定期送上世界各地最新、最地道嘅旅遊資訊!

【首爾米芝蓮2019】實測五大首爾米芝蓮餐廳食物水準!首爾美食餐廳推薦逐個數!

小編遠赴韓國首爾實試2018五大首爾米芝蓮餐廳推薦,將最正嘅首爾美食推薦比大家!仲教埋你用至抵價錢book酒店,即刻上Blogshotels.com睇啦!

 

 

📖延伸閱讀:【獨遊首爾】首爾一個人吃飯冇有怕!獨樂樂首爾餐廳推薦!
📖延伸閱讀:【坐首爾凌晨機】仲喺仁川機場過夜?Top 10 仁川機場酒店大評比!

 

首爾米芝蓮2018 | 首爾米芝蓮餐廳推介|Jungsik | 米芝蓮 ★★


@Flickr

第一間要同大家介紹嘅餐廳就係榮獲米芝蓮二星嘅-Jungsik 정식당 서울Jungsik喺2009年開業位於首爾江南區嘅狎鷗亭。餐廳早於2014年獲得亞洲50最佳餐廳嘅第20名,而2011年進軍紐約嘅分店亦於同年獲得米芝蓮二星嘅殊榮。到咗今年,首爾嘅總店亦獲得米芝蓮二星。短短幾年,兩間分店都可以一齊摘星,可想而之呢間餐廳嘅實力非同小可!

@Flickr
餐廳嘅裝修好簡潔,米白色嘅傢俬、淺灰色嘅牆身加上落地玻璃窗引入嘅自然光,令到成個用餐環境好舒服,好relax。

 

Jungsik主打新派韓菜,佢哋擅長用好多簡單嘅食物,去襯托主食材,提升每道菜嘅口感同層次。而且每上一道菜,餐廳嘅工作人員都會簡單咁介紹一下,令到食客對食物更加了解。加上每道菜嘅擺盤都好靚,碟碟都好似藝術品一樣,色香味俱全呀!

 

編輯親試:五道菜Set Lunch @70,000Won (約港幣$530)
奉上頭盤前嘅Tasting一口飯團,用韓國紫菜包住,充滿咸香嘅鮮味!

牛肉他他選用本地韓牛,加上秘製辣油,配合薄身嘅撻底,每一啖都好有層次!

牛肉湯飯加入咗煙燻過嘅三種本地菇菌,
配合牛肉清湯同白飯,清淡得嚟充滿牛香!

銀鱈魚煎得啱啱好!再用自家醃物墊底,入口清新,魚肉好滑溜!

羊肉雖然睇落冇乜特別,但其實用咗豆醬嚟醃,加埋後面嘅芥末
泥,味道好特別!

最後呢度濟州爺爺造型嘅甜品可以話係必選!入面係好多個layer嘅綠茶慕絲,配上自家製雪糕,清新好味!

 

Jungsik ★★
地址: 首爾特别市江南區清潭洞 83-24 (서울특별시강남구청담동 83-24)(顯示地圖)
電話: (+82) 2-517-4654
營業時間:12:00-15:00 (最後落單時間14:00);17:30-22:30 (最後落單時間21:00)
網址: http://www.jungsik.kr/

 

📖延伸閱讀:【首爾自由行】編輯親試!五大傳統首爾韓屋入住報告連注意事項
📖延伸閱讀:【首爾近郊一日遊】快閃首爾郊區!春川景點懶人包 (蕎麥麵體驗館、鐵路自行車)
📖延伸閱讀:【首爾落雪】一家大細必遊—首爾親子景點懶人包連小法國村交通攻略 (附首爾親子餐廳推薦)

 

首爾米芝蓮2018 | 首爾米芝蓮餐廳推介|KwonSookSoo | 米芝蓮 ★★


@soultossol

第二間要同大家介紹嘅餐廳就係位於江南新沙洞嘅KwonSookSooKwonSookSoo主打傳統韓菜,除咗餐廳食物嘅做法係跟足傳統之外,就連個飲食文化都一樣保留住。主廚為咗要將傳統韓食文化保留,就韓國兩班貴族嘅飲食方式融入餐廳。因為古時嘅貴族會將小木凳當做枱嚟擺放食物,所以喺餐廳入面,每張枱都會放咗一張小型長方形木凳,用嚟擺放食客嘅食物。當你食野嘅時候就一定要挺直腰骨,已表示你對食物嘅尊重同對傳統文化嘅敬意。小編最欣賞就係主廚除咗對食物有追求之外,仲有一個好偉大嘅抱負,就係傳承韓國傳統飲食文化,所以大家嚟到都一定要體驗一下!

 

編輯親試:七道菜Set Dinner @140,000Won (約港幣$1053)

頭盤前嘅韓式傳統小碟,包括松子粥、海鮮餅等,仲奉送韓國米酒一壺!

