定期送上世界各地最新、最地道嘅旅遊資訊!

【台東自由行攻略2019】最新台東景點懶人包!

去台灣旅行,除咗台北台中台南,如果你鍾意大自然景觀,其實台東係一個好好嘅旅遊地方!台東面山靠海,自然風景優美,絕對係台北以外另一個好選擇。今次小編一次過精選所有必去台東景點,想知台東有咩好玩?一篇文就搞點哂啦!仲諗咁多?即刻去文啦!

 

📖延伸閱讀:【台灣手信2018購物清單】Top 10 台北手信2018必買推介!
📖延伸閱讀: 【快閃台北三日兩夜2018】台灣3日2夜食、玩、訓行程懶人包,酒店500蚊有找!

 

台東自由行攻略|台東景點推介|台東森林公園

@Flickr

台東森林公園又稱「黑森林」,入面有3座湖泊,分別係琵琶湖、活水湖同埋鷺鷥湖。公園入面設有單車道,喺晏晝陽光和煦嘅時份,踩住單車感受和暖嘅海風吹埋嚟,再欣賞公園嘅景色,其實都幾寫意㗎!


@Flickr

台東海濱公園台東森林公園相連,入面同樣設有單車道,可以一次過玩哂2個景點!呢度仲係台東睇日出/日落嘅勝地,天氣好嘅時候,仲會望到漸變色嘅湛藍大海添!

 

台東森林公園
地址:台東縣台東市中山路與馬亨亨大道交叉口附近(顯示地圖
交通:乘搭鼎東客運、花蓮客運或國光客運,於榮民醫院站下車,步行至中山路盡頭
開放時間:06:00 – 19:00

 

📖延伸閱讀:【台北親子遊】帶著全家去旅行!台北親子酒店、餐廳、景點推薦!

 

台東自由行攻略|台東景點推介|鐵花村音樂聚落


@Flickr

鐵花村可以話係文青必去嘅台東景點!呢度前身係一個貨倉宿舍,後來經改建成為一個結合咗藝術、音樂同埋文創市集嘅地方!小編推薦大家夜晚先嚟鐵花村,因為大路兩旁會掛上一個個熱氣球嘅裝飾,夜晚會發光,特別浪漫!星期五、六、日仲會有文創市集同表演,非常熱鬧!而且,呢度仲有間酒吧,間唔中會有音樂表演,你可以買杯酒坐底,一邊聽歌一邊同朋友暢飲幾杯!

 

鐵花村音樂聚落
地址:台東縣台東市新生路135巷26號(顯示地圖
交通:乘搭市區觀光循環公車於鐵花村站下車
開放時間:24小時開放
鐵花小舖:星期一、三至日 16:00 – 22:00
表演時間:星期三至六 20:00 – 22:00
     星期日 07:30 – 21:00
假日慢市集:星期五 18:00 – 22:00
      星期六、日 16:00 – 22:00

 

📖延伸閱讀:【台灣自由行遊記】平溪、九份、十分行程懶人包

 

台東自由行攻略|台東景點推介|伯朗大道

要數必去台東景點,就不得不提大名鼎鼎嘅伯朗大道!2013年金城武幫長榮航空拍廣告就係喺呢度取景,自此之後就聲名大噪,每個去台東嘅人都會嚟伯朗大道打卡!去伯朗大道嘅最佳時份就係夏季,因為伯朗大道嘅兩邊係稻田,夏季(2月至6月)係稻穗收穫嘅時候,金黃色嘅稻穗加上綠油油一片嘅草地,非常之靚!

除咗稻田,伯朗大道仲有花海可以影相!順帶一提,去伯朗大道最好嘅交通工具係踩單車去,搭台鐵去到池上車站之後,一出車站就會有幾間單車鋪可以租單車,唔想體力勞動嘅話可以租電動單車!

 

伯朗大道
地址:台東縣池上鄉伯朗大道(顯示地圖
交通:乘搭台鐵前往池上火車站,再租單車到伯朗大道
開放時間:24小時開放

 

📖延伸閱讀:【台灣自由行】當地人推介Top 10 台灣必食地道小食

 

台東自由行攻略|台東景點推介|台東觀光夜市@tour.taitung.gov.tw

去台灣又點可以唔去夜市食盡台灣地道小食呢!去到台東都唔例外,台東觀光夜市係台東最大型嘅夜市,呢度唔單止有各式各樣嘅小食,仲有唔同嘅攤位小遊戲,食完野可以玩下攤位再戰,食到捧住肚皮返酒店!

