定期送上世界各地最新、最地道嘅旅遊資訊!

【大阪拉麵2019】最新大阪道頓堀、心齋橋拉麵店美食地圖!

去到日本呢個拉麵王國,就緊係要去食拉麵啦!小編嚴選咗必食大阪拉麵2019排行榜,包括大熱嘅心齋橋拉麵,同埋道頓堀拉麵店,帶大家去大阪食好西!

 

📖延伸閱讀:【大阪Outlet攻略2018】日本三大大阪Outlet懶人包(連臨空城Outlet、神戶三田Outlet必買推介)

 

大阪拉麵2019|心齋橋、道頓堀必食拉麵店|Top 7 四天王拉麵


@miloheng

四天王拉麵位於道頓堀一間都幾有名氣嘅大阪拉麵店。四天王呢個名個由來,其實係嚟自於碗中嘅湯底、麵條、叉燒、調味汁呢四種重要嘅元素!


@nikita.foodie

四天王拉麵主要係提供三款拉麵,分別有醬油、味噌同鹽味拉麵。麵條係自家手打嘅,屬於有咬口嘅麵條,配以濃厚嘅豚骨湯底,喜歡重口味嘅人呢度嘅湯底就啱晒喇,拉麵同湯底非常夾,做到掛湯嘅效果,簡直係perfect match呀!而拉麵中嘅精華所在就係個叉燒。叉燒係用上鹿兒島嘅黑豚肉整成,肥瘦比例啱啱好,肉質非常嫩滑,入口即化個隻,同時又唔會感覺好油膩,非常美味,愈食愈想食呀!呢間四天王拉麵係24小時營業㗎,所以幾時想過嚟食都冇問題啦!

 

四天王拉麵
地址:大阪府大阪市中央區道頓堀1-7-25 (顯示地圖)
營業時間:24小時營業

 

大阪拉麵2019|心齋橋、道頓堀必食拉麵店|Top 6 BOKKO志 (ぼっこ志)


@bakkoshi_bokkoshi_bukkoshi

BOKKO志位於大阪,喺難波車站步行5分鐘就會搵到BOKKO志嘅白色招牌,都好易搵。BOKKO志係以全白湯底而出名嘅。白湯底係用咗大量嘅丹波地雞慢火熬煮而成嘅白湯底,簡單嚟講呢度賣嘅係雞白湯拉麵。湯底再用咗柴魚、香油嚟提升湯嘅香味同味道。


@0debu69

BOKKO志所用嘅叉燒,都係以雞胸肉與雞腿肉而製成,完全係一貫咗以雞為中心嘅概念。雞叉燒係連皮去燒過,所以會帶有微微嘅焦香味,非常美味!湯底係好creamy又順滑而濃郁嘅雞湯底,入口有一種濃郁嘅雞香味係口中爆炸嘅感覺,加埋自家製平板手打麵,麵條口感好彈牙,軟硬適中,所有元素配合埋一齊,係一碗非常扎實,將雞嘅美味發揮到整致嘅拉麵。

 

BOKKO志
地址:大阪府大阪市中央區西心齋橋2-6-10 (顯示地圖)
營業時間:11:30–14:30, 18:00–01:00(星期三休息)

 

📖延伸閱讀:【日本拉麵篇】十大日本米芝蓮拉麵推介2018!
📖延伸閱讀:【日本必食】終極嚴選京都、大阪、沖繩、東京必食特集2018!

 

大阪拉麵2019|心齋橋、道頓堀必食拉麵店|Top 5 神座拉麵

神座拉麵1986年喺關西起家,第一間分店賞座落於道頓堀,到而家喺全日本已經有超過40間分店,絕對唔係浪得虛名!神座拉麵最大嘅特色就係佢哋嘅湯底,唔係用普通嘅味噌、豬骨,而係以白菜為主嘅特製湯底!佢哋會用大量嘅白菜同蔬果去熬製,所以口味會比較清爽,唔會過膩同埋過咸,啱哂食得清淡啲嘅朋友。另外,神座拉麵仲會附送兩個細嘅芝麻飯卷,俾客人喺等拉麵嘅時候填下肚,非常細心!

