定期送上世界各地最新、最地道嘅旅遊資訊!

【旅行影相攻略】旅行影相Pose教學特輯!(附影相app推介)

去旅行瘋狂影相是常識吧!有時要諗影相pose真係幾頭痕,左擺右擺都擺唔到一個滿意嘅pose,影唔到一張滿意嘅相!今次就等小編化身為影相界KOL,教大家以下6個影相pose,再推薦幾個好用嘅旅行影相app畀大家,以後想呃like都冇難度啦!

必學旅行影相pose:十分一黃金比例

@miko19901016

去旅行想影到景又影到人?唔鐘意影close-up相,一對住鏡頭就覺得周身唔自在?咁你就一定要學識呢招喇!冇錯,就係將個人有幾細影到幾細(但又唔好細到一粒塵咁),最好成個人嘅比例佔張相十分一左右,堪稱黃金比例!咁樣可以睇到景又睇到人,兩者完美結合,就算唔識擺pose只要搵到個靚景,就咁企或者坐喺到都可以好靚!


必學旅行影相pose:自然笑


@misakikobori

唔識擺pose唔緊要!冇人天生識好多影相pose,但每個人都一定識得笑!有人話過,人最靚同最自然嘅表情就係笑緊嘅時候,下次旅行影相唔知擺咩pose,只要腦海諗啲好笑嘅事,然後開懷大笑就搞掂!想效果再突出啲,可以較大光圈影「淺景深」,成張相嘅焦點就會落喺你身上!

 

必學旅行影相pose:側面輪廓照

有時唔一定要出哂成個樣,張相都可以好有感覺!就好似圖中model咁,以側面示人,展現側面(完美)輪廓,其實都別有一番味道㗎!影側面輪廓照,最好喺陽光普照嘅大晴天之下,順住太陽照射嘅位置,有技巧地捕捉光線灑落嘅角度再取景,咁就可以影出充滿希冀嘅感覺,想影到女神光更加易如反掌!

 

🏨Top10台北人氣酒店住宿推介HK$444起 *安心價格保證*
[德立莊酒店HK$444起,富驛時尚酒店台北南京東路館HK$472起,台北西門町意舍HK$751起]

 

必學旅行影相pose:逆光相

@khengchan_

好多人都鍾意影日落相,但除咗單單影咸蛋黃,點樣可以將日落配合人像影出一張完美嘅旅行相?逆光嘅時候影相,會影到漆黑一片,睇唔清楚個樣,但正正因為呢一點,配合埋黃昏日落暗淡嘅光線,反而可以影出朦朧美!利用逆光影出嚟嘅相,人像剪影更加鮮明、突出,你可以發揮創意利用咸蛋黃擺出唔同嘅動作,例如扮要食咗佢或者當佢波咁踢,分分鐘影出一張有意外驚喜嘅相。

 

必學旅行影相pose:誇作搞怪動作

@gud_vs_bad

除咗正正經經企喺到擺pose影相,其實做一啲搞怪、誇作嘅pose都可以有意想不到嘅效果!特別一大班人一齊去旅行,唔洗下下齊齊整整一齊笑再yeah,不如試下將一個動作放大十倍好誇張咁做,其實仲有趣味性!

 

必學旅行影相pose:Dab

要數今年最hit嘅動作,就不得不提dab!其實呢個動作係源於Hip Hop文化嘅dab舞,美式足球球星Cam Newton好鍾意呢個動作,每次達陣嘅時候都會擺出dab嘅姿勢,之後dab就風靡全球,個個影相都爭住做呢個pose!下次去旅行嘅時候,不妨都dab一番,盡顯霸氣!

 

🏨Top10東京人氣酒店住宿推介HK$344起 *安心價格保證*
[赤阪 b 酒店HK$392起,東京灣拉根特酒店HK$476起,品川王子大酒店 HK$579起]

 

影相app推薦:韓妹最愛—Analog Film Paris

@Facebook

呢款影相app可以話係上年韓妹至愛嘅影相app!有咗佢,你可以輕鬆影出韓國style嘅風格相;app內附設多款粉紅tone filter,一張普普通通嘅街頭相,只要加咗預設嘅filter,成個feel即刻唔同哂!

 

上圖睇到張相未落filter之前顏色比較沉實,落咗filter之後成個feel唔同哂,顏色偏粉紅tone,效果比較夢幻,難怪韓妹大推呢個影相app!

 

Analog Film Paris
價格:HKD$8(下載點

 

影相app推薦:偽「淺景深」— Focus Effect

如果你想影「淺景深」,但又冇鏡頭可以影到,其實iphone 7 plus嘅「人像」效果都相當唔錯!電話唔係iphone 7 plus都唔緊要,只要download呢個影相app就可以做到相同嘅效果!

 

呢個影相app用法非常簡單,只要揀好想要保留嘅位置,佢就會自動幫你blur咗其他範圍,適合想簡單影出「淺景深」嘅人!

 

Focus Effect
價格:免費(下載點

 

影相app推薦:營造菲林相機效果 — Gudak Cam

@Facebook

好多鍾意影相嘅人都鍾意玩菲林相機,因為菲林相機影出嚟嘅相立體感比較強,而且曬出嚟嘅顏色帶少少復古味,好有質感。Gudak Cam就係一款仿菲林相機嘅影相app,無論版面設計定影出嚟嘅效果都同菲林相機好似。用家一次可以影24張相,每影完一筒菲林要等1個鐘先再可以影下一筒,而且唔可以即刻睇返自己影成點,影完一筒要等72個鐘先「曬」到出嚟,全憑感覺去影相,就好似真係影緊菲林相機咁,好有趣!

 

@_loisssss 

影出嚟嘅效果同菲林相機相似,容易影出復古味濃厚嘅相,而且隻app只係賣8蚊,性價比極高!

 

Gudak Cam
價格:HKD$8(下載點

 

Hotels.com 酒店優惠

睇到呢度,喺咪想即刻book酒店去旅行影下靚相呢?點樣先可以用至抵價錢book酒店?上Hotels.com攞我哋最新嘅優惠代碼啦!只需要click入去呢個網站https://zh.hotels.com/jiu-dian-you-hui/coupon/再copy優惠碼,然後喺付款頁面貼上優惠碼,就可以享用折扣優惠㗎啦! 仲有好多超筍酒店優惠同埋精選酒店神秘優惠價,快啲上Hotels.com用至抵價錢訂房啦!