定期送上世界各地最新、最地道嘅旅遊資訊!

【京都自由行】春日京都和服攝影,秘密景點大公開!(連京都櫻花必買手信)

有千年歷史嘅京都,保存咁好多傳統文化,無論係外國定係本地遊客都會比京都嘅風情萬千深深吸引住。以櫻花作為襯托,換上一套和服喺京都遊走,就好似坐咗時光機生活喺古代嘅京都一樣。俗語話美人配美景,如果加埋美相就更完美啦。今次小編整理咗幾個京都秘密攝影景點、和服租借同攝影攻略,等你哋唔使做功課都可以影到靚相,有個圓滿嘅京都自由行!

 

京都自由行 | 和服攝影秘密景點 | 石塀小路


@koichi1717

石塀小路位於東山區,係一條由石磚所鋪成嘅小路,係大正時期初期就已經存在。作為一個懷古巷道,有好多電影都喺呢度取景㗎。呢度離觀光勝地清水寺只有大約十分鐘嘅步程,但比起清水寺的熱,石塀小路多咗份古早風情同寧靜。小路兩旁以傳統房屋作為外牆,喺呢條寬度大約得五個人嘅巷度影相,一定影到獨有嘅日式懷古滋味!思古幽情外,路面兩邊嘅房屋、巷道同屋頂營造出幾何線條,令你嘅相構圖上加添一份藝術感!

@dorothytheater

以簡約咖啡嘅牆、淺灰色調嘅路面作為背景,可以襯托出和服嘅秀麗多彩同女性嘅娥娜多姿。置身於好似電影場景嘅小巷,比你輕易影到呢度獨有嘅日式懷古風情!


@Flickr
 
石塀小路嘅復古風華令人置身於古代京都,令人靜落黎體會呢份寧靜。

 

(最後要特別注意嘅係,傳聞當地居民抗議,日後可能要事先申請先至可以喺石塀小路進行拍攝。不過目前針對遊客拍攝仲未有強制嘅規定,提醒大家去嘅時間記得保持安靜,盡量唔好騷擾到當地居民!)

 

石塀小路
地址:京都府京都市東山區下河原町463-14顯示地圖
交通:於阪急電車「河原町站」出站後,向東走約15分鐘

 

京都自由行| 和服攝影秘密景點 | 南禪寺水路閣


@nkzt371144

南禪寺入面嘅水路閣較少遊客知道,是座興建於日本明治時代,有一百幾年歷史嘅拱橋水路閣係參考古代羅馬時期嘅水道橋興建而成嘅,作為一個紅磚砌成嘅古老歐風拱橋,被列為京都市文化財橙,同南禪寺嘅其他部分格調相當唔同,係寺廟內嘅打卡景點,著住和服嘅你更加唔可以錯過!

@katsuragi_07

同充滿懷舊風情嘅歐風拱橋影相,除咗有異國風情之外,仲可以令到你嘅相增添時代感,唔使用filter都有復古效果!


@o_tupo

呢度雖然滄桑悠久,但影出嚟嘅相都可以好有趣!拱橋特別嘅線條,製造出嘅獨特空間感,搭配鮮豔嘅和服同唔同嘅拍攝手法,可以影出無限可能。

 

南禪寺
地址:京都府京都市左京區南禪寺福地町顯示地圖
交通:京都車站乘搭5號巴士至「南禪寺‧永觀堂道站; 搭乘地鐵東西線至「蹴上站」,步行10分鐘可到達。

 

👉即刻Click入嚟睇下Top 10 京都酒店住宿優惠!

 

京都自由行| 和服攝影秘密景點 | 祇園

@Flickr

祇園位於京都繁華區,以「花街」聞名,呢度係舞妓活動嘅範圍,見到佢哋記得同佢哋影返張相呀!

 

祇園雖然稱唔上係鮮為人知嘅景點,但絕對能夠影到靚和服相嘅攝影秘境!祇園位於京都繁華區,以「花街」聞名,充滿茶屋、料亭等日式傳統建築。喺呢度影和服相,有好大機會可以巧遇舞妓或者藝妓,而呢度都係電影藝伎回憶錄拍攝景點之一!喺祇園,只要穿住和服,無論企喺邊條小巷或店面前影相,都可以即刻有好濃嘅日本味,有一輯充滿和風味嘅相!

