定期送上世界各地最新、最地道嘅旅遊資訊!

【白色情人節快閃】情侶旅行地點推薦(連分手地雷出沒注意!)

白色情人節又嚟喇!大家準備好節目同另一半慶祝未呢?其實慶祝白色情人節唔一定要留喺香港嘅!嚟返個快閃情侶旅行,喺異地締造難忘嘅回憶,送一個最難忘嘅情人節畀你嘅另一半啦!今次小編為大家精選咗五個超浪漫嘅情侶旅行地點,睇啱心水就靜靜雞book機票酒店,比個驚喜另一半啦!

 

情侶旅行地點精選:蘇梅島

@kosamui.com

冬天天氣咁凍,令人好想去東南亞地方暖一暖!好多人應該會首選泰國,而蘇梅島係泰國第三大島嶼,僅次於布吉島同象島。去嘆返個陽光與海灘就最正喇!你可以喺蘇梅島欣賞一望無際嘅大海、喺潔白無瑕嘅沙灘上溫馨漫步,諗起都非常寫意、放鬆,啱哂生活節奏急促緊張嘅香港人,不如就帶另一半去呢個世外桃源過今個情人節啦!

@Flickr

蘇梅島仲係一個潛水勝地,同另一半手拖手潛入大海睇珊瑚、熱帶魚,sweet到漏啦!

 

👉🏩即刻Click入嚟睇下Top 10 蘇梅島酒店住宿優惠!

 

情侶旅行地點精選:首爾

相信大家對首爾都唔會陌生,講到情人節快閃旅行地點,首爾絕對係你嘅不二之選!一嚟機程唔耐,大概三個鐘就可以去到首爾,最重要係首爾係一個非常浪漫嘅地方,有好多浪漫爆燈嘅景點,帶另一半去就最適合不過!當中一定要去嘅就係首爾塔,將你同伴侶嘅名寫上情人鎖度,再扣落首爾塔,象徵你哋嘅愛情可以長長久久!


@The Garden of Morning Calm Website

另一個浪漫景點就係京畿道嘅晨靜樹木園,建議可以晏就先去南怡島同小法國村,黃昏至夜晚時份再去晨靜樹木園,睇超靚嘅燈飾!

 

👉🏩即刻Click入嚟睇下Top 10 首爾酒店住宿優惠!

 

情侶旅行地點精選:上海

其實近近哋,上海都係一個好好嘅情侶旅行地點!香港一日有多班航班直飛上海,時間安排彈性好大,加上上海唔算大,就算只係2-3日都足夠。咁講到上海嘅浪漫景點,就一定要去下2016先開幕嘅上海迪士尼樂園!當然唔少得去外灘睇上海夜景,手拖手游走萬國建築博覽群,一定比到個難忘嘅晚上畀另一半!

@hidykwan 

小編特別推薦上海影城樂園,呢度有早期30年代嘅上海街景同埋歐陸式建築,入到去有種時光倒流嘅感覺!好多電影曾經喺度取景,例如功夫、色戒等等,最啱Instagram boyfriend喺度幫女友影返輯靚相!

 

👉🏩即刻Click入嚟睇下Top 10 上海酒店住宿優惠!

 

情侶旅行地點精選:峴港

近年嚟越嚟越多人去越南旅行,今次小編推薦嘅地點就係越南峴港峴港有一個被譽為「世界六大美麗沙灘之一」嘅「中國海灘」,你冇睇錯!呢個海灘真係叫做「中國海灘」!帶另一半去睇日出或者日落,一定勁冧!而越南曾經係法國嘅殖民地,所以呢度可以睇到殖民時期興建嘅法式建築,仲可以食正統嘅法國菜,就好似飛咗一轉法國旅行咁!

記得帶埋另一半去粉紅色教堂影相啊!

 

👉🏩即刻Click入嚟睇下Top 10 峴港酒店住宿優惠!

 

情侶旅行地點精選:關島

關島雖然係屬於美國嘅領土,但由香港飛過去都只係需要大概五個鐘,方便又快捷!藍天碧海係關島嘅賣點,加上關島全年氣候和暖,全年平均27度左右,非常舒服。關島四面環海,book間海景酒店,每日聽住海浪聲入睡,一起身又可以望住大海,寫意又浪漫!關島亦有好多海邊餐廳,喺海邊吹住海風食返餐燭光晚餐,都不知幾浪漫!

對住咁靚嘅大海同夕陽,淨係坐喺度都已經覺得浪漫啦!

 

👉🏩即刻Click入嚟睇下Top 10 關島酒店住宿優惠!

 

情侶旅行|分手地雷出沒注意

同另一半出國旅行,最緊要玩得開開心心,平時可能只係相處一兩日,但去旅行係連續幾日都會對住大家,比較容易出現爭執。留意以下注意事項,以免一趟甜甜蜜蜜嘅旅程搞到分手收場。

 

  • 1. 支出方面:去旅行費用支出可以好龐大,正所謂「講錢傷感情」,最好喺決定去旅行之前傾好各方面嘅費用支出由邊個負責。
  • 2. 安排行程每個人去旅行都有唔同目的,想睇嘅野都可能唔一樣。所以去旅行之前,建議大家先傾好行程,可以每人安排一日,只要互相遷就,爭執就自然減少。
  • 3. 情緒管理:同另一半去旅行最緊要玩得開心,千其唔好少少事就將個人負面情緒釋放出嚟!例如行到攰嘅時候,唔好黑面一句聲都唔出,話畀另一半聽你想休息一下,只要大家互相體諒,就自然唔會鬧交啦!

 

Hotels.com 酒店優惠

睇到呢度,喺咪想即刻book酒店預備同另一半嘅情侶旅行呢?點樣先可以用至抵價錢book酒店?上Hotels.com攞我哋最新嘅優惠代碼啦!只需要click入去呢個網站https://zh.hotels.com/jiu-dian-you-hui/coupon/再copy優惠碼,然後喺付款頁面貼上優惠碼,就可以享用折扣優惠㗎啦! 仲有好多超筍酒店優惠同埋精選酒店神秘優惠價,快啲上Hotels.com用至抵價錢訂房啦!