紫菜魚卷嘅做法複雜,經過多重炸嘅步驟,再配合迷你鬼蟹仔,充滿鮮味!

食完海鮮,侍應就會奉上米酒sorbet清一清個palate,好refreshing!

食緊上一道菜嘅時候侍應會喺旁邊煮呢個雜炊飯,材料有野菜、菇菌、蜆肉等等,加埋醬油生蝦一齊食,好鮮味!

呢個甜品全部都係甘筍,包括甘筍sorbet,甘筍千層餅、自家種植同醃漬嘅迷你甘筍同埋cream cheese薄片等等。侍應話原來大廚擁有自家農場,所以好多食材都係自己種㗎!

 

KwonSookSoo ★★
地址:首爾特别市江南區新沙洞 643-18 2F (서울특별시강남구신사동 643-18 2F)(顯示地圖)
電話:(+82) 2-542-6268
營業時間:12:00-15:00 (最後落單時間13:30);18:00-22:30 (最後落單時間20:00);星期日休息
網址:http://www.kwonsooksoo.com/

 

📖延伸閱讀:【首爾美食推薦】首爾食乜?編輯私心推—首爾醬油蟹、首爾燒肉及明洞必食餐廳大全
📖延伸閱讀:【首爾購物】四大首爾必行地下街!江南,永登浦,蠶室,高速巴士站!

 

首爾米芝蓮2018 | 首爾米芝蓮餐廳推介|Bicena | 米芝蓮


@Facebook

Bicena係由「光州窟」陶瓷二代當家開嘅現代韓食餐廳。唔單只餐具好講究,仲連係食物方面都一樣唔馬虎!餐廳依家已經搬咗去樂天世界塔嘅87樓,夜晚食仲可以睇到首爾嘅夜景,勁浪漫呀!大家到時記得要預約窗邊嘅座位呀!
編輯親試:五道菜Set Lunch @70,000Won (約港幣$530)
頭盤之一,白豆糕加埋凍食嘅白豆粥,清淡得嚟一啲都唔寡!

炸蝦球個feel有啲似中菜,外面包住嘅櫻花蝦好香口,成件事好夾!

香煎海鱸魚用韓國米酒醃過,配上白豆同山藥,鮮味十足!

蕎麥冷麵係自家鮮製,放入牛腩凍湯、梨片等,好清新,湯入面仲有凍湯冰塊,夏天一流!

小編最愛就係呢個米酒雪糕,清新之餘好有奶香!

 

Bicena ★
地址:Lotte World Tower 81F, 300 Olympic-ro, Songpa-gu, Seoul, South Korea(顯示地圖
營業時間:11:30 – 14:30;18:00 – 22:00

 

📖延伸閱讀:【首爾clubbing篇】首爾夜晚去邊好?江南夜店 vs 弘大夜店大比併!
📖延伸閱讀:【韓國手信2018】韓國超市必買零食手信推介!韓國芝士腸都榜上有名!
📖延伸閱讀:【韓國滑雪自由行】首爾近郊一日遊!2019 大熱首爾滑雪場、韓國滑雪溫泉推薦
📖延伸閱讀:【首爾新景點2018】韓國好去處—帶你玩盡首爾2018新景點!

 

首爾米芝蓮2018 | 首爾米芝蓮餐廳推介|Dooreyoo | 米芝蓮推介


@festival.hansik

Dooreyoo係由韓國名廚柳賢秀主理嘅韓食餐廳。餐廳係以傳統韓屋改建而成,所以喺度食嘢就會覺得好似返咗去古代一樣。
餐廳最大嘅賣點就係主廚會按照一年四季最時令嘅食材去設計餐廳Menu,確保食客可以食到最新鮮最珍貴嘅菜式。另外,餐廳都好注重健康,所以餐廳入邊嘅菜式全部都係無添加,淨係會以醬油、辣椒醬同大醬等等嘅傳統韓式醬料去醃制食物,確保食客可以食到原汁原味嘅韓國料理。

 

編輯親試:十道菜Set Dinner @110,000Won (約港幣$828)     

黑松露片配上山藥、黑芝麻醬,味道口感新穎!

鱆紅魚片配上松茸、魚子等,鮮味十足!

炸魚配上蓮耦、
薑絲,淋上大醬,其實都幾有中菜feel,味道又有d唔同,好特別!

鮮鮑魚片加入秋葵,沾上蟹膏醬,鮮味好有層次!

用紫蘇葉包住豬肉去蒸,配上蟲草花同韓國金菇,味道出奇地夾!

米酒做嘅甜品,甜甜哋酸酸哋充滿米香!

