定期送上世界各地最新、最地道嘅旅遊資訊!

【京都嵐山一日遊】必去京都景點、必去嵐山景點攻略!(嵐山竹林、嵐山小火車)

講起京都景點,嵐山當然係絕對唔可以錯過嘅地點!因為嵐山一年四季都風景怡人,有著名嘅嵐山竹林、嵐山小火車,同天龍寺等等。有靚景,又有野玩,包你樂而忘返!小編已經幫大家整合好嵐山一日遊嘅行程攻略,為大家介紹必去嘅嵐山景點!

 

📖延伸閱讀:【京都自由行】春日京都和服攝影,秘密景點大公開!(連京都櫻花必買手信)

 

京都嵐山一日遊|必去嵐山景點|嵐山小火車@Flickr

京都,一定唔可以唔坐嵐山小火車!嵐山小火車係由嵯峨野觀光鐵道所推出嘅觀光火車,一共有四個站:嵯峨站、嵐山站、保津峽站同亀岡站。嵐山小火車非常受旅客歡迎,因為小火車本身嘅造型已經非常獨特而富有懷舊感,沿途穿過保津川溪谷嘅風景更加係一絕!所以小火車車票好搶手,大家記得要預早喺關西機場買車票,咁就一定唔會錯過啦!

@sagano-kanko.co.jp

小編建議嘅路線係坐JR去到嵯峨嵐山站,然後轉坐小火車由嵯峨站坐去嵐山站,先玩哂嵐山站附近景點,因為愈早去嵐山站就無咁多人,玩得比較舒服!然後再坐小火車遊覽保津川溪谷,最後去到亀岡站。

 

📖延伸閱讀:【Hotels.com大使推介】快閃日本京都一日遊行程懶人包!

 

京都嵐山一日遊|必去嵐山景點|嵐山竹林之道@Flickr

一講到嵐山,大家都一定聽過竹林之道。竹林之道係兩旁種滿青竹嘅步道,步道大概要行十幾分鐘,沿途都係無盡嘅竹林,整個環境都係一片綠油,仲散發住淡淡竹香。呢個咁詩意嘅環境,真係令人身心舒爽,彷彿置身於另一個世界!呢個咁特別嘅景致,仲成為咗唔少電影嘅場景,《藝妓回憶錄》同《臥虎藏龍》都有喺呢到取景㗎!

 

京都嵐山一日遊|必去嵐山景點|野宮神社@Flickr

竹林之道嘅盡頭就係野宮神社,野宮神社雖然唔大,但擠滿咗嚟參拜嘅人潮湧!因為據聞野宮神社同源氏物語有關,係求締結姻緣同學業進步好地方,所以吸引到唔少人嚟參拜㗎!

 

野宮神社
地址:日本京都市右京区嵯峨野宮町1 (顯示地圖)
營業時間:09:00 – 17:00
入場費用 (只供參考)免費參觀
官網:http://www.nonomiya.com/

 

📖延伸閱讀:【求愛上上籤之日本神社篇】日本 TOP 5 必去戀愛神社 (係愛呀哈利!)

 

京都嵐山一日遊|必去嵐山景點|天龍寺@Flickr

嵐山另一個重要嘅景點就係「京都五山中之首」,亦係「世界文化遺產」嘅天龍寺!天龍寺係由室町幕府初代將軍足利尊氏於1339年,為咗紀念醍醐天皇而修建嘅寺廟。天龍寺佔地極廣,入面有多個寺廟,當中最主要就係「大方丈 」同「多寶殿」!呢到嘅寺廟全部都有600-700年歷史,象徵日本傳統建築風貌,非常值得參觀!

@Flickr

天龍寺當中最聞名嘅係曹源池庭園,因為呢個庭園最保留到室町幕府時期嘅創建景色,極具歷史意義!而且庭園景色猶如一幅活現嘅日本傳統風景畫,每一個角度睇都令人驚嘆,難怪會被列入為日本國家特別指定名勝之一啦!

