定期送上世界各地最新、最地道嘅旅遊資訊!

【意大利自由行】4日3夜羅馬景點散步行程路線圖 (連羅馬美食推介)

第一次去意大利自由行,點可以唔去世界聞名嘅各個羅馬景點朝聖?小編為大家推薦羅馬市內嘅散步路線,介紹必去嘅聖彼得大教堂、西班牙廣場等,仲帶你去品嚐各式羅馬美食,包你過一個浪漫悠閒嘅羅馬假期!

 

意大利自由行| 羅馬景點散步路線


@Flickr

羅馬係一個非常適合散步嘅城市,除咗因為沿路無論大街小巷、一磚一瓦都充滿歷史色彩,羅馬比較古舊嘅交通規劃令遊客覺得行路仲方便過搭車搭地鐵!所以小編已經準備好4日羅馬散步路線,等你唔使做功課即刻去個羅馬深度遊:

 

第一日:西班牙廣場(西班牙階梯、破船噴泉)、許願池、萬神殿
第二日:梵蒂岡博物館、聖彼得廣場、聖彼得大教堂、聖天使城堡
第三日:帕拉提諾之丘、古羅馬廣場、圓形競技場
第四日:酒店附近行逛

 

意大利自由行| 羅馬景點散步路線| 聖彼得大教堂(Basilica di San Pietro)


@Flickr

聖彼得大教堂(Basilica di San Pietro) 位於梵蒂岡,雖然係天主教嘅大本營,但無論你係唔係信徒,去到羅馬都一定要參觀聖彼得大教堂,感受呢座教堂莊嚴高雅嘅氣派同見識世界珍藏嘅藝術品!

 

聖彼得大教堂
地址:Piazza San Pietro, 00120 Città del Vaticano, Vatican City(顯示地圖
開放時間:7:00-19:00(休息日:復活節,聖誕節)

 

意大利自由行| 羅馬景點散步路線| 西班牙廣場(Piazza di Spagna)


@Flickr

電影迷一定唔會對西班牙廣場(Piazza di Spagna) 陌生,事關呢個地方就係電影《羅馬假期》出名嘅場景!西班牙廣場聖三一教堂山落,連住一條共有137梯級嘅長樓梯,再到破船噴泉,都係遊客最愛嘅打卡熱點。影完靚相都可以一路直行去步行街,沿途都係知名品牌店,同埋好多cafe、gelato shop,包你又食又拎都未行哂啊!

 

西班牙廣場
地址:Piazza di Spagna, 00187 Roma RM, Italy(顯示地圖

 

 

意大利自由行 | 羅馬美食推介|La Montecarlo


@lamontecarlo.it

La Montecarlo萬神殿附近,距離納沃納廣場只需3分鐘步程,係一間連羅馬當地人都好鐘意食嘅餐廳,專食意大利薄餅同地中海fusion菜,佢受歡迎嘅原因除咗因爲菜式選擇好多,價錢亦好親民合理,平均消費€10-15一位,比羅馬一般餐廳抵食!跟住local搵食,除咗必食Pizza,小編仲推介大家要試下意大利出名嘅Fritto (油炸美食)!

 

La Montecarlo
地址:Vicolo Savelli 13, 00186 Rome, Italy(顯示地圖
營業時間:星期二至日 12:00-01:00
網址:http://www.lamontecarlo.it

 

意大利自由行 | 羅馬美食推介|Otello Alla Concordia


@otelloallaconcordia.it

另外,仲有一間位於西班牙廣場附近嘅Otello Alla Concordia,呢間餐廳非常有歷史,由1750年創立,無論菜式定格調都夠哂傳統典雅!Otello同樣好受local歡迎,亦無咁多遊客同你迫,因為呢間餐廳要先預約。


@edumangia

喺充滿歐陸風情嘅中庭,嘆吓佢哋嘅招牌菜羊肋排Abbacchio同埋意粉,享受羅馬悠閒風味!

 

Otello Alla Concordia
地址:Via della Croce 81, 00187 Rome, Italy(顯示地圖
營業時間:星期一至日 12:15-15:00,星期一至六 19:00-23:00
網址:http://otelloallaconcordia.it

 

意大利自由行 | 羅馬住宿推薦|多瑞亞酒店

å¤??ç????äº??é????åº??, ç¾??馬, å¤??è§??

多瑞亞酒店離火車站好近,到羅馬市中心嘅景點四通八達,步行2分鐘就到聖母教堂,再步行15分鐘就到古羅馬廣場同羅馬鬥獸場,而且仲包埋早餐同提供免費Wi-Fi,正啊!

 

多瑞亞酒店
地址:ITA羅馬Via Merulana, 4 (顯示地圖)
星級 | ★★★☆☆
位置 | ★★★★★
設施 | ★★★☆☆
環境 | ★★★☆☆
價格 | 查看價格

 

意大利自由行 | 羅馬住宿推薦|梵蒂岡套房公寓酒店

梵蒂岡套房公寓酒店位於梵蒂岡中心地帶,遊走梵蒂岡景點就非常方便,譬如行去聖彼得大教堂都係只需12分鐘,步行10分鐘就到達附近火車站喇!

 

梵蒂岡套房公寓酒店
地址:ITA羅馬Via Nicolò V, 5 (顯示地圖 )
星級|★★★☆☆
位置|★★★★★
設施|★★☆☆☆
環境|★★☆☆☆
價格|查看價格

 

Hotels.com酒店優惠