定期送上世界各地最新、最地道嘅旅遊資訊!

【復活節旅行去邊好】復活節2018最強外遊地點推介!

復活節有幾日假,梗係要把握機會去番轉旅行先啦!但去邊度先好?等小編推介復活節最強外遊地點俾大家,過一個開心嘅復活節!

 

復活節2018 外遊地點精選|日本

@nanzhuang.com

喺日本除咗瘋狂shopping之外,仲有好多靚風景睇㗎!特別嚟到每年3月下旬至4月,正正就係日本櫻花盛放嘅櫻花期,喺東京京都名古屋札幌福岡呢啲地方都係睇櫻花嘅熱門地方,最好就約埋一家人、朋友、伴侶去影靚相順便坐低野餐欣賞風景,坐喺度傾嚇計,享受一個悠閒嘅小假期。

 

延伸閱讀:

📖 【Hotels.com大使推介】獨遊大阪行程2017!一個人去大阪都可以好好玩!

📖 【Hotels.com大使推介】快閃日本京都一日遊行程懶人包!

📖 【Hotels.com大使推介】日本東京親子遊行程懶人包(附親子景點、酒店推薦)

📖 【日本福袋情報2018】日本福袋入貨攻略大全2018(東京、大阪必買福袋)

 

復活節2018 外遊地點精選|台灣

@Xinmedia.com

除咗日本有櫻花睇,台灣3月至5月都係賞櫻的季節,台北陽明山淡水天元宮、南投九族文化村,同阿里山都有好靚嘅粉紅花海,風景都好靚咖!如果唔想睇櫻花,復活節期間台灣都有其他花海睇,例如白河木棉花季同客家桐花祭,都好受遊客歡迎!如果唔想咁靜態嘅話,墾丁每逢復活節期間都會舉行春吶音樂節,而今年就係4月5至7號,熱愛音樂嘅朋友就千祈唔好錯過同大家一齊狂歡嘅大好機會啦!

 

延伸閱讀:

📖

📖【台北親子遊】帶著全家去旅行!台北親子景點、餐廳、酒店推薦!

📖【台灣自由行遊記】平溪、九份、十分行程懶人包!

📖【台灣自由行】當地人推介Top 10 台灣必食地道小食!

 

復活節最強外遊地點精選|韓國

@Flickr

Cafe呢排大行其道,韓國都越開越多文青Cafe,想渡過一個悠閑嘅復活節假期,或者想去做文青影靚相,韓國呢個地方就啱唒你啦!另外每逢每年三月底到四月初,韓國慶尚南道昌原市鎮海都會舉行鎮海櫻花花祭,成個地方都幾乎被櫻花覆蓋住,櫻花跌落嘅時候仲好似落雪咁,真係諗起都覺得浪漫呀!

 

延伸閱讀:

📖【Hotels.com大使推介】玩盡首爾新景點2018(附3日2夜行程推介)

📖【韓國手信】韓國超市必買零食Top10推介

📖【掃街地圖】冬季最新首爾必食美食排行榜2018

📖【Hotels.com大使推介】韓國扮靚團!首爾行程攻略—影韓式証件相、韓服體驗!

 

復活節最強外遊地點精選|泰國


Combesttour.com

如果budget唔太多又想近近地去個旅行,泰國一定係你哋短線旅行地點嘅心水!除係泰國血拼,食大餐同按摩之外,喺復活節假期附近4月14至17日適逢泰國嘅新年,就係好出名嘅潑水節!如果想喺街度玩水,做喺香港做唔到嘅事咁你一定要去參加呢個節日,一黎可以玩之餘仲可以體驗當地習俗,一舉兩得!

 

延伸閱讀:

📖【泰好玩】五大潮人必去曼谷夜市 – 考山路、火車夜市拉差達 !

📖【曼谷文青必去2018】走進曼谷鬧市!三大潮聖必去曼谷cafe!

📖【泰好玩】潮人推介-泰國曼谷五大必去高空酒吧!

📖【泰自由】旅遊達人帶路玩泰國,曼谷必去行程攻略 Part 1

 

復活節最強外遊地點精選|意大利

@Flickr

意大利係一個奉行天主教嘅國家,復活節對於意大利係好重要嘅,因為呢個節日係慶祝耶穌復活,所以當地當然有大大小小嘅慶典舉行慶祝啦!例如喺佛羅倫斯,果度嘅復活節儀式是全意大利中規模最大嘅,到時有個名叫煙花木車Scoppio del Carro嘅節慶、主教同神職人員著住中世紀服飾嘅古典巡遊同舞旗表演Sbandieratori,咁隆重嘅節慶一年得一次,梗係唔可以錯過啦!

 

延伸閱讀:

📖【意大利自由行】快閃意大利五漁村攻略-必去景點彩色小屋逐個捉!

 

復活節最強外遊地點精選|紐西蘭


@The Balloons over Waikato Trust 官網

喺每年3月尾至4月頭,紐西蘭北島懷卡托 (Waikato)嘅天空都會好色彩繽紛,因為當地會舉辦Balloons over Waikato懷卡托熱氣球節。天空有好多唔同造型嘅熱氣球,而陸地就有各式各樣嘅遊樂設施同美食攤檔,喺夜晚仲會有煙花睇,去到果度就好似去咗個嘉年華咁,真係諗起開心呀!

 

延伸閱讀:

📖 【紐西蘭自由行】紐西蘭五大必玩極限運動!

📖 【奧克蘭景點大曬冷!】快閃3日2夜奧克蘭必去行程懶人包!

 

Hotels.com酒店優惠