定期送上世界各地最新、最地道嘅旅遊資訊!

【團年飯開年飯推介】嚴選四大香港新年自助餐及餐廳!

咁快又到新年,係時候要搵定餐廳食團年飯同開年飯啦。小編就嚴選咗四大香港新年自助餐同餐廳俾大家,一齊同屋企人食餐好啦!

 

新年團年飯開年飯推介|富豪香港酒店-日式和牛海鮮紙火鍋及爐端燒自助晚餐

@regalhotel.com

邊個話團年飯同開年飯一定要食中菜㗎?今次小編就介紹大家食日式火鍋同爐端燒!今年富豪香港酒店推出咗「日式和牛海鮮紙火鍋及爐端燒自助晚餐」,每兩位客人就有一客二人份量嘅日式和牛海鮮紙火鍋。火鍋除咗有澳洲和牛,仲有鮑魚、花膠、龍蝦等,勁足料㗎!

@regalhotel.com

自助晚餐另一個主打-爐端燒,係由餐廳師傅即叫即燒。有大蝦、牛柳粒、豚肉粒、牛脷等等,全部材料都好新鮮,再配埋特製醬汁,勁惹味呀!除咗有火鍋同爐端燒之外,仲有好冷熱海鮮美食同甜品,一定可以滿足哂全家人嘅要求呀!

 

新年團年飯開年飯推介|富豪香港酒店

地址:香港銅鑼灣怡和街88號(顯示地圖
價錢:
成人$588 小童$388 (星期一至四)
成人$638 小童$358 (星期五至日、公眾假期及其前夕)
*所有價目須另加一服務費

 

 

新年團年飯開年飯推介|香港百樂酒店-黑鑽魅惑海鮮自助晚餐

@parkhotelgroup

第二間要同大家介紹嘅自助餐餐廳就係香港百樂酒店啦!今個冬天,香港百樂酒店就以黑松露入饌,設計咗一系列嘅美食,好似威靈頓牛柳配黑松露牛肝菌汁、黑松露鵝肝醬釀美國雞胸、黑松露燴豬仔髀、酥皮黑松露野菌忌廉湯等等,啱哂一眾黑松露迷呀!依加每位食客仲會額外獲贈黑松露羊肚菌芝士焗龍蝦一客𠻹,想食嘅朋友快啲book位啦

 

新年團年飯開年飯推介|香港百樂酒店

地址:香港九龍尖沙咀 漆咸道南61-65號(顯示地圖
價錢:
成人 $478 小童 $308 (星期一至四)
成人 $508 小童 $318  (星期五至日、公眾假期及其前夕)
*所有價目須另加一服務費
生日優惠:
凡每四位賓客惠顧,當月一位壽星仔女可以半價優惠享用,同行賓客可享75折優惠。
*優惠只適用於4-20位賓客 (須受有關條款約束)
特別優惠:
4-11歲小童可享半價優惠
65歲或以上長者可享65折優惠

 

新年團年飯開年飯推介|上海小南國

@Facebook

新年又點可以唔食盆菜呢?今年上海小南國推出咗「豐足團圓 · 全家福盆菜」新春盆菜,等大家可以同家人一齊食住盆菜過新年。小南國傳統上海菜嘅精髓mix埋粵式盆菜度,加咗唔同嘅傳統上海食材,好似手工蛋餃、椒鹽小黃魚、上海年糕等等,一個盆菜,可以食到兩種味道,正呀!除咗可以預訂盆菜,屋企大擦一餐之外,大家仲可以去上海小南國分店食傳統嘅上海菜過新年,要訂位就要趁早啦!

 

新年團年飯開年飯推介|上海小南國

地址:旺角太子道西193號新世紀廣場5樓501號舖 顯示地圖
價錢:$201-400/人

 

新年團年飯開年飯推介|莆田

@Facebook

莆田呢間餐廳新加坡同馬來西亞一共有13間分店,仲米芝蓮一星餐廳。莆田喺兩年前進駐香港,依加己經開咗八間分店,絕對唔係浪得虛名!

@Facebook

莆田除咗係餐廳嘅店名,亦係一個福建嘅地方。莆田主打傳統福建菜,因為莆田近海,所以菜式好多都以海鮮入饌,好似家鄉燜紫菜、百秒黃花魚、一品海蠣煎等等。莆田嘅菜式傳統簡樸,加上價錢吸引,好抵食㗎!

 

新年團年飯開年飯推介|莆田

地址:銅鑼灣波斯富街99號利舞臺廣場7樓A舖 (顯示地圖
價錢:$101-200/人

 

Hotels.com 酒店優惠