定期送上世界各地最新、最地道嘅旅遊資訊!

【台北自由行】仲睇旅遊書?當地人話你知—最hit台北新景點 2018!

台北成日有平機票,相信唔少香港人年中都會飛返幾轉台北,台北可以話係一個最適合快閃旅行嘅地方。可能你已經去台北去到悶悶地,各個夜市、西門町、九份、十分等等嘅經典旅遊景點已經去過好多次,今次就等小編就為你推薦2018最新台北新景點,令你對台北重拾新鮮感!

 

台北自由行|台北新景點 2018|星巴克淡水雲門門市

圖像中可能有1 人、樹、植物、天空、戶外和大自然
@星巴克咖啡星聞

去過台北嘅朋友都必定去過淡水漁人碼頭、情人橋,最近淡水又有新打卡景點開幕!以玻璃屋作為設計概念嘅Starbucks喺今年3月29日正式開幕,由於呢間Starbucks位處郊區,四處都綠油油一片,配上三角尖頂嘅玻璃屋設計,散發住一陣小清新嘅感覺,難怪一開幕就成為台北IG打卡新景點,下次再去淡水,不妨去下呢個新景點啦!


@hsu_chiahsun

飲完杯咖啡,可以去隔離嘅雲門劇場,呢度可以欣賞到觀音山同淡水河出海口,係觀賞日落嘅好地方!


星巴克淡水雲門門市
地址:新北市淡水區中正路一段6巷32-1號A4棟 (顯示地圖)
交通:捷運淡水站 2 號出口乘坐836公車或紅26公車
營業時間:星期一至四及日 — 10:00 – 18:00、星期五及六 — 10:00 – 19:30

 

 

台北自由行|台北新景點 2018|青蛙石天空步道

圖像中可能有植物、樹、戶外、大自然和水@HotTravel 哈旅遊

青蛙石天空步道係新竹新景點,最適合鍾意呼吸新鮮空氣、欣賞大自然景觀嘅人!呢個天空步道距離台北市中心大約1個鐘車程,今年3月底先正式啟用。成條步道都依岩壁而建,沿路走仲可以睇到有40公尺高嘅那羅溪落瀑布,夏天時分瀑布水呈湖水藍色,非常夢幻!另外,步道嘅盡頭係一個透明觀景台,懼高嘅朋友要注意喇!

 

青蛙石天空步道
地址:新竹縣尖石鄉錦屏道路 (顯示地圖)
交通:乘坐新竹客運,於青蛙石站下車即可抵達
開放時間:09:00 – 16:00 (星期一停止開放)

 

台北自由行|台北新景點 2018|大稻埕碼頭貨櫃市集

圖像中可能有夜晚和戶外@Facebook

如果大路嘅台北夜市已經行到悶悶到,不妨去下位於大同區嘅大稻埕碼頭貨櫃夜市。呢個夜市喺今年4月1號先岩岩開幕,夜市內有一個個由貨櫃組成嘅美食攤擋,而且夜市又對住河岸景色,夜晚喺霓虹燈襯托底下,充滿異國風情!


@aasta_share

夜市內除咗各式各樣嘅美食之外,仲會不定時有live music,嘆住杯酒、聽下音樂再欣賞美景,真係勁chill!

大稻埕碼頭貨櫃市集
地址:台北市大同區民生西路底 (顯示地圖)
交通:於捷運雙連站下車,再乘搭公車紅33至迪化街或於捷運北門站下車,步行約15分鐘
營業時間:星期一至五 — 15:00 – 22:00,星期六、日 — 11:00 – 22:00

 

📖延伸閱讀:【米芝蓮追星地圖】台北米芝蓮星級餐廳潮聖攻略2018

 

台北自由行|台北新景點 2018|有梗冰菓室

圖像中可能有樹、住所、植物和戶外@Facebook

炎炎夏日緊係要食返碗冰嚟消暑啦!呢間有梗冰菓室,顧名思義,就當然唔係一間普通嘅賣冰店啦!場內分為四個區域:冷笑話日曆牆、冰棒占卜牆、美照角落同埋呷冰撩妹區,每個區都有唔同嘅概念,就好似冷笑話日曆牆有多張「冷笑話日曆」可以比你撕走,店家希望喺日常生活中為大家帶嚟趣味同歡樂。

 

你亦可以去冰棒占卜牆解開心入面嘅疑難,只要心入面諗住條問題再按一下牆上嘅占卜制,牆上嘅雪條就會比啲指引你去解開心入面嘅煩惱!

 

有梗冰菓室
地址:台北市敦化南路一段185號 (顯示地圖)
交通:於忠孝敦化站下車再步行約4分鐘
營業時間:12:00 – 21:00 (逢星期一休息)

 

台北自由行|台北新景點 2018|新富町文化市場

圖像中可能有天空和戶外@Facebook

新富町文化市場係一棟超過100年歷史嘅古蹟建築,十年人事幾番新,隨住時代變遷,周遭環境建築已經轉換過無數次,而新富町文化市場仍然屹立不倒,喺現代化嘅台北街角散發住陣陣復古味道。呢度前身係「新富町食料品小賣市場」,經過翻新之後,成為一個藝術文娛場地。入面有常設展覽、咖啡室等等,花小小時間遊走喺古舊建築中,感受昔日時光,都係幾特別嘅感受嚟!

沒有自動替代文字。@Facebook

入面好多地方都好適合影相,文青必去!

 

新富町文化市場
地址:台北市萬華區三水街70號 (顯示地圖)
交通:於龍山寺站下車,步行約3分鐘
開放時間:10:00 – 18:00 (逢星期一休館)

 

 

台北新景點 2018|台北住宿推薦|HOME HOTEL DA-AN

圖像中可能有室內@Facebook

呢間酒店位於台北市大安區,雖然唔算係台北鬧市區,但夜晚比較清幽,環境舒適。HOME HOTEL DA-AN以「家」為設計概念,想喺旅行途中都可以帶比住客「家」嘅親切、舒適感覺。而且酒店靠近捷運站,由忠孝復興站行過去只需要3分鐘,非常方便。

 

酒店房間以木色為主調,打造居家、自然嘅舒適感。

 

HOTEL DA-AN
地址:台北市大安區復興南路一段219-2號 (顯示地圖)
星級 | ★★★☆☆
位置 | ★★★★☆  
設施 | ★★★☆☆  
環境 | ★★★☆☆      
價格 | 查看價格  

 

 

台北新景點 2018|台北住宿推薦|永安棧

圖像中可能有室內@Facebook

 

永安棧位於西門町捷運站附近,位置方便之餘,西門町可以話係一個不夜之地,無論幾夜都有野食,夜貓一族入住就唔怕夜晚悶或者肚餓啦!永安棧總共有121間客房,酒店雖然位於旺區但空間絕對足夠,唔會令人感覺焗促!

 

永安棧
地址:台北市中華路一段150號 (顯示地圖)
星級 | ★★★★☆
位置 | ★★★★★  
設施 | ★★★☆☆  
環境 | ★★★★☆      
價格 | 查看價格

 

 

 

Hotels.com酒店優惠