定期送上世界各地最新、最地道嘅旅遊資訊!

【新年旅行好去處】各地唐人街慶祝農曆新年活動及新年習俗!

年年農曆新年嗰幾日假,都係拜年、打麻將、食團年飯。今年不如出走去第二個國家,利用農曆新年嗰幾日假慶祝兼去旅行。順手行個大運,等新一年順順利利啦!唔同國家嘅唐人街每一年農曆新年都會有大型慶祝活動,今次就等小編同大家介紹下啦!

 

新年好去處|曼谷唐人街

曼谷嘅唐人街位於耀華力路,每年嘅初一、初二都會封路。路嘅兩邊都會有好多街邊小食,仲有啲賣新年禮品嘅檔攤,周圍都有好多新年嘅裝飾。另外當然唔少得舞龍舞獅,夜晚仲有慶祝活動,如果唔想太多人嘅話,可以選擇中午時分去,因為大部分大型活動都集中係夜晚進行。

 

當地人會著紅色衫嚟增加過年氣氛,你都記得準備一套紅色衫啦!如果有習慣大年初一去拜神求好運嘅朋友,曼谷唐人街入面都有大大小小嘅廟宇,等你可以求返支好籤!

 

曼谷唐人街住宿推介|曼谷上海大廈酒店

曼谷上海大廈酒店, 曼谷, Suite with Complimentary Experience, 客房

喺耀華力路嘅曼谷上海大廈酒店勁有中國風,而且就係唐人街,等你可以沉醉於濃濃嘅中國style入面,一落街就有大把小食餐館𠻹!

 

曼谷上海大廈酒店
地址:Samphanthawong479-481 Yaowarat Road, Bangkok (顯示地圖

 

👉🏩即刻Click入嚟睇下Top 10 曼谷酒店住宿優惠!

新年好去處|倫敦唐人街

英國倫敦嘅農曆新年慶祝係全球數一數二大型嘅慶祝活動,唔單止唐人街入面,慶祝活動延伸到整個倫敦西區。每年都會有花車遊行同大型煙花睇!除咗舞龍舞獅,仲有傳統中國舞蹈、樂器表演,仲有好多小食、攤位,氣氛仲好過香港!仲有唔少店鋪會有農曆新年優惠,等你新年可以食好啲、買多啲,過個「肥」年!

 

倫敦唐人街住宿推介|倫敦萊斯特廣場勝利之屋索菲特美憬閣酒店

倫敦萊斯特廣場勝利之屋索菲特美憬閣酒店, 倫敦

倫敦萊斯特廣場勝利之屋索菲特美憬閣酒店係一間將歷史悠久嘅大廈翻新嘅酒店,無論係外觀定係入面都保留著英國嘅建築元素。而且就係唐人街附近,唔單止方便參加新年慶祝活動,更加係好多倫敦景點嘅中心店。

 

倫敦萊斯特廣場勝利之屋索菲特美憬閣酒店
地址:14 Leicester Pl, London WC2H 7BZ, UK (顯示地圖

 

👉🏩即刻Click入嚟睇下Top 10 倫敦酒店住宿優惠!

新年好去處|悉尼唐人街

悉尼唐人街今年都會有大型花燈慶祝農曆新年,今年位慶祝狗年,仲有兩隻巨型守護犬係唐人街裡面。另外除咗一般新年慶祝活動之外,仲有爬龍舟睇添!今年仲有當地導盲犬協會舉辦嘅慈善活動,配合狗年新年慶祝活動,到時會有唔少名人及藝術家到場彩繪𠻹!慶祝之餘仲可以支持善事,等新一年無論係自己定係有需要嘅人都可以過個好年!

 

悉尼唐人街住宿推介|喬治休閒酒店 – 喜市

喬治休閒酒店, 喜市

呢家酒店位於悉尼市中心,可以望到悉尼市嘅全貌,而且首都劇院就係旁邊。住喺呢度可以盡情享受悉尼嘅城市氣氛,去邊都咁方便!

 

喬治休閒酒店 – 喜市
地址:653 George St, Sydney NSW 2000, Australia (顯示地圖)

 

👉🏩即刻Click入嚟睇下Top 10 悉尼酒店住宿優惠!

Hotels.com 酒店優惠