@Flickr

喺呢度影和服相唔需要太多技巧,無論揀任何一座建築物或者地方影相,都可以影出傳統日本風情!適合唔擅於影相,又想影到靚相呃like嘅朋友!

 

祇園
地址京都府京都市東山區祇園町顯示地圖
交通由京阪電氣鐵道京阪本線「祇園四條」站走路約5分鐘即可抵達; 在JR「京都」站轉搭市公車206號,在「祇園」站下車,走路約1分鐘即可抵達。

 

京都自由行 | 和服租借常見問題Q&A

1. 租和服前需要自己準備啲咩?
輕便裝去就可以,和服嘅必需品通常都包含喺租借方案入面。而髮飾多數係另外租借。

2. 可唔可以做髮型設計?
大部分可以,但髮型設計同化妝服務有啲會包埋,有啲就屬於加選項目。有啲舖係採用預約制,建議大家事前去佢嘅網站check清楚收費!

3. 使唔使收著裝費?
大部分嘅著裝服務都包喺個套餐入面嘅。
4. 遲咗還和服係咪要罰錢?
過咗和服歸還嘅時間,間舖通常會額外收大約1000-2000日圓遲還嘅費用。

 

揀和服Tips:
想揀到靚靚嘅和服影相,揀和服嘅時候要注意以下幾件事:
1. 和服花紋:記得考慮季節,盡量揀當季嘅植物或動物花紋,咁先容易融入周邊環境。例如春季花紋通常會揀比較華麗活潑嘅牡丹、水紋、蝴蝶等圖案。
2. 腰帶顏色:揀腰帶要同和服底色「撞色」或者「呼應」嘅顏色,咁先會提高整體協調性。
3. 上網預約: 租借和服記得提前網上預約,愈早到和服同配件款式多數有多啲選擇!

 

京都自由行 | 京都櫻花必買伴手禮 | 京菓匠鶴屋吉信櫻花和菓子(春季限定)

喺日本旅遊一定唔少得買啲可愛嘅零食禮盒作為手信。京都嘅老店京菓匠鶴屋吉信擅長以和菓子表現四季嘅特色,春季限定嘅和菓子以櫻花為主題,推出一系列有小豆等做餡、含有水份而且軟冧冧嘅櫻花造型點心,淨係望到佢哋精巧細緻嘅外表就足以讓人融化。除咗季節限定外,亦都有京都地區限定版本,帶返香港做手信朋友家人都一定好鐘意!


櫻花羊羹(花はらり) / 1,188円


櫻花銅鑼燒 (花のつばらつばら) / 184円 (京都地區限定)             

 

京菓匠鶴屋吉信
地址:京都市上京区今出川通堀川西入2F
營業時間:9:30-17:30 (周三定休, 若遇假日則營業)
網址:http://www.turuya.co.jp/index.html

 

京都自由行住宿推薦 | 京都祇園賽萊斯廷酒店

京都祇園賽萊斯廷酒店, 京都, 豪華雙床房 (Celestine Yasaka), 客房
房間設計行質感設計風,裝修優雅現代,而且設備服務相當完善細膩,令你有賓至如歸嘅感覺!

 

京都祇園賽萊斯廷酒店係2017年底先喺京都開業,目前大受好評。酒店位置好好,離祗園、清水寺等必去景點都只需要行十分鐘,瞓晏咗都唔驚去唔到。酒店整體同房間嘅裝修都係行質感設計風,配上細膩嘅服務同完善設施,一定令你一住就愛上!
京都祇園賽萊斯廷酒店, 京都, Spa
酒店設施完善,服務細膩。有日式大浴場、米芝蓮等級早餐、Spa服務同每半小時一班嘅車站接駁巴士。

 

京都祇園賽萊斯廷酒店
地址:572 Komatsucho, Higashiyama-ku, 京都 (顯示地圖)
星級 | ★★★★☆
位置 | ★★★★★  
設施 | ★★★★☆  
環境 | ★★★★☆  
價格 | 查看價格  

 

Hotels.com酒店優惠