定期送上世界各地最新、最地道嘅旅遊資訊!

【暑假旅行團】暑假去旅行避暑?即睇八大暑假旅遊目的地推薦2019

臨近夏天,當然係暑假去旅行嘅好時機!唔想跟暑假旅行團趕鴨仔?今次小編為大家精選咗八大暑假旅遊目的地,想嚟個短線避暑快閃旅行又得,即刻上blogshotels.com睇下八大暑假旅遊目的地推薦啦!

 

暑假旅行團|短線旅行目的地|日本

講到香港人最鍾意嘅旅遊勝地,緊係非日本莫屬啦!日本好玩之餘,又多好野食、多野買,無論大人定細路都一定會鍾意,真係男人女人都岩啊!如果你鍾意海邊嘅話,可以考慮沖繩,沖繩擁有藍天同碧海,係一個令人放鬆嘅地方!如果鍾意古蹟遊,亦可以選擇去大阪名古屋京都,漫遊古城!而講到想Shopping食好西,就緊係要去東京啦,日本旅遊地點應有盡有,總有一個岩你心水!

 

 

 

暑假旅行團|短線旅行目的地|韓國

韓國可能比好多人嘅印象係一個購物好去處,係其實除咗瘋狂血拚之外,韓國仲有好多好好玩嘅地方!如果鍾意大海,咁你就一定要去釜山,釜山係一個沿海城市,海產豐富又有多個自然景觀!鍾意自駕遊嘅朋友可以考慮濟州島,濟州島自然風光一絕,仲可以食到正宗嘅黑毛豬!首爾都一樣唔係淨係得Shopping,仲有好多景點男女老幼都適合!

 

 

暑假旅行團|短線旅行目的地|台灣

香港坐飛機去台灣只需要1個鐘鬆啲,台灣美食多多,洗費又平,所以好多人鍾意快閃去台灣玩返幾日!如果假期有限,想短短哋去幾日充充電,台北就可以滿足到你!台北交通四通八達,每個景點之間唔會相隔太遠,而且又有多個夜市,實行食到捧住肚皮返香港!有多幾日假期又鍾意自然風景嘅話,不妨考慮台東或者台中,景色優美又有別於大城市嘅感覺,值得一遊!而講到夏天,緊係唔少得要玩水,鍾意陽光與海灘嘅朋友可以考慮墾丁

 

       

暑假旅行團|短線旅行目的地|泰國

想趁住假期放鬆身心,泰國絕對係你嘅明智之選!泰國消費唔高,用相對低廉嘅價錢就有五星級嘅享受,多間五星級酒店價錢低、用百零數港紙都可以食到好西,仲可以去做返個Spa鬆弛一下!泰國熱門地點Top 1絕對非曼谷莫屬,集美食、購物與娛樂於一身,鍾意玩水上活動嘅朋友可以考慮布吉芭提雅

 

 

暑假旅行團|短線旅行目的地|越南

越南係一個好有特色嘅國家,獨特嘅地理環境造就咗多個自然奇觀,例如壯觀嘅下龍灣同埋好似天空之城嘅占婆王國遺址等等,鍾意深度旅遊嘅你又點可以錯過呢!越南曾經係法國嘅殖民地,所以你可以喺度用至抵嘅價錢品嚐到頂級嘅法國菜,當然唔少得地道越南菜啦,美食多不勝數,每一日都可以大飽口福!

 

 

暑假旅行團|長線旅行目的地|英國

趁住暑假想去長線旅行,又唔鍾意炎炎夏日天氣悶熱嘅感覺,去歐洲就最好不過喇!英國夏天平均溫度大約20度,唔會太熱又唔會太凍,非常舒適!倫敦交通發達,只要有一張oyster card就可以搭巴士、地鐵,玩盡各個景點,飽覽英倫建築!如果鍾意古城風味,可以考慮去中部約克,歷史悠久嘅古城可以到處都散發住一股古樸嘅氣息,加上多座哥德式教堂令成個城市被濃厚中古味道所包圍。

 

 

暑假旅行團|長線旅行目的地|意大利

想感受歷史、文化、古蹟,當然要去歐洲文化搖籃意大利啦!意大利有多個重要文化古蹟,想要好好體驗呢個文化之都,當然要走一轉羅馬,遊走聖彼得大教堂、西班牙廣場等等嘅著名景點,過返個羅馬假期!鍾意小鎮風光嘅朋友,可以去五漁村,五個漁村每個都別有特色,去到就好似去咗世外桃源一樣!當然唔少得要品嚐意大利菜同食意大利Gelato啦!

 

 

暑假旅行團|長線旅行目的地|法國

要數最浪漫嘅國家,法國一定榜上有名!今個暑假,不如去法國嚟一場浪漫之旅,感受不一樣嘅法式風情!法國自由行,好多人會首選首都巴黎,巴黎有巴黎鐵塔、香榭麗舍大道等等嘅旅遊熱點,加上法國人對生活嘅態度同熱情,喺街頭遊走都感受到悠閒嘅氣息。鍾意藍藍大海嘅朋友就緊係唔可以錯過南部城市—尼斯,尼斯有一望無際嘅蔚藍色海岸,每日咩都唔做望住大海已經陪哂寫意啦!

 

Hotels.com酒店優惠