【香港白色情人節攻略】超浪漫情人節餐廳攻略連情人節禮物推薦！ Hotels.com Blog

一年一度情侶盛事—情人節雖然已經過咗，但嚟緊仲有一個白色情人節！可能每一個女朋友都會講過：「唔洗準備啦」，然後你真係無準備，結果⋯⋯ 所以為咗幫大家解決一系列嘅世紀難題，小編今次為大家無私介紹三間超浪漫白色情人節餐廳，仲推薦埋幾款情人節禮物添！早啲準備，白色情人節就可以安全又輕鬆咁慶祝啦！

白色情人節餐廳推薦｜Diletto

@Facebook

有「秘密花園」之稱嘅意大利餐廳Diletto，位處鬧市尖沙咀。餐廳樓底高，配上落地玻璃，空間感十足！浪漫情人節晚餐共有五道菜，用料十足，如波士頓龍蝦、羊架、阿拉斯加蟹腳等，擺盤精緻，附送兩杯香檳。甜品以「愛」為主題，心心玫瑰蛋糕配以黑朱古力，令情侶們記起每個共度甜蜜回憶！

@Facebook
@Facebook

白色情人節餐廳推薦｜Diletto

地址：尖沙咀漆咸道南11-15號余仁生中心1樓（顯示地圖）
電話：2117 1411
情人節晚餐價錢：HK$1,314 （兩位起）*另收加一服務費

白色情人節餐廳推薦｜Le Reve

@Facebook

位於銅鑼灣、主打精緻日法料理Le Rêve，繼續推出情人節晚餐！Le Rêve主廚來自日本，曾經喺法國米芝蓮三星餐廳擔任海鮮廚師，夠哂架勢！餐廳設計現代，環境一流，仲有室外位置，慶祝情人節氣氛浪漫。

@Facebook

情人節晚餐以玫瑰為主題，共有8道菜，菜式用料矜貴，包括帶子、魚子醬、法國海蝦langoustine、金目鯛魚、高級和牛等等，配上特調醬汁，每一道菜構思製作認真細緻、賣相精美，必定為你帶嚟驚喜！

白色情人節餐廳推薦｜Le Reve

地址：銅鑼灣耀華街38號Zing! 10樓（顯示地圖）
電話：2866 1010
情人節晚餐價錢：HK$1,420（兩位起）*另收加一服務費
特別優惠：2月8日或前預訂並付款，可享9折優惠！

白色情人節餐廳推薦｜Chef Stage

@Facebook

最後一間餐廳推薦揀左一間元朗人氣十足嘅西餐廳Chef’s Stage Kitchen ，啱晒新界人！餐廳風格同之前嗰兩間唔同，設計走工業風，食物有質素但價錢相宜，有時節日仲會有Live Band表演，夠晒氣氛！

@Facebook

晚餐設主菜連前菜、甜品和特飲，主菜可以揀鱈魚配八爪魚、羊西冷又或者神戶牛柳配龍蝦尾，再配上甜品同情人節特飲，咁就完滿喇！餐廳仲準備咗小禮物比女生𠻹，非常有心思！如果覺得位置太遠，佢仲有一間分店位於灣愉景新城，不過環境就較為open，相對上就無元朗店咁好feel喇！

白色情人節餐廳推薦｜Chef’s Stage Kitchen

地址：元朗西菁街23號富達廣場52-55號地舖（顯示地圖）
電話：2799 9880
情人節晚餐價錢：HK$ 428-498 （一人）*另收加一服務費

跟住落嚟係小編精心挑選三款嘅實用情人節禮物，平貴都有，大家可以按budget再去決定。

白色情人節禮物推薦｜Lomo’Instant Square

@lomography

第一款情人節禮物係男女通用嘅攝影工具，啱晒情侶拍拖影靚相用！Lomography 首部方形即影即有相機— Lomo’Instant Square，1:1 正方形經典構圖比例，配合可摺疊嘅機身，帶出街更輕巧方便！連埋自拍 10 秒倒數、遙控快門功能，情侶或者一班friend影合照都fit晒。仲有一個特點，佢可以隨時換Instax Mini菲林，咁就一個價錢兩種體驗啦！

@lomography