,到時book呢幾間主題房啦!

@tokyodisneyresort.jp

 

東京迪士尼樂園酒店
地址:JPN浦安29-1, Maihama (顯示地圖)
星級 | ★★★★☆
位置 | ★★★★★
設施 | ★★★★☆
環境 | ★★★★☆
價格 | 查看價格  

 

📖延伸閱讀:【東京冷門景點】耍廢!Hea玩五大東京近郊景點 (高円寺、奈良井宿、橫濱紅磚倉庫)

 

東京親子自由行|東京灣舞濱酒店俱樂部度假村

東京灣舞濱酒店俱樂部度假村, 浦安

東京灣舞濱酒店俱樂部度假村 同樣都係位於東京迪士尼樂園附近,酒店有免費接駁巴士往返樂園園區,好方便!酒店仲有提供四至五人房,最啱一家大細或一大班朋友一齊住!

東京灣舞濱酒店俱樂部度假村, 浦安, 豪華客房, 非吸煙房 (Comfort), 客房

東京灣舞濱酒店俱樂部度假村
地址:JPN浦安29-1, Maihama (顯示地圖)
星級 | ★★★☆☆
位置 | ★★★★★
設施 | ★★★☆☆
環境 | ★★★★☆
價格 | 查看價格  

 

Hotels.com酒店優惠