定期送上世界各地最新、最地道嘅旅遊資訊!

【日本賞櫻2019】北海道櫻花邊度睇?本地人推薦札幌櫻花野餐好去處 (連櫻花品種大解構)

 

日本賞櫻 | 北海道櫻花景點圓山公園

圓山公園
@flickr

圓山公園_2@flickr

圓山公園係北海道最受歡迎嘅賞櫻地點,每年櫻花季都會吸引大量當地人嚟呢度賞櫻,非常熱鬧!呢到之所以咁出名,除咗係交通便利,更加係因為櫻花密集度高,由圓山公園一路行過去北海道神宮,有過千棵櫻花樹,絕對係賞櫻必到之地!

 

圓山公園
地址:北海道札幌市中央区宮ケ丘 (顯示地圖)
交通:乘坐札幌地下鐵,東西線「圓山公園站」,行大概5分鐘。

 

日本賞櫻 | 北海道櫻花景點中島公園


@Facebook


@Facebook

中島公園被列入為日本百大都市公園美景之一,園內種滿八重櫻、大山櫻以及枝垂櫻,櫻花盛開之時,更加係絕美!大家仲可以喺「菖蒲池」坐小船欣賞櫻花美景,浪漫到暈!唔坐小船嘅亦可以去公園內好有特色嘅日式庭園,坐喺櫻花樹下野餐,享受賞櫻之樂!

 

中島公園
地址:札幌市中央區中島公園1 (顯示地圖)
交通:乘坐札幌地下鐵,南北線「中島公園站」,行大概2-3分鐘。

 

日本賞櫻 | 北海道櫻花景點莫埃來沼公園


@flickr


@flickr

莫埃來沼公園由世界級雕刻藝術家野口勇設計,入面嘅金字塔玻璃建築更加係享譽盛名!最厲害嘅係呢度種植超過2600棵櫻花,可以稱得上係北海道最大規模嘅賞櫻之地!呢到仲非常廣闊,就算好多人嚟賞花,都唔會好迫!而且有好多遊樂設施,小朋友一定玩得好開心!

 

莫埃來沼公園
地址:北海道札幌市東区莫埃來沼公園1-1 (顯示地圖)
交通:乘坐札幌地下鐵,東豐線「環狀通東站」,轉乘巴士69或79號去到「 莫埃來沼公園東站」。

 

日本賞櫻 | 北海道櫻花景點北海道大學

@Facebook

@Facebook

如果想避開人潮,靜靜咁享受櫻花美景,大家就一定要去北海道大學醫學院前嘅櫻花大道啦!雖然呢度唔係櫻花密林,但環境極美!以充滿法國文藝復興建築風格嘅古河紀念講堂做背景,配上粉嫩櫻花,絕對係難得一見美景!

 

北海道大學
地址:北海道札幌市北区北8条西5丁目 (顯示地圖)
交通:乘坐JR去到「札幌駅」,行大概15分鐘。

 

日本賞櫻 | 北海道櫻花景點寒地土木研究所


@flickr


@flickr

寒地土木研究所又係另一個本地人大愛嘅賞櫻秘境!呢度人煙稀少,但研究所內嘅精進河兩岸就種植咗200多棵千島櫻!企喺精進河上嘅橋樑,大家就可以一次過睇哂兩邊嘅櫻花!聽住河水聲,欣賞綻放嘅櫻花,如詩如畫!最正嘅係人又唔多,包你影相影到唔捨得走!

 

寒地土木研究所
地址:札幌市豐平區平岸1条3丁目1番34號 (顯示地圖)
交通:乘坐札幌地下鐵,南北線「中之島站」,行大概3分鐘。

 

日本賞櫻 | 北海道櫻花品種大解構 | 蝦夷山櫻

日本櫻花品種有成600多種,最常見嘅就有「染井吉野櫻」,所以日本櫻花花期都以「染井吉野櫻」為指標。但除咗「染井吉野櫻」,寒冷嘅北海道仲有好多特別嘅櫻花品種:

 

@flickr
又稱大山櫻,開花時,茶色嘅葉都會一齊生長,所以顏色係淡粉紅當中帶點綠,非常優雅淡然。

日本賞櫻 | 北海道櫻花品種大解構 | 千島櫻


@flickr
同染井吉野櫻好相似,都係5瓣櫻花,不過花形較大,雄蕊較長,呈淡粉紅色。

 

日本賞櫻 | 北海道櫻花品種大解構 | 八重櫻


@flickr
花瓣層層疊疊,而顏色較為粉紅,睇起嚟好茂盛燦爛!

