定期送上世界各地最新、最地道嘅旅遊資訊!

【上海酒吧推薦】遊走於上海弄堂間—六大上海新天地、田子坊潮聖打卡點!

上海新天地、田子坊都係初遊上海必到嘅地方!新天地嘅復古、田子坊嘅文藝,總令人目不暇給!小篇今次帶大家遊走新天地同田子坊嘅老上海弄堂間,搵出最潮打卡點,感受下上海嘅新與舊!

 

 

老上海弄堂間 | 上海新天地

@Flickr

上海新天地,以石庫門弄堂建築為基礎改建(石庫門建築係舊上海獨有嘅建築風格,依家係上海文化嘅象徵),外表保留咗石庫門原有屋簷,內部就改造成餐廳、咖啡店、酒吧等,揉合咗傳統風貌同現代生活文化嘅旅遊點。

 

上海新天地

交通:地鐵10號線至新天地站

 

上海新天地 | 網紅雪糕店 – Pree


@khayy_posh


@yoonjung_nyc

如果你係雪糕愛好者,呢間位於新天地石庫門弄堂中嘅Pree絕對會滿足到你!裝修以黑白色系為主,再加少許金屬風同落地大玻璃,感覺時尚得嚟仲好啱影相打卡添!


@chubbytraveller 皇家玫瑰荔枝 ¥68/份;黑松露 ¥88/份

Pree提供多種唔同口味嘅雪糕,亦自創一啲特別嘅味道,有甜、咸、酸、辣、酒味等風味,品質好高,一直都大獲好評,絕對值得一試!

 

Pree

地址:海市新天地太倉路181弄15號 (顯示地圖)
營業時間:11:00 – 23:00

 

上海新天地 | 上海酒吧 Green & Safe the BARN


@mrguo117

Green & Safe the BARN新天地概念店裝修風格結合咗歐洲農舍倉庫同工業風!空間一分為二,The Barn主要係提供有機食材,而The Bunker就係以戰時防空洞做靈感嘅酒吧。


@junnnnns


@naloyfit

呢度將市集、餐廳同酒吧完美結合,可以買到新鮮有機食材,仲可以同三五知己去埋點餐區食好西飲靚酒,呢度可以話係foodie嘅美食遊樂場。下次去新天地記得唔好錯過呢度喇!

 

Green & Safe the BARN

地址:上海市黄埔區太倉路181弄22號 (顯示地圖)
營業時間:11:00 – 02:00

 

老上海弄堂間 | 上海田子坊

@tamchungman

田子坊同樣以弄堂建築為基礎,改建之後,搖身一變成為時尚創意產業聚集區。田子坊內有酒吧、畫廊、創意小店等。係建築同文化上,中西潮流混合出一種獨特嘅風貌。

 

上海田子坊

交通:坐地鐵九號線至打浦橋站1號出口

上海田子坊 | 猫奴必到|王子殿下卷耳猫咖啡店


@vlv88vlv

擁有中式老上海風貌嘅田子坊,四圍都係文藝創意小店,文青一定唔會錯過。而飲食方面,呢度有一間店叫王子殿下卷耳猫咖啡店,養咗11隻美國卷耳猫,呢種猫猫特別粘人,隨時搞到你心都溶埋呀!

 

王子殿下卷耳猫咖啡店

地址:上海泰康路248弄田子坊10號(近瑞金二路) (顯示地圖)
營業時間:09:00 – 22:30

 

上海田子坊 | 上海酒吧推薦 |  Kommune 公社咖啡


@chippernelly

公社咖啡呢個名係田子坊裡面可謂響噹噹。除了有室內座位之外,店外四合院位置仲有好多室外座位。裝修充滿文藝氣息,用上搪瓷杯同七八十年代風嘅餐具,開業咁多年一直都吸引好多遊客。


@e.l.k.e.h

呢度仲有酒精飲品同水煙提供,如果夜晚到訪田子坊,不妨嚟呢度同朋友把酒談天食個水煙,都咪話唔chill!

 

Kommune 公社咖啡

地址:海泰康路210弄田子坊7號四合院 (顯示地圖)
營業時間:08:00 – 00:00

 

海boutique酒店推 | 上海新天地安達仕酒店

上海新天地安達仕酒店, 上海市

講到係新天地附近嘅精品酒店,就不得不提上海新天地安達仕酒店!呢間酒店係Hyatt Hotel Group旗下嘅精品酒店,無論酒店外觀或內部裝修都係走現代時尚風。

上海新天地安達仕酒店, 上海市, 安達仕雙床房, 客房

仲有24小時開放嘅gym room,有LED燈光設備嘅泳池,超型!地點極佳,近地鐵站、商場同新天地。小篇住過一次表示下次去上海想再住多次!

 

上海新天地安達仕酒店

地址:中國上海市嵩山路88號 (顯示地圖)
星級 | ★★★★☆  
位置 | ★★★★★
設施 | ★★★★★  
環境 | ★★★★★
價格 | 查看價格

 

Hotels.com 酒店優惠