定期送上世界各地最新、最地道嘅旅遊資訊!

【墨爾本好去處】墨爾本一日遊懶人包!必去墨爾本景點、動物園、美食餐廳!

相對於澳洲其他地方,墨爾本市內交通非常方便,有電車、火車同巴士,四通八達!喺墨爾本市 中心內,仲有得坐免費環市電車!即使唔識揸車,都可以玩轉墨爾本!今次就等小編幫大家整合一個墨爾本一日遊嘅行程比大家!介紹一下墨爾本好去處,教你點樣坐公共交通,玩轉墨爾本市!

 

墨爾本交通小貼士

提提大家,想旅程暢通無阻,就一定要預先買一張Myki卡。Myki卡就係澳洲嘅八達通,任何交通工具都可以同Myki卡比錢。大家可以喺各大火車站,又或者係市內Myki外銷零售店就有得賣㗎啦,每張售價$6AUD!

 

墨爾本好去處 | 墨爾本一日遊景點推介|維多利亞女皇市場 Queen Victoria Market

@Facebook

墨爾本出名有各式各樣嘅市集,而當中最值得推介嘅一定係維多利亞女皇市場!呢個市場由1878年開始營業,至今已經有140年歷史!市場入面肉品、蔬菜、海鮮、熟食、咖啡、蛋糕,澳洲特產等等,貨色花多眼亂,應有盡有!雖然呢到係著名旅遊景點,但當地人都非常鐘意嚟呢到入貨,有墨爾本人嘅大廚房之稱㗎!市場內有好多特色食物,大家記得空住個肚嚟!邊行邊掃街!

@Facebook

 

維多利亞女皇市場 Queen Victoria Market

地址:513 Elizabeth St, Melbourne VIC 3000澳洲  (顯示地圖)
交通:乘坐免費環市電車35/19/57/58/59號,喺Elizabeth Street或Peel Street落車。
營業時間:星期二及四 06:00 – 02:00;星期五 06:00 – 17:00;星期六 06:00 – 15:00;星期日 09:00 – 16:00 (星期一及三休息)
網址:https://qvm.com.au/

 

 

墨爾本好去處 | 墨爾本一日遊景點推介|墨爾本動物園 Melbourne Zoo


@Flickr

嚟到孕育咗豐富自然生態嘅澳洲,梗係要探訪下號稱「世上最古老動物園」嘅墨爾本動物園,同袋鼠、樹熊、袋熊,仲有神仙企鵝等等澳洲特有動物零距離接觸啦!最正嘅係,呢個種物園位於墨爾本市中心地帶,由市心中坐15-20分鐘電車,就已經到達!唔洗舟車勞頓就可以一暏澳洲動物世界!園內有超過300百多種野生動物,大家可以一次過探哂澳洲本土動物,仲有長頸鹿、大象同老虎!無論係大人定小朋友,都一定會盡興而歸!


@ZoosVictoria

大家可以親身餵飼袋鼠!記得同袋鼠影返張selfie,post上ig瘋狂吸like!


@Facebook

仲可以見到迪士尼動畫《獅子王》入面「丁滿」 (狐獴) 嘅真身!狐獴細細隻,雙眼非常精靈!可愛到暈呀!

 

墨爾本動物園 c Zoo

地址:Elliott Ave, Parkville VIC 3052  (顯示地圖)
交通:由墨爾本市William Street 乘坐電車58號,就可以直達墨爾本動物園。
營業時間:星期一至日 09:00-17:00
入場費用 (只供參考)成人$36AUD;小童 (15歲以下) 星期一至五 $18AUD,星期六及日 免費
網址:https://www.zoo.org.au/melbourne

 

 

墨爾本好去處 | 墨爾本一日遊餐廳推介|電車餐廳 The Colonial Tramcar Restaurant

@Flickr

山長水遠嚟到墨爾本,梗係要對自己好啲,玩得盡,食得爽,先叫不枉此行!小編推介大家一定要試下呢間電車餐廳!喺過百年歷史嘅復古電車上食晚餐,人生幾何?電車嘅內外都非常華麗,車內怖置有濃厚嘅維多利亞色彩,紅絨布座椅同懷舊燈具,再配上車外墨爾本夜景,氣氛一流!

@Facebook

食物非常精緻高級,套餐總共有5道菜色,有澳洲必食嘅澳洲牛扒同三文魚、有芝士拼盤,仲有特色甜品!而每一道菜都配合相應嘅酒,真係非一般享受!

 

電車餐廳 The Colonial Tramcar Restaurant

地址:Tram Stop 125 Normanby Road, South Melbourne VIC 3205  (顯示地圖)
交通:乘坐免費環市電車35號,Flinders Street West站落車,向皇冠賭場方向步行5-10分鐘。
營業時間:星期一至日 午餐時間 13:00-15:00;晚餐時間 17:45-23:30
費用 (只供參考)午餐 每位$90AUD;晚餐 每位$130AUD (需網上預約)
網址:http://tramrestaurant.com.au/

 

 

墨爾本酒店推介|墨爾本中心布雷迪酒店

墨爾本中心布雷迪酒店, 墨爾本

呢間酒店位於墨爾本市中心最旺嘅地帶,隔離就係國立圖書館,鄰近商場同食肆,行去Chinatown都係幾分鐘,地理位置無可挑剔!最方便係機場巴士就喺隔離街,唔洗拎住啲行李四圍走!

酒店設計簡潔而富有現化感!設備完善,有24小時開放健身室,部份房間內更有小型廚房,一應俱存!

 

墨爾本中心布雷迪酒店

地址:AUS墨爾本30 Little La Trobe Street (顯示地圖)
星級 | ★★★★☆  
位置 | ★★★★★  
設施 | ★★★☆☆    
環境 | ★★★☆☆  
價格 | 查看價格  

 

 

墨爾本酒店推介|墨爾本伊莉莎白薩默塞特酒店

墨爾本伊莉莎白薩默塞特酒店, 墨爾本

墨爾本伊莉莎白薩默塞特酒店位於墨爾本購物中心,位置方便之外,交通亦非常便利,一落樓下就係電車站,而且係電車free zone內,慳返唔少車費!而且設計非常溫馨,比人一種家嘅感覺。空間感亦好夠,陽光好充足,令人覺得好relax,好舒適!

 

墨爾本伊莉莎白薩默塞特酒店

地址:AUS墨爾本250 Elizabeth Street (顯示地圖)
星級 | ★★★★☆  
位置 | ★★★★★  
設施 | ★★★★☆  
環境 | ★★★☆☆  
價格 | 查看價格  

 

 

Hotels.com 酒店優惠