定期送上世界各地最新、最地道嘅旅遊資訊!

【宜蘭親子遊】4日3夜短線行程!本地人推薦宜蘭必去、必食攻略!

宜蘭絕對係短trip嘅好去處,無論你係鐘意傳統特色,定係山、海同平原,宜蘭都可以滿足你!呢度有好多寓教育於娛樂嘅景點,絕對係宜蘭親子遊嘅首選,重點係仲有一大堆傳統美食俾大家試!又有得食又有得玩,快啲跟住小編介紹嘅親子景點攻略去玩啦!

 

宜蘭親子景點 | 冬山河生態綠舟

@travelyilan

冬山河生態綠舟喺2016年先公開亮相,同親水公園一樣位於冬山河風景區入面,園區有一大片綠色草地,分別係希望之丘微笑水岸綠洲樂園濕地教室怡然聚落遊客中心等六大區域。

@djimavicairgo

呢度可以話係野生動物嘅屋企,有鳥類、魚類、昆蟲、蛙類、爬蟲類同哺乳動物等物種,小朋友一定好鐘意!呢度仲有唔少人文自然地景嘅展示同教學,絕對係宜蘭親子遊嘅必去景點!


@sky09190

另外,2017年嘅綠色博覽會就係喺呢度舉行,冬山河生態綠舟就冇冬山河親水公園咁嘈同擠逼,喺度放空,欣賞下動植物,都不知幾寫意,仲有好多可愛嘅園藝作品,俾你影相吸Likes𠻹!

 

冬山河生態綠舟

地址:No. 172, Section 2, Dongshan Road, Dongshan Township, Yilan County, Taiwan 269(顯示地圖)
營業時間:08:00-18:00
入場費用:7月1號開始收費30元台幣
網址:http://ecoark.e-land.gov.tw/

 

宜蘭親子遊必食 | 蘭城晶英酒店-紅樓中餐廳

蘭城晶英酒店紅樓中餐廳入面嘅櫻桃烤鴨可以話係成個宜蘭最出名嘅菜色之一,仲被票選為全台灣最好食嘅烤鴨!佢哋獨創咗五種鴨肉食法,其中以櫻桃鴨握壽司最有名,多汁嘅鴨肉喺口入面爆漿,油脂與鴨肉嘅比例啱啱好,小編大推呀!

 

蘭城晶英酒店-紅樓中餐廳

地址: No. 36, Section 2, Minquan Road, Yilan City, Yilan County, Taiwan 260(顯示地圖)
營業時間:11:00-15:00, 17:00-21:00

 

宜蘭親子景點 | 宜蘭國立傳統藝術中心

@ettoday

傳統藝術中心係宜蘭嘅必去景點之一,2017年重新開幕,全部店鋪都更新咗,仲要引入咗好多知名嘅工藝品牌。靠住河岸嘅臨水街就規劃成一個親子園區,啱哂一家大細嚟感受台灣嘅傳統工藝之美。

@Flickr

入到去園區,就係傳達生活同工藝嘅傳習街,仲有劇展廣場舞台俾你欣賞肢體嘅人文美感;民藝街同臨水街就匯集咗老街嘅建築特色同傳統生活市集嘅趣味。總括嚟講,呢度集建築之美、街區之趣同生態濕地與一身,可以一次過滿足你三個願望!有得食,仲有得玩,絕對係親子遊必去景點!

@Flickr

 

宜蘭國立傳統藝術中心

地址:No. 201號, Section 2, Wubin Road, Wujie Township, Yilan County, Taiwan 26841(顯示地圖)
營業時間:09:00-18:00
入場費用:普通票 $150/人, 優惠票 $120/人, 6歲-12歲兒童、學生、縣民票 $100/人, 敬老票 $75/人, 年滿65歲以上長者 免費
網址:https://www.px-sunmake.org.tw/activity/newslist.html

 

宜蘭親子遊必食 | 林場肉羹

@Flickr

林場肉羹係宜蘭勁出名,係一間五十年嘅老店。呢度嘅肉羹係用上選嘅豬後腿肉,口感彈牙鮮嫩,湯羹就好甘甜,好有層次!下次嚟到宜蘭除咗去探索傳統文化之外,一定要嚟試下呢度嘅嘅傳統美食呀!

 

林場肉羹

地址: No. 109, Zhongzheng North Road, Luodong Township, Yilan County, Taiwan 265(顯示地圖)
營業時間:6:30-18:00 (星期三休息)

 

宜蘭親子景點 | 蘭陽博物館


@Flickr

蘭陽博物館係喺成日都陰雨綿綿嘅宜蘭,你一定要排入行程嘅室內親子景點!蘭陽博物館建築外型好特別,融合咗海岸特色同土地中茁壯成長嘅意象,望起上嚟就好似浮出水面嘅一座山。

@Flickr

內部空間立體交錯,有特別嘅採光同視覺效果,係影相打卡必去地方!博物館分為常展廳、特展廳同兒童探索區,以山、海、平原展出宜蘭獨有嘅自然地景同工藝,相當有教育意義,快啲帶埋一家大細嚟探索下啦!

