定期送上世界各地最新、最地道嘅旅遊資訊!

【韓國汗蒸幕推薦】三大必試首爾汗蒸幕推薦!

去到韓國,行街行到咁攰,緊係要去relax嚇啦!今次就等小編同大家介紹三大韓國首爾必試汗蒸幕,帶大家蒸下

 

首爾汗蒸幕推薦|明洞天地然火汗蒸幕


@salaam_japan

呢間汗蒸幕位於明洞,交通好方便。喺明洞行街行到攰,去呢到好好休息下啱啱好喇!明洞天地然火汗蒸幕主打日本遊客,所以入面好乾淨㗎,呢度仲係韓國觀光公社指定嘅優秀美容場所,絕對係信心嘅保證!


@ storyoftravelgirl

明洞天地然火汗蒸幕同其他汗蒸幕唔同嘅地方就係,呢度會有阿珠媽一路跟住你同帶你去唔同嘅房間進行療程,好似黃土蒸熏房,桑拿室等等。桑拿完之後,阿珠媽就會指示你去沖涼,沖完涼就到明洞天地然火汗蒸幕嘅重頭戲-擦身啦!沖完涼之後,阿珠媽會幫你擦身,將你身上面嘅老泥全部擦出嚟!就連手指、腳趾、腋下都唔放過!睇返自己啲「老泥嘅時候,就會覺得自己好似成世都冇好好咁沖過涼,皮膚仲會即刻白咗同滑咗好多!大家嚟到明洞記得要試下!

 

明洞天地然火汗蒸幕

地址:11-1 Chungmuro 2(i)-ga, Jung-gu, Seoul, South Korea ( 顯示地圖 ) 開放時間:09:00 AM – 01:00

 

👉🏩 即刻Click入嚟睇下2018 Top 10明洞酒店推介及優惠!

 

 

首爾汗蒸幕推薦|LK SPA汗蒸幕


@veltra.com

LK SPA汗蒸幕 位於首爾市中心地帶,好近明洞同東大門商圈,交通都好方便。LK SPA汗蒸幕 有兩層,比起其他明洞嘅汗蒸幕大好多。LK SPA汗蒸幕 集結汗蒸、SPA同溫泉於一身,一次過滿足你三個願望!


@veltra.com

LK SPA汗蒸幕 提供三種唔同療效嘅汗蒸幕,由麥飯石(50度)、黃土(70度)、火汗蒸幕(100度)都有,浴池就有人參、茉莉、紅酒等等嘅種類,每個都唔同嘅功效,啱哂唔同人嘅需要!

 

LK SPA汗蒸幕

地址:9 Samil-daero 4-gil, Myeong-dong, Jung-gu, Seoul, South Korea ( 顯示地圖 ) 開放時間:09:00 – 22:00

 

首爾汗蒸幕推薦|梨泰院LAND汗蒸幕


@junkowww

如果想體驗最地道嘅汗蒸幕,咁就要去梨泰院LAND汗蒸幕啦!梨泰院LAND汗蒸幕擁有韓國國內最大規模嘅「傳統松樹火龍浴」,密封嘅石屋入面,點著松樹木材,再加上無毒性嘅天然黃土,透過高溫同自然遠紅外線,去促進血液循環。除咗可以改善關節炎、慢性支氣管炎等症狀,仲可以養顏美容,一舉三得!再用埋由地下300米抽出嚟嘅「清淨岩盤水」沖涼,一熱一凍,皮膚一定更加緊緻!

 

梨泰院LAND汗蒸幕

地址:34 Usadan-ro 14-gil, Hannam-dong, Yongsan-gu, Seoul, South Korea ( 顯示地圖 ) 開放時間:24小時營業

 

汗蒸幕常見問題Q&A

1.汗蒸幕點俾錢?
俾完入場費之後,櫃檯通常會俾一個感應手環/鑰匙你,當你汗蒸幕內有任何消費,就用個感應手環/鑰匙去做記錄。離開嘅時候,職員就會幫你再計錢。咁樣就唔洗帶住咁多錢入去汗蒸幕喇。

 

2.行李同貴重物品可以放邊度?
好多汗蒸幕都係24小時營業,所以有好多旅客會揀喺汗蒸幕度住返晚。大部分汗蒸幕都有大型locker俾客人擺放行李,所以大家就唔好將行李同貴重物品帶入汗蒸房入面喇!

 

3.男女可唔以一齊使用汗蒸幕?
澡堂基本上都係男女分開,不過沖完就可以一起聚係大廳休息啦!

 

4.可唔可以著自己嘅衫入去汗蒸房?
大部分汗蒸幕都會提供衣物俾客人,係唔可以著自己嘅衫入去㗎。而且淋浴同泡湯嘅區域都要全裸,所以大家就唔好咁怕羞喇!

 

 

首爾自由行住宿推薦|宜必思明洞首爾大使酒店

宜必思明洞首爾大使酒店, 首爾, 普通套房, 客房

宜必思明洞首爾大使酒店位於明洞,酒店門口就係機場巴士車站,附近亦有地鐵站,交通好方便!另外,行唔洗一分鐘就到明洞商店街,啱哂日夜都要shopping嘅你!

 

宜必思明洞首爾大使酒店

地址:KOR首爾78, Namdaemun-ro, Jung-gu ( 顯示地圖 )
星級| ★★★★☆
位置| ★★★★☆
設施| ★★★☆☆
環境| ★★★★☆
價格| 查看價格




 

 

Hotels.com酒店優惠