定期送上世界各地最新、最地道嘅旅遊資訊!

【廣島自由行】廣島+大久野島+宮島一日遊連廣島必食廣島蠔餐廳推薦!

講到日本廣島必食,相信一眾日迷吃貨都會諗起廣島蠔,無錯!今次就帶大家去廣島自由行搵食,去當地嘆廣島蠔。不過廣島又點止得廣島蠔,今次就等小編帶你去埋人稱兔島嘅大久野島,同埋以水上鳥居出名嘅宮島一日遊,仲教埋你用至抵價錢book酒店,慳番啲錢去玩!即刻上Blogshotels.com睇啦!

 

廣島自由行第一日|宮島

第一站 | 牡蠣屋

搭船去日本三景之一嘅宮島非常方便,由JR宮島口站出發,10分鐘船程就到達宮島。去到宮島第一件事就係食午餐!牡蠣屋嘅廣島蠔係廣島數一數二嘅,佢嘅menu選擇唔太多,有燒蠔、炸蠔同煮蠔定食,隻隻蠔都相當肥美飽滿,愛蠔嘅你就一定唔可以錯過!

 


即叫即燒!(4隻廣島蠔 / 1,200円)


編輯大推汁煮蠔定食,配白飯一流!(汁煮蠔定食 / 1,620円)

 

牡蠣屋
地址:廣島縣廿日市市宮島町 539
電話:0829-44-2747
營業時間:10:00 – 18:00
網址:http://www.kaki-ya.jp/

 

第二站 | 嚴島神社

去宮島一大重點係參觀世界文化遺產嚴島神社,當中最受歡迎嘅景點—海上鳥居,4-5點左右退潮時仲可以行出去近距離接觸吓呢個世界文化遺產!

 


嚴島神社望出去就係海上鳥居喇!


好多新婚嘅當地人都會著起傳統服飾去神社影結婚相㗎!


各大品牌嘅清酒,係神社嘅熱門影相位!


@LikeJapan
宮島周圍好多鹿,不過同奈良唔同,呢到係嚴禁餵飼㗎!


@VisitingHiroshima
參觀完神社,仲可以順便去埋宮島表參道商店街買名產楓葉饅頭!


小編推薦呢間楓葉饅頭天婦羅!

 

廣島自由行第二日|大久野島

是日啱晒鐘意小動物嘅你,由JR廣島站坐到吳線忠海站,出站後左轉去便利店就可以買飼料,記住上般前要買,因為島上係冇野賣架!


忠海港碼頭前票站,呢度可以買兔糧、明信片同紀念品。


一落船已經成地都係!


呢度嘅免仔就好似喪屍咁,一見到人就追住唔放!

島上無人居住,但有一個渡假村,遊客可以浸溫泉、享用自助餐同租單車環島遊,兼提供接駁巴士。島上仲保留咗戰爭遺跡,有興趣可以參觀!


@VisitingHiroshima

 

飼料購買攻略 | 椰菜

通常遊客都係買兔糧,所以椰菜好受歡迎,一片片撕開仲可以吸引遠處嘅兔群𠻹!
✘  又重又大舊,不易攜帶

 

飼料購買攻略 | 甘筍

顏色鮮豔,可以令兔仔keep住一路咬一路比你影,啱哂手動對焦嘅朋友
✘  每次只招呼到1-2隻兔仔,做唔到兔群洶湧嘅效果

 

飼料購買攻略 | 兔糧

✔ 用紙袋裝住嘅兔糧攜帶方便,免仔一樣咁鐘意食
✘  一袋兔糧好快用哂,逐粒喂又會掂到佢哋個咀

 

廣島自由行第三日|本通商店街

最後一日就梗係要shopping買下手信啦,咁就要去廣島市中心本通商店街,各牌子名店、手信、藥妝店都集中晒喺到,一次過掃貨!

@Matcha

買到夠就去食晚飯,今次介紹島田水產燒蠔放題,一小時任食自己燒嘅廣島蠔,價錢超值!廣島最後一餐仲唔食返夠本?


@Facebook

 

島田水產
地址:廣島縣廿日市市宮島口西1丁目2-6
交通:宮島站步行約10分鐘
營業時間:10:00 – 19:00 (16:00 – 17:00除外)

 

廣島自由行 | 廣島酒店住宿推薦|廣島平和公園前酒店

住宿相片集
酒店地點相當方便,鄰近廣島其他著名景點以及商店街,行街夜咗都唔怕啦!