 

台東觀光夜市
地址:台東縣台東市鄰近台東轉運站前方、與中山路交叉左側的正氣路段(顯示地圖
交通:乘搭8116號公車至正氣路下車/乘搭8172或8163號公車於新生路下車
開放時間:逢星期四至六 17:00 – 02:00

 

📖延伸閱讀:【台東自由行】台東景點懶人包!所有必去景點一次過話你知!

 

台東自由行攻略|台東景點推介|多良車站

@Flickr

多良車站被譽為全台灣最靚嘅車站,去到台東緊係要去朝聖一下啦!多良車站對住太平洋,喺月台上可以睇到完美海岸線,望住漸變嘅藍色海水,會有一下以為自己去咗歐洲咁!因為業務冷清,多良車站喺2006年已經停止服務,不過因為呢度可以欣賞湛藍嘅大海,所以仍然有好多遊客慕名而來。

 

多良車站
地址:台東縣太麻里鄉多良村瀧溪路8-1號(顯示地圖
交通:乘搭鼎東客運山線8132、8135、8135A、8136、8137、8138次公車於多良站下車
開放時間:24小時開放

 

📖延伸閱讀:【獨遊好去處】獨遊台北玩法大解構

 

台東自由行攻略|台東景點推介|三仙台

@Flickr

位於成功鎮嘅三仙台,全島面積大約有22公頃。「三仙台」呢個名嘅源由,係因為呢度有三個由珊瑚礁岩形成嘅山峰,相傳八仙過海嘅時候,李鐵拐、何仙姑同埋呂洞賓曾經登臨呢度,並留下仙跡,「三仙台」因而命名。每逢跨年,三仙台仲會有迎接曙光嘅活動,象徵美好新一年。

 

三仙台
地址:台東縣成功鎮三仙里基翬路74號(顯示地圖
交通:乘搭鼎東客運(往靜埔)至三仙台站下車
開放時間:08:30 – 17:00

 

📖延伸閱讀:【台北親子景點】台北近郊茶園親子遊3日2夜行程及住宿推薦

 

台東自由行攻略|台東景點推介|鹿野高台

@Flickr

台東熱氣球嘉年華係台東每年嘅盛事,每年嘅熱氣球嘉年華都會喺鹿野高台度舉行。鹿野高台有海拔350公尺高,仲有一大片草地,非常適合玩各類型嘅戶外活動。每年嘅熱氣球嘉年華都會喺6月至9月舉行,到時會有熱氣球飛行表演同音樂表演,非常熱鬧!平時冇活動,鹿野高台係一個野餐好去處,亦可以喺度玩滑翔傘!

 

鹿野高台
地址:台東縣鹿野鄉永安村高台路46號(顯示地圖
交通:乘搭台鐵於「鹿野站」下車,轉乘「臺灣好行—縱谷鹿野線」專車前往「鹿野高台」
開放時間:24小時開放

 

📖延伸閱讀:【台北買衫】購物狂小編私心推!台北古著二手店尋寶地圖連講價貼士!

 

台東自由行攻略|台東景點推介|豐源國小

豐源國小1@nicole7214034

如果沿南迴公路入台東市,你一定會經過被喻為「台灣最美小學」嘅台東豐源國小。藍白色嘅地中海配搭,令人不其然咁聯想起希臘嘅聖托里尼島同埋米克諾斯島,所以呢度被冠為最靚小學,實在係有過之而無不及。豐源國小喺1963年建校,原名係豐源國民學校,不過隨住時間流逝,日久失修,最終喺2012年改建成而家嘅模樣。

@yuihanwang

藍白色嘅校舍遠睇就好似波浪咁,畀人一種海灘渡假嘅感覺,加上校舍門外一大片綠油油嘅草地,瞓上去真係唔似身處喺一間小學入面,難怪成為台東打卡熱點。不過,自從越嚟越多遊客參觀,對學校設施造成破壞之後,豐源國小決定唔再對外開放,所以而家只可以喺學校門外欣賞,不過可以親眼睇到咁靚嘅校舍,影張相都抵返哂啦!

 

豐源國小
地址:台東縣台東市中華路四段392號(顯示地圖
交通:可以搭鼎東客運8131或者8136到豐源站,再行約3分鐘就到

 

📖延伸閱讀:【台北天氣不似預期】落雨有咩好怕?四大台北室內景點推薦 (台北當代藝術館、寶藏巖國際藝術村)

 

台東自由行攻略|建議遊玩路線

台東景點比較分散,想以有限時間玩哂成個台東,可以集中咁分成3日去玩:山線海線台東市內遊。小編建議一日安排兩個景點左右已經相當足夠,一嚟台東地大物博,一個景點已經足夠玩半日時間,二嚟預返時間搭車。台東係一個適合慢活嘅地方,唔需要將行程安排到密密麻麻太chur~

 

台東自由行攻略|建議遊玩路線|山線

鹿野高台▶伯朗大道

台東山線係沿住台9線花東縱谷公路一路向北玩落去,途經鹿野高台可以玩半日,之後再出發去池上,踩單車去伯朗大道感受鄉間風情!