 

神座拉麵
地址:大阪府大阪市中央区道頓堀1丁目7-25 (顯示地圖)
營業時間:星期日至四 11:00 – 22:00 星期五至六 11:00 – 24:00

 

 

大阪拉麵2019|心齋橋、道頓堀必食拉麵店|Top 4 拉麵彌七

@kiki900524

拉麵彌七嘅湯底喺大阪比較少見,佢哋用雞骨熬製湯底,之後再加入煉奶,口感勁滑同埋好濃郁,啖啖都係精華!拉麵係師傅每日新鮮製造,所以非常爽口彈牙。濃郁嘅湯底加埋彈牙嘅拉麵,絕對係拉麵控一定唔可以錯過嘅名店!但係拉麵彌七只係喺平日中午營業,賣到湯底用完就收工,所以想試嘅朋友就要早啲去排隊啦!

 

拉麵彌七
地址:大阪府大阪市北区豊崎3-4-8 (顯示地圖)
營業時間:星期一至五 10:45 – 大約16:00

 


大阪拉麵2019|心齋橋、道頓堀必食拉麵店|Top 3 超豚骨 濃度8

@asahisakamoto_official

超豚骨 濃度8 - 一聽個名就知個湯底一定唔野少啦!冇錯!佢哋係拉麵界第一間使用兵庫縣高級名牌豬「雪姬豬」嚟熬湯嘅拉麵店!佢哋每日都會用50kg嘅雪姬豬豬骨骨髓去熬湯,所以熬出嚟嘅湯充滿住豬骨嘅精華同香味,齋聞都知個湯好濃郁,再加埋偏硬嘅極幼拉麵,正呀!

 

超豚骨 濃度8
地址:大阪府大阪市中央区高津2-7-3-1F (顯示地圖)
營業時間:每日11:30 – 15:00 / 18:00 – 01:30

 

📖延伸閱讀:【關西攻略】仲喺關西機場過夜?Top 10 關西機場酒店大評比!
📖延伸閱讀:【大阪購物篇】心齋橋購物必掃!大阪藥妝 + 大阪零食指南2019!

 

大阪拉麵2019|心齋橋、道頓堀必食拉麵店|Top 2 金久右衛門

@hikaru_menstagram

金久右衛門有「大阪最強醬油拉麵」嘅美譽,係好多本地人都推薦嘅拉麵名店!唔好以為醬油拉麵就會好鹹,金久右衛門主打嘅醬油拉麵鹹得嚟亦好有層次!第一啖飲落去會飲到魚介嘅味道,醬油味反而係吞咗落肚,先慢慢由喉嚨滲返出,愈食味道愈重,好特別㗎!金久右衛門由濃味嘅黑醬油拉麵到清淡啲嘅紅醬油、金醬油拉麵都有,鍾意醬油拉麵嘅朋友唔好錯過喇!另外,金久右衛門仲有提供半份嘅拉麵,啱哂細食嘅朋友!

 

金久右衛門
地址:大阪市中央区道頓堀1-4-17 道頓堀店 (顯示地圖)
營業時間: 11:00AM~翌日8:00AM

 


大阪拉麵2019|心齋橋、道頓堀必食拉麵店|Top 1 麺屋 丈六

@meeetaaalllll__53

麵屋丈六榮獲2016大阪必食拉麵第一名同埋全日本必食拉麵第十二名,來頭絕對唔野少!佢哋嘅醬油拉麵總共用咗三款秘製醬料去炮製,味道濃郁,而且每一啖都可以食到唔同醬料所帶出嘅味道,相當有層次感。麵條方面亦都相當有水準,麵爽又彈牙!叉燒方面係用全瘦肉,因為係順住豬肉肌肉嘅紋理去切,所以保留咗比較長嘅肌肉纖維,食起上嚟好有口感,咬勁十足!重點係佢哋價錢好親民,最平¥650就有一碗,CP值勁高呀!但係麵屋丈六只係得8-10個位,想去食嘅朋友記得要早啲去排隊啦!

 

麺屋 丈六
地址:大阪府大阪市中央區難波千日前6-16 (顯示地圖)
營業時間:11:30 – 15:00,18:00 – 21:00(逢星期三休息)

 

📖延伸閱讀:【日本德島自由行】大阪近郊德島一日遊!德島景點、美食、酒店住宿懶人包!
📖延伸閱讀:【你個野壞左】大阪難波夾龍蝦小店 (編輯推介大阪美食!)
📖延伸閱讀:【大阪二手店】大阪二手名牌邊度買?大阪中古店、古著店特集!
📖延伸閱讀:【大阪好西攻略】食大阪海鮮點止黑門市場?編輯推薦Top 3必去大阪魚市場連必食之選選

 

Hotels.com 酒店優惠