 

天龍寺
地址:日本京都市右京区嵯峨天龍寺芒ノ馬場町68 (顯示地圖)
營業時間:8:30-17:30 (北門接待處 17:00關門) *10月21日至3月20日 8:30-17:00 (北門接待處 16:30關門)
入場費用 (只供參考)
※庭園 (曹源池、百花苑) :成人500円;學生300円;學齡前兒童免費
※諸堂參拜 (大方丈室、書院、多寶殿):另加300円
官網:http://www.tenryuji.com/cn/

 

📖延伸閱讀:【旅行結婚好主意】日本神社婚禮、日本結婚相套餐大比併

 

京都嵐山一日遊|必去嵐山景點|嵐山商店街@Facebook

嚟到嵐山,除咗要欣賞風景名勝,梗係唔少得要食下嵐山商店街嘅著名小食,同探訪下各式各樣嘅商店啦!嵐山商店街無論係小食店、餐廳定係地道名產手信店都多不勝數,淨係喺呢到行,都完全滿足到食慾同購物慾!

 

京都嵐山一日遊|必去嵐山景點|嵐山商店街 | 中村屋総本店@Facebook

嚟到嵐山,千祈唔可以錯過嵐山名物可樂餅!中村屋総本店嘅可樂餅可以稱得產係全京都之最!外層由薄薄嘅麵包衣包住,內層就係牛肉同香滑薯溶嘅混合,外酥內軟,真係令人回味無窮!

@pixnet.net
嵐山名物可樂餅 90円/件

 

@Facebook
Arcino抹茶蛋糕卷 296円/件

 

日本人熱愛抹茶甜品,嵐山商店街呢到都有唔少抹茶美食,抹茶控記得要去試下超人氣嘅Arcino嘅抹茶蛋糕卷呀!

 

中村屋総本店
地址:日本京都府京都市右京区嵯峨天龍寺車道町2-15 (顯示地圖)
營業時間:09:00-18:30 (星期三休息)

 

📖延伸閱讀:【京都必食】日本京都 Top 5 人氣抹茶店-一保堂、中村藤吉!

 

京都嵐山一日遊|京都酒店推薦|綠風莊旅館@Facebook

嚟到京都呢個充滿日本傳統風情嘅地方,不如就入住一間傳統日式酒店,瞓—吓榻榻米,盡情體驗一吓日本風格住宿啦!線風莊旅館係位於京都市中心,以日式建築風格設計嘅旅館!附近交通非常方便,坐巴士去到京都JR站都只係10分鐘!

@Facebook

旅館設有免費大浴場,仲有和式早餐,呢間旅館絕對可以比到你一個完整嘅和式住宿體驗!真係值得一住㗎!

 

綠風莊旅館
地址:日本西洞院通り六条上ル金屋町490 (顯示地圖)
星級 | ★★★☆☆  
位置 | ★★★★☆  
設施 | ★★★☆☆  
環境 | ★★★☆☆  
價格 | 查看價格  

 

京都嵐山一日遊|京都酒店推薦|京都世紀酒店@Facebook

京都世紀酒店係一間CP值超高嘅酒店,無論係地理位置、酒店設施,服務同環境都非常好,而且價錢合理!酒店隔離就係就係JP京都站,步行5分鐘就已經係大型商場同食街,夠哂方便!

@Facebook

酒店房間空間感大,而且整齊乾淨,唔少住客都話床褥好舒服,玩完一日,可以好relax咁瞓返覺!

 

京都世紀酒店
地址:JPN京都680 Higashi Shiokoji-cho, Shimogyo-ku (顯示地圖)
星級 | ★★★★☆  
位置 | ★★★★★  
設施 | ★★★☆☆  
環境 | ★★★☆☆  
價格 | 查看價格  

 

 

Hotels.com酒店優惠