 

Dooreyoo
地址:16-12 Gahoe-dong, Jongno-gu, Seoul, South Korea (顯示地圖
營業時間:11:00 – 15:00;17:00 – 22:30

 

首爾米芝蓮2018 | 首爾米芝蓮餐廳推介|Doughroom by Soigné | 米芝蓮推介


@marset.com

最後一間要為大家介紹嘅餐廳就係Doughroom by Soigné。你間餐廳同上面幾間餐廳最唔同嘅就係Doughroom by Soigné係以韓式食材為原材料,但係就用法國、意大利等等唔同國家嘅烹調方法去煮。另外,餐廳每三個月就會推出新嘅menu,保留食客嘅新鮮感。

@doughroom
餐廳入邊嘅廚房係以開放式設計,俾食客可以係享受美食嘅途中,欣賞廚師嘅烹調食物嘅過程,令到成個用餐過程更加有趣。餐廳入邊嘅意大利麵全部都係每日新鮮製造,同我哋平時食開嘅好唔同,大家嚟到一定要試吓啦!

 

編輯親試:A la Carte @每道菜23,000-38,000Won (約港幣$173-285)

生牛肉他他係春季限定頭盤,加入黑魚子,味道一流!
西班牙伊比利亞豬肋條配上羽衣甘藍、西蘭花、腰果和芥末籽,香口惹味,大推!

 

Doughroom by Soigné
地址:797-20 Bangbaebon-dong, Seocho-gu, Seoul, South Korea (顯示地圖
營業時間:12:00 – 15:00;18:00 – 22:00

 

首爾米芝蓮2018|首爾住宿推薦|首爾皇家酒店

首爾皇家酒店係一間位於熱門旅遊區-明洞。地理位置優越,一出酒店門口就有幾間coffee shop,行多一個街口就會去到明洞購物街同夜市喇,要搵好嘢食同買好嘢容乜易呀!酒店位於明洞,咁唔洗點講,交通都好方便,由酒店行過去地鐵站都只係5分鐘嘅路程!除此之外,酒店有提供免費巴士去首爾站,同埋機場巴士接送!雖然班次唔算好密,不過以免費嘅服務嚟講,真係非常方便!

而酒店嘅房間空間都好大,亦好乾淨,枕頭同床都好舒適,瞓得非常舒服!

首爾皇家酒店
地址:61, Myeongdong-gil, Jung-gu, Seoul, Korea (顯示地圖)
星級 | ★★★★☆  
位置 | ★★★★★  
設施 | ★★★★☆  
環境 | ★★★★☆
價格 | 查看價格

 

首爾米芝蓮2018|首爾住宿推薦|首爾大使鉑爾曼酒店

首爾大使鉑爾曼酒店係一間5星酒店,鄰近東大門。呢間酒店非常大,有成四百幾間酒店房,而且每間酒店房嘅空間都唔細,每間房最少都有三百幾呎幾上,shopping買得太多嘢都唔怕間房冇位擺啦!酒店入面有好全面嘅設施,包括咗泳池、gym room、Spa、Business Centre等。無論係悠閒旅遊,又或者商務旅遊嘅人士都好適合入住呢間酒店!

每日酒店都會有shuttle bus去東大門同埋明洞地區,就算唔坐shuttle bus都可以選擇坐地鐵。另外,仲會有機場巴士去到酒店門口,好方便!

 

首爾大使鉑爾曼酒店
地址:61, Myeongdong-gil, Jung-gu, Seoul, Korea (顯示地圖)
星級 | ★★★★★  
位置 | ★★★★☆  
設施 | ★★★★★  
環境 | ★★★★☆
價格 | 查看價格

 

首爾米芝蓮2018|首爾住宿推薦|首爾皇宮森麻實酒店

成日搵首爾嘅酒店,好多人都會推薦明洞同東大門嘅酒店,基於地點方便行街同搵食!不過,如果想住近啲其他旅遊景點嘅,不妨考慮吓住首爾皇宮森麻實酒店!呢間酒店好近景福宮、昌慶宮、三清洞、清溪川,可以話係旺中帶靜。

另外,酒店房間入面有提供唔少設備,例如房間設有小型廚房,有雪櫃、微波爐、同埋小量嘅餐具同廚具,想自己煮飯仔就啱晒啦!

 

首爾皇宮森麻實酒店
地址:7, Yulgok-ro 2-gil, Jongno-gu, Seoul, Korea (顯示地圖)
星級 | ★★★★☆  
位置 | ★★★★☆  
設施 | ★★★★☆  
環境 | ★★★★☆
價格 | 查看價格

 

📖延伸閱讀:【掃街地圖】冬季最新首爾必食美食排行榜2018
📖延伸閱讀:【首爾夜市特輯】東大門設計廣場、清溪川廣場最新市集連附近住宿推薦
📖延伸閱讀:【韓國聖誕2018】10大首爾聖誕燈飾打卡點率先睇!
📖延伸閱讀:【首爾櫻花遊】首爾慶熙大學賞櫻攻略!(連首爾三清洞、仁寺洞咖啡室推薦)

 

 

Hotels.com酒店優惠