 

廣島平和公園前酒店
地址:廣島2-6-24 Otemachi, Naka-Ku (顯示地圖)
星級 | ★★★☆☆
位置 | ★★★★★
設施 | ★★☆☆☆
環境 | ★★★☆☆
價格 | 查看價格

 

廣島自由行 | 廣島酒店住宿推薦|蘇米雅 SPA 酒店

該住宿照片相冊

旅館超近廣島JR站,行幾步就到,去邊都咁方便。

 

蘇米雅 SPA 酒店
地址:JPN廣島6-18 Kyobashicho, Minami-ku (顯示地圖)
星級 | ★★☆☆☆
位置 | ★★★★★
設施 | ★★☆☆☆
環境 | ★★☆☆☆
價格 | 查看價格  

 

廣島自由行 | 廣島酒店住宿推薦|廣島喜來登大酒店

廣島喜來登大酒店

廣島喜來登大酒店係廣島當地嘅一間高級酒店,座落於出晒名有好多人氣餐廳嘅JR廣島站旁邊。住喺呢度除咗交通方便之外,行過隔離就可以搵到好多好嘢食,就連當地人大力推薦嘅麗子廣島燒餐廳喺呢度都搵得到,鍾意食好西嘅你又點可以錯過?

廣島喜來登大酒店_2

廣島喜來登大酒店隸屬國際知名酒店連鎖集團喜來登旗下,服務質素同酒店設施絕對有保證!此外,呢度嘅酒店房間唔單止夠晒闊落,而且設計仲充滿住好似屋企咁Warm嘅感覺,一定會令你有賓至如歸嘅上佳住宿體驗!

廣島喜來登大酒店
地址:JPN廣島Higashi-ku12-1 Wakakusa-cho (顯示地圖)
星級 | ★★★★☆
位置 | ★★★★★
設施 | ★★★★☆
環境 | ★★★★☆
價格 | 查看價格  

 

廣島自由行 | 廣島酒店住宿推薦|廣島戴哇魯內酒店

廣島戴哇魯內酒店

廣島戴哇魯內酒店_2

廣島戴哇魯內酒店_3

廣島戴哇魯內酒店鄰近廣島和平紀念公園同埋廣島美術館等等必到景點,位置相當之好。另外,酒店毗鄰廣島電鐵中電前站,想喺廣島市內觀光遊覽完全無難度!正所謂「一日之計在於晨」,廣島戴哇魯內酒店每日都會為住客提供唔同類型嘅早餐,而且全部都係即叫即整㗎,一定會令你有一個Good Morning!如果你唔想洗咁多錢喺住宿方面,性價比極高嘅廣島戴哇魯內酒店絕對係你嘅好選擇!

 

廣島戴哇魯內酒店
地址:JPN廣島1-3-20 Kokutaijimachi Naka-kuYomiuri Hiroshima Building (顯示地圖)
星級 | ★★☆☆☆
位置 | ★★★★★
設施 | ★★☆☆☆
環境 | ★★☆☆☆
價格 | 查看價格  

 

廣島自由行 | 廣島酒店住宿推薦|廣島全日空皇冠假日酒店

廣島全日空皇冠假日酒店

廣島全日空皇冠假日酒店係當地一間有名嘅酒店,當中酒店最為人所欣賞嘅地方在於佢哋高質素嘅服務。嚟到日本自由行,最怕就係言語不通同當地人溝通唔到,廣島全日空皇冠假日酒店大部份嘅職員都識得講英文,你有乜嘢需要都唔怕人地聽唔明啦!另外,酒店呢度嘅設施一應俱全,室內泳池、24小時全天候開放嘅健身中心同住客專用嘅停車位,嚟廣島自駕遊必住!

廣島全日空皇冠假日酒店_2

廣島全日空皇冠假日酒店嘅酒店房間寬敞而且景緻開揚,你可以喺房間裡面飽覽一望無際嘅廣島市區美景,plan緊廣島行程嘅朋友不妨考慮一下啊!

 

廣島全日空皇冠假日酒店
地址JPN廣島7-20 Naka-machi Naka-ku (顯示地圖)
星級 | ★★★★☆
位置 | ★★★★☆
設施 | ★★★★☆
環境 | ★★★☆☆
價格 | 查看價格  

 

📖延伸閱讀:【福岡必買手信】福岡4日3夜行程+最強購物攻略 (連博多住宿推薦)
📖延伸閱讀:【九州自由行】鐵道遊九州景點全攻略 (連福岡、熊本住宿推薦)
📖延伸閱讀:【鹿兒島購物攻略】五大鹿兒島必買手信推薦!連鹿兒島美食推介!
📖延伸閱讀:【東京近郊好去處】鎌倉一日遊行程交通攻略!連必去鎌倉景點精選!

 

Hotels.com酒店優惠