定期送上世界各地最新、最地道嘅旅遊資訊!

【大阪購物攻略】Top 7大阪必買藥妝2019!「最齊貨」必去大阪藥妝店鋪一覽

講到大阪必買,相信女士們都會去藥妝店大掃貨,事關日本藥妝店嘅貨物種類五花八門,係尋寶嘅好地方!今次呢篇大阪購物攻略就精選咗Top 7大阪必買藥妝,連埋大阪藥妝店地圖大全一次過話你知!

 

 

大阪購物攻略|大阪必買藥妝Top 7|Molena Bika Nurse


@beautyage_2012

相信每個人都試過傷風或者鼻敏感嘅時候,不斷流鼻涕用紙巾抹鼻而令到唇上位置紅哂,甚至甩皮!呢樣產品簡直就係傷風人士嘅恩物,佢可以紓緩因傷風磨擦鼻下位置所造成嘅不適,呢款產品更加有抗炎同保濕成分,搽完唔會有「黐笠笠」嘅感覺,而且細細支方便攜帶,買枝傍身就最適合。

 

大阪購物攻略|大阪必買藥妝Top 6|Cholac便秘藥


@5ix_sense

唔少人間唔中就會有便秘嘅煩惱,特別係去異地旅行嘅時候,餐餐多肉少菜或者唔習慣當地嘅食物,可能好多日都排唔到便,令到肚脹脹唔舒服。呢個時候呢款Cholac便秘藥就大派用場喇,只要食一粒就可以通便,非常有效!

 

大阪購物攻略|大阪必買藥妝Top 5|EVE Melt


@sor_122

EVE止痛藥可以話係日本最出名嘅「看門口」藥品之一,差唔多每個去日本旅行嘅人都會買返幾盒返香港!EVE止痛藥適用於多種症狀,例如發燒、頭痛等等,而今次小編介紹嘅呢隻EVE Melt係EVE藥廠推出嘅新產品,專為唔鍾意食藥丸嘅人而設,因為呢款EVE Melt可以口服,含落口等佢自己溶化就可以,食落帶少少酸嘅柑橘味,非常易入口!

 

 

大阪購物攻略|大阪必買藥妝Top 4|口內炎噴劑


@mc_beautyhk

生痱滋嘅痛楚,相信大家都感受過,牙肉腫脹而且痛楚難耐,真係食龍肉都冇味!好多人生痱滋嘅時候會搽痱滋膏或者噴西瓜霜,而呢隻口內炎噴劑就係另一個好選擇!用呢支噴劑喺患處輕輕一噴,就會形成一個保護膜去阻隔空氣中嘅細菌入侵,加快口腔復原嘅進度!

 

大阪購物攻略|大阪必買藥妝Top 3|Qtto美腿襪

Qtto美腿襪
@Facebook

想減肥但又好懶唔想出汗唔想郁?Qtto美腿襪可以幫到你!只要著住呢對美腿襪,就算瞓喺度都一樣可以減到肥!除咗有瘦腿功效,Qtto美腿襪仲可以舒緩雙腿疲勞同埋防止腿部靜脈曲張!而且呢款美腿襪仲可以循環再用,著完用清水洗就可以,直到對襪冇哂彈性為止先需要換過對新,非常抵用!

 

大阪購物攻略|大阪必買藥妝Top 2|Keana Nadeshiko稻米面膜


@travelseller_hk

去得藥妝店,當然要大量入手買面膜啦!而芸芸品牌之中,到底應該點揀好?Keana Nadeshiko稻米面膜曾經榮獲日本COSME大賞第一名,深受日本女生嘅愛戴!呢款面膜成份天然,主要成分由100%日本產大米提取而成,有保濕、收細毛孔等功效!

 

大阪購物攻略|大阪必買藥妝Top 1|小林製藥防水膠布


@holababy0728

有時黐咗膠布,一濕水成張膠布就會發脹,手指都會整到甩皮,係咪覺得好麻煩?而且下下洗完手要換過塊新嘅膠布,係咪覺得好唔環保呢?下次去大阪不如就入手呢隻小林製藥防水膠布啦!無論係割傷定擦傷,只要搽一搽,就會形成薄薄一層保護膜,唔單止有效防止細菌入侵,仲有防水效果,一舉兩得!

 

 

大阪購物攻略|大阪藥妝店大全

講到最齊全嘅大阪藥妝店,當然要去心齋橋搵啦!心齋橋嘅藥妝店多不勝數,而且五大藥妝連鎖店都喺哂呢個地區,基本上所有你講得出想買嘅藥妝,都可以喺心齋橋搵到。Click入嚟呢個「大阪心齋橋藥妝大全」,所有藥妝店嘅位置就一目了然!

 

大阪購物攻略|大阪酒店推介瑞士大阪南海酒店  

瑞士大阪南海酒店, 大阪, 行政客房, 1 張特大雙人床, 非吸煙房, 客房

瑞士大阪南海酒店係一間四星級嘅大阪酒店,酒店位置方便,鄰近心齋橋,無論幾夜都可以落去行街同食宵夜!酒店房間闊落,因為一般大阪嘅酒店空間比較細,但呢間酒店就唔會有呢個問題,住落非常舒服!

瑞士大阪南海酒店, 大阪, 泳池

酒店仲有個室內泳池同SPA,可以畀客人放鬆身心!而且室內泳池就算落雨定行雷都唔洗怕,一樣可以暢泳!

 

瑞士大阪南海酒店
地址:Chotana Rd Soi 12, Patan, Muang, Chiang Mai (顯示地圖)
星級 | ★★★★☆  
位置 | ★★★★★  
設施 | ★★★★☆  
環境 | ★★★★☆    
價格 | 查看價格  

 

Hotels.com酒店優惠