定期送上世界各地最新、最地道嘅旅遊資訊!

【去澳洲行山】艾爾斯岩 (烏魯魯Uluru) 玩法行程大解構!

澳洲最具代表性嘅地方一定係有「地球的肚臍」之稱嘅世界文化遺產烏魯魯。烏魯魯其實係一塊底部一圈長達9公里嘅巨大岩石,係全世界最大嘅單一岩石!岩石早在600萬年前就開始形成,原住民視佢為「神石」,並稱之為烏魯魯。直至1873年,為咗紀念艾爾斯爵士,又被命名為艾爾斯岩。烏魯魯位於澳洲紅土中心 – 烏魯魯加他茱達國家公園 (Uluru-Kata Tjuta National Park) 嘅心臟地帶。呢到蘊含豐富嘅澳洲原住民歷史文化,唔單止吸引咗來自世界各地嘅遊客,連當地人亦都會嚟呢度朝聖!

@Flickr

 

 

烏魯魯玩法行程大解構|騎駱駝欣賞烏魯魯日落
@Facebook

騎駱駝可以講得上係烏魯魯必須體驗嘅行程!唔講大家可能唔知,其實喺1930年代之前,世界上最多野生駱駝嘅地方就係喺澳洲!嚟到澳洲嘅沙漠地帶,當然要試下騎駱駝跨越呢片充滿神秘色彩嘅紅土啦!

@Facebook

騎駱駝的行程主要分為2.5小時嘅Sunrise/Sunset Camel Experience,同1.5小時嘅Express Camel Experience。小編覺得難得可以一暏咁宏偉壯觀嘅景色,梗係要配上絕色美景!日出同日落時份,陽光照射令烏魯魯巨岩睇落好似不停咁變色,靚到不得了!所以參加日出或日落團就最值回票價啦!而且騎駱駝行程會有隨團攝影師,以烏魯魯作為背景,捕捉大家騎駱駝嘅英姿!

 

Uluru Camel Tours
地址:Town Square – Ayers Rock Resort
營業時間:星期一至五 09:00-17:00
參考費用:Express Camel Experience $80AUD;Sunrise/Sunset Camel Experience $132AUD
網址:https://www.ulurucameltours.com.au/

 

📖延伸閱讀:【澳洲自由行】Top 5 澳洲跳傘地點連套餐價格懶人包及常見問題

 

烏魯魯玩法行程大解構|徒步穿越風之谷Kata Tjuta The Valley of Winds


@Flickr

除咗有烏魯魯神石,呢到嘅風之谷,正正就係宮崎駿動畫《風之谷》嘅靈感起源地!大家一定唔可以錯過風之谷步道呀!步道全長7.4公里,係加他茱達國家公園最具挑戰性同最值得行嘅叢林步道。

@Flickr

風之谷係由36塊巨石組成嘅岩巨陣,沿途可以睇到神奇穹頂巨石、穿越峽谷小道、經過紅色懸崖,仲有機會見到好多風之谷特有奇異植物同野生袋鼠㗎!由於沿路都比較崎嶇,而且行嘅時間較長,大家記得要著舒適嘅鞋同帶足夠嘅水呀!

 

📖延伸閱讀:【澳洲自由行】大堡礁潛水自由行攻略連酒店推薦!

 

烏魯魯玩法行程大解構|熱氣球空中飽覽烏魯魯@OutbackBallooning

喺網上或者雜誌睇熱氣球配廣闊美景嘅靚相就睇得多,但有無諗過,其實自己都可以置身於呢個夢幻場景當中,坐係熱氣球上飽覽烏魯魯嘅壯觀景色呢?烏魯魯呢塊全世界最大岩石,就咁喺地面睇,都已經夠哂震撼!係空中俯瞰就更加震攝人心!

@OutbackBallooning

熱氣球旅程都係清晨時分開始,等大家可以欣賞到烏魯魯嘅日出!喺熱氣球上睇日出呢啲經驗,人生幾何?置身於高掛天空上嘅熱氣球,向下望係無盡嘅紅土、崎嶇延綿嘅山脈同世界奇石!向上望係不停變化,廣闊無際嘅天空!而太陽係水平線上慢慢浮現!360度全方位都係絕景,絕對係令人畢生難忘嘅體驗!

 

Outback Ballooning
參考費用:
30分鐘熱氣球體驗 成人$295,小童(16歲以下) $242;
60分鐘熱氣球體驗 成人$390,小童(16歲以下) $318 (*需網上預約)
網址:http://www.outbackballooning.com.au/

 

📖延伸閱讀:【藍山一日遊】悉尼藍山國家公園自駕行程攻略 2018

 

烏魯魯酒店推介|沙漠公園酒店沙漠公園酒店, 尤拉臘, 酒店正面

沙漠公園酒店無論係去機場定係烏魯魯都好近,步行5分鐘左右就到達附近小鎮,係沙漠地帶中,呢間酒店嘅地理位置算係非常方便!而且酒店有24小時免費機場接駁車,方便旅客係任何時間入住。

沙漠公園酒店, 尤拉臘, 客房

酒店設施完善,有游泳池同SPA!房間露台就已經可以睇到烏魯魯景色,夜晚仲可以欣賞無盡星空!

 

沙漠公園酒店
地址:AUS尤拉臘Yulara Drive (顯示地圖)
星級 | ★★★★☆  
位置 | ★★★★☆  
設施 | ★★★☆☆  
環境 | ★★★☆☆  
價格 | 查看價格  

 

📖延伸閱讀:【黃金海岸自由行】澳洲黃金海岸美食、行程、住宿全攻略!

 

烏魯魯酒店推介|沙漠揚帆酒店普爾曼酒店集團成員, 沙漠揚帆酒店, 尤拉臘

想令整個旅程更加完美,就一定要入住沙漠揚帆酒店!位於沙漠嘅5星級酒店,比你喺荒野地方都可以有豪華體驗!

普爾曼酒店集團成員, 沙漠揚帆酒店, 尤拉臘, 外觀

酒店唔單止有優質嘅服務同高級設施,呢到嘅設計靈感源自澳洲原住民文化,無論係酒店大堂定房間都充滿原住民藝術品!大家仲可以去酒店內嘅Mulgara Gallery畫廓了解更多原住民藝術𠻹!

 

沙漠揚帆酒店
地址:AUS尤拉臘Yulara Drive (顯示地圖)
星級 | ★★★★★  
位置 | ★★★★☆  
設施 | ★★★★☆  
環境 | ★★★★☆  
價格 | 查看價格  

 

 

Hotels.com酒店優惠