@Flickr

 

蘭陽博物館

地址:No. 750, Section 3, Qingyun Road, Toucheng Township, Yilan County, Taiwan 261(顯示地圖)
營業時間:08:30-17:30 (星期三休息)
入場費用:全票100元台幣, 團體票80元台幣, 學生票50元台幣, 優惠票30元台幣, 縣民免費
網址:http://www.lym.gov.tw/

 

宜蘭親子遊必食 | 羅東夜市

@anna80629

羅東夜市有幾出名,信相都唔洗多講,就等小編話俾你聽有咩係必食㗎啦!除咗三星蔥肉串同水煎包、臭豆腐、卜肉、東山鴨頭、當歸湯之外,當然仲有甜品包心粉圓同芋頭冰啦!大家快啲mark低啦!

 

羅東夜市

地址:No. 6, Xingdong Road, Luodong Township, Yilan County, Taiwan 265(顯示地圖)
營業時間:15:00 -24:00

 

宜蘭親子遊住宿推薦 | 蘭城晶英酒店

蘭城晶英酒店, 宜蘭市, 家庭四人房(陽台房), 客房

呢間酒店位於宜蘭市政商中心,好近台灣東部最大嘅商場、夜市同幾米公園,可以講係宜蘭最高級嘅酒店之一,但係CP值都好高㗎。除咗地理位置好,呢間酒店都好適合一家大細嚟住,酒店入面嘅餐廳好出名之外,仲有免費兒童俱樂部、游泳池、spa、空中花園、健身俱樂部等,房間又大又寬敞,係宜蘭親子遊嘅住宿首選!

蘭城晶英酒店, 宜蘭市, 療程室提供全套Spa嘅頂級享受,啱晒平日好忙碌嘅爸媽嚟relax一下。

蘭城晶英酒店, 宜蘭市, 露台酒店有室內同室外游泳池,適合一家大細嚟享受一個休閒假期~

蘭城晶英酒店, 宜蘭市, 兒童遊樂區

蘭城晶英酒店

地址:宜蘭縣宜蘭宜蘭市民權路二段 36 號 (顯示地圖)
星級 | ★★★★☆
位置 | ★★★★★
設施 | ★★★★★
環境 | ★★★☆☆  
價格 | 查看價格

 

宜蘭親子遊住宿推薦 | 悅綠墅

悅綠墅, 宜蘭市

呢間酒店位於宜蘭員山鄉,雖然唔喺市中心,但係環境超好!離金車威士忌酒廠、香草菲菲同林家古厝等景點都係步行嘅距離。呢度最特別嘅係,佢係一間有酒店規格嘅民宿,曾被台灣知名旅遊節目-食尚玩家推介。

悅綠墅, 宜蘭市, 庭院

酒店外觀好似一個純白嘅皇宮,外面仲有南瓜馬車,甚至仲有玻璃屋房型,適合內心夢幻嘅你。一家大細嚟度來,都會超興奮!

悅綠墅, 宜蘭市, 高級雙人房, 1 張加大雙人床, 客房

悅綠墅, 宜蘭市, 家庭樓中樓客房, 2 張雙人床, 客房

悅綠墅

地址:宜蘭員山鄉惠民路 380 號 (顯示地圖)
星級 | ★★★☆☆
位置 | ★★★★★
設施 | ★★★★★
環境 | ★★★★☆  
價格 | 查看價格

 

宜蘭親子遊住宿推薦 | 宜蘭悅川酒店

宜蘭悅川酒店, 宜蘭市, 豪華四人房, 2 張加大雙人床, 客房

悅川酒店喺2017年先開幕嘅四星級酒店,內部裝潢散發出慢活悠閒同古色古香嘅氣息,係台灣東部最新嘅文青風親子酒店。酒店入面有免費嘅親子遊樂設施。除此之外,呢度嘅賣點就係房間遼闊嘅視野,可以遠眺龜山島,如果你想,仲可以還可以喺房間迎接第一道曙光𠻹!

宜蘭悅川酒店, 宜蘭市, 豪華雙人房, 浴室

宜蘭悅川酒店

地址:宜蘭中山路五段 123 號 (顯示地圖)
星級 | ★★★★☆
位置 | ★★★★★
設施 | ★★★★★
環境 | ★★★★☆  
價格 | 查看價格

 

Hotels.com酒店優惠