 

日本賞櫻 | 北海道札幌住宿推介|札幌王子大酒店 (Sapporo Prince Hotel)

札幌王子大酒店 (Sapporo Prince Hotel)

札幌王子大酒店圓柱體嘅外型非常獨特,係同區較少有嘅高樓大廈。因為酒店位市中心,旅客可以徒步去到唔同嘅shopping、觀光同賞櫻景點。而最靠近嘅賞櫻景點就係圓山公園。

札幌王子大酒店 (Sapporo Prince Hotel)_2

王子大酒店不但只高,而且內部空間感充兄,加上面對城景嘅無敵大玻璃,即使你留喺房間都可以欣賞到札幌嘅夜色。酒店內有提供溫泉服務,更有5間特色餐廳讓你嘗盡多國風味美食。

 

札幌王子大酒店 (Sapporo Prince Hotel)
地址:11 chome, Minami 2Jo Nishi, Chuo-ku, Sapporo, Sapporo, Japan, 060-8615 (顯示地圖)
星級 | ★★★☆☆
位置 | ★★★★☆
設施 | ★★★☆☆
環境 | ★★★☆☆
價格 | 查看價格  

 

日本賞櫻 | 北海道札幌住宿推介|札幌中島公園我的住宿酒店 (HOTEL MYSTAYS Sapporo Nakajima Park)

札幌中島公園我的住宿酒店 (HOTEL MYSTAYS Sapporo Nakajima Park)

顧名思義中島公園我我住宿酒店,當然係位於中島公園,而且酒店有提供貼心嘅服務啦。踏出酒店門口,轉左直行再轉右直行,一路沿住行人路直行直到見到左手邊有入口,就轉左再公園,跟住指示就好快行到去賞櫻嘅地方。

札幌中島公園我的住宿酒店 (HOTEL MYSTAYS Sapporo Nakajima Park)_2

客房嘅燈光採用咗白光燈泡,客房光猛而且空間感十足,日間就梗係開大𥦬簾,陽光盡情曬入房間。除咗大玻璃外,房間另一個特點係有空氣淨化系統同放濕裝置。酒店提供自助洗衣服務。

 

札幌中島公園我的住宿酒店 (HOTEL MYSTAYS Sapporo Nakajima Park)
地址:1-1-20 Nishi, 14 Minami, Chuo-ku, Sapporo, Sapporo, Japan, 064-0914 (顯示地圖)
星級 | ★★★★☆
位置 | ★★★★☆
設施 | ★★★☆☆
環境 | ★★★★☆
價格 | 查看價格

 

日本賞櫻 | 北海道札幌住宿推介|札幌京阪酒店 (Hotel Keihan Sapporo)

札幌京阪酒店 (Hotel Keihan Sapporo)

札幌京阪酒店亦係位於市中心,步行15-20分鐘左右就到北海道大學,超方便。

客房內設計簡約,酒店亦提供嘅Spa、影印機、自助洗衣設備等等服務。

 

札幌京阪酒店 (Hotel Keihan Sapporo)
地址: 1-9, 6-chome, Kita-6-Jyo-Nishi, Kita-ku, Sapporo, Sapporo, Japan, 060-0806 (顯示地圖)
星級 | ★★★☆☆
位置 | ★★★★☆
設施 | ★★☆☆☆
環境 | ★★★☆☆
價格 | 查看價格

 

日本賞櫻 | 北海道札幌住宿推介|札幌公園酒店 (Sapporo Park Hotel)

呢間酒店位於中島公園旁邊,由酒店一望出去就可以見到中島公園櫻花盛放嘅全景!附近仲有好多食店,夜晚玩到攰仲可以買宵夜返酒店一邊嘆景,一邊嘆美食!


房間氣派豪華,夠哂寬敞舒適!設備齊全,正到暈!

 

札幌公園酒店 (Sapporo Park Hotel)
地址:JPN札幌1-1, Minami 10 Jo Nishi 3 Chuo-ku (顯示地圖)
星級 | ★★★★☆
位置 | ★★★★☆
設施 | ★★★☆☆
環境 | ★★★☆☆
價格 | 查看價格 

 

札幌住宿推介|札幌華盛頓酒店


酒店位於札幌市中心,行去JR塔都只係2分鐘!而且鄰近賞櫻地點,大通公園同北海道大學都可以行過去,非常方便!


房間設計簡約,但應有盡有,帶比你溫馨舒服嘅住宿享受!

 

札幌華盛頓酒店 (Hotel Gracery Sapporo)
地址:JPN札幌4 Kita 4 Jonishi Chuo-ku (顯示地圖)
星級 | ★★★☆☆
位置 | ★★★★☆
設施 | ★★☆☆☆
環境 | ★★★☆☆
價格 | 查看價格  

 

📖延伸閱讀:【北海道行程全攻略】北海道札幌必食餐廳推介!(連北海道溫泉推薦)
📖延伸閱讀:【北海道攻略】熱辣辣去北海道?北海道夏天行程大解構!(連北海道住宿推薦)
📖延伸閱讀:【日本薰衣草特集】北海道薰衣草、東京薰衣草景點懶人包 (連影相App推薦)
📖延伸閱讀:【北海道自由行】北海道登別自由行懶人包 (登別景點、必食推薦)
📖延伸閱讀:【日本櫻花2018】京都櫻花賞玩路線攻略 (最新櫻花花期公佈)
📖延伸閱讀:【大阪櫻花2019】大阪櫻花花期 + Top 5 大阪賞櫻景點攻略大全!

 

Hotels.com酒店優惠Hotels.com酒店優惠