 

台東自由行攻略|建議遊玩路線|海線

三仙台▶多良車站

而台東海線就係沿住海岸線欣賞浩瀚嘅太平洋,去三仙台沿路會有幾個小景點,例如金樽、可以停一停低,從唔同角度欣賞台東完美嘅海岸線。

喺金樽一樣可以望到大海,雖然唔夠三仙台嘅景色咁壯觀,但都值得停低欣賞一下!

 

台東自由行攻略|建議遊玩路線|台東市內遊

台東森林公園、台東海濱公園▶鐵花村▶台東觀光夜市

 

小編建議晏就時間可以去咗台東森林公園同埋台東海濱公園,踩下單車、睇埋個日落,之後夜晚出發去鐵花村,行下市集聽下歌,最後去台東觀光夜市醫肚!

 

台東自由行攻略|台東住宿推介 | 兜風名澍

小編特別推薦呢間民宿畀大家,由台東火車站搭車去兜風名澍,大概需要10分鐘車程,民宿環境清靜,裝潢都好有家嘅感覺!最特別之處係民宿入面所有插畫都係由老闆娘個女親自設計,而且老闆娘非常鍾意花,喺民宿入面種咗好多玫瑰花,由門口已經可以聞到陣陣花香!

客房整潔又夠大,住落非常舒服。呢度有分二人房同四人房,最緊要係價錢唔貴,性價比好高!不過小編推薦嘅原因,係民宿老闆娘好客又熱情,會主動同住客分享佢嘅故事同推薦台東好玩嘅地方,就算冇plan行程都唔洗怕啦!

 

兜風名澍
地址:台東市中興路三段275巷45弄1號(顯示地圖
星級 | ★★★☆☆
位置 | ★★★☆☆
設施 | ★★★★☆
環境 | ★★★★☆
價格 | 查看價格

 

台東自由行攻略|台東住宿推介 | 台東桂田喜來登酒店

台東桂田喜來登酒店1@Facebook

喜來登向來都係國際知名酒店,所以質素一定有保證。呢間喜來登位於台東市中心,利用仿木條同水泥牆將豪華嘅氣息收藏,保持住台東簡單純樸嘅風貌。

@akolion0830

酒店大堂都係以啡白色做主色,配合埋柔和嘅淡黃燈光,令到成間酒店睇落非常高貴,加上反光地板,更增添乾淨企理嘅感覺。另外,酒店亦都非常注重文藝感覺,喺酒店唔同角落都放置咗藝術品,仲有個書架收藏咗唔同類型嘅書,想睇書做文青完全冇難度啊!

@Facebook

酒店房方面配合返酒店主題,空間感十足之餘,又充滿簡樸氣質,喺平凡之中帶點不平凡!

 

台東桂田喜來登酒店
地址:台東市正氣路316號 (顯示地圖)
星級 | ★★★★☆  
位置 | ★★★★☆  
設施 | ★★★★☆  
環境 | ★★★☆☆
價格 | 查看價格

 

台東自由行攻略|台東住宿推介 | THE GAYA HOTEL 渡假酒店

@Facebook

The Gaya Hotel 走嘅風格由佢個logo就睇得出,就係個「潮」字喇!logo總共由4個英文字母併湊而成,寓意將飲食、音樂、文學、原民生活、美學四大元素融入酒店,等住客可以感受到最地道嘅台東文化,同時配合引領渡假體驗嘅宗旨。

@The Gaya Hotel Facebook

明亮嘅酒店房再加寬闊十足嘅空間同樓底,三者互相輝映,空間感提升。加上深藍色嘅梳化,最啱同三五知己坐喺沙發傾吓計、睇吓電視。

@zhuya_8361

呢間酒店出色仲有一個非常靚嘅天台泳池,可以望到成個台東城景,吸引咗唔少人去打卡暢泳!

 

THE GAYA HOTEL 渡假酒店
地址:台東縣台東市新生路169號 (顯示地圖)
星級 | ★★★★☆  
位置 | ★★★★☆  
設施 | ★★★★★  
環境 | ★★★★☆
價格 | 查看價格

 

 

Hotels.com酒店優惠