定期送上世界各地最新、最地道嘅旅遊資訊!

忘我暢遊,入鄉隨俗試盡地道奇異菜式

到亞洲各地旅遊,想喺夜晚出外一嚐當地特色暖胃菜,但又擔心食唔慣當地食物,喺出發前放定幾包即食麵入行李以防萬一。如果你咁樣做,我哋完全明白,不過即食麵食一兩次就好啦,當地大把美食等緊你去試。

 

入鄉隨俗感受當地人嘅飲食係了解一國文化同埋#尋找真我嘅最好方法,包括嘗試各式奇異料理。如果你有足夠膽量去挑戰自己嘅味覺極限,我們特別向你介紹五道來自世界各地嘅奇異美食。

 

毛鴨蛋
常見地方:菲律賓馬尼拉
奇異指數:10/10

假若毛鴨蛋榜上無名,呢個就唔係名正言順嘅奇異美食排名榜。毛鴨蛋顧名思義就係尚未完全發育嘅鴨仔胚胎,蛋內鴨仔嘅眼睛、羽毛同埋骨頭都已經成形。毛鴨蛋望落去或者令人有啲毛骨悚然,但係聽聞話佢食落去嘅味道就好似更加入味嘅雞湯,而且爽口彈牙。

 

進食地點:Quiapo Market, F-R. Hidalgo St, Quiapo, Manila, Metro Manila, Philippines
馬尼拉附近酒店:

 

澳洲鴕鳥扒
常見地方:澳洲
奇異指數:8/10

好多人都知道鴕鳥係世界上體積第二大嘅雀鳥,但大家可能有所不知嘅係:澳洲住民食用鴕鳥肉嘅歷史已經有幾千年。鴕鳥肉食落去嘅口感同埋味道跟牛肉差唔多,但就被認為比起牛肉更加健康同埋低脂。

 

進食地點:The Meat & Wine Co, Shop 12, Lobby, InterContinental Sydney, 117 Macquarie Street, Sydney
悉尼附近酒店:

 

螞蟻卵
常見地方:墨西哥
奇異指數:9.5/10

相信冇乜人知道螞蟻可以生產「墨西哥沙漠版本嘅魚子醬」。狀似魚子醬嘅螞蟻蛹同埋幼蟲都係喺墨西哥乾旱地帶嘅龍舌蘭植物近根部位置搵到。螞蟻卵食落似松子,啖啖果仁味道,口感似茅屋芝士,對當地人嚟講係上等佳餚。

 

進食地點:Restaurante El Cardenal, Calle de la Palma 23, Centro Histórico, Mexico City
墨西哥城附近酒店:

 

哈吉斯
常見地方:蘇格蘭
奇異指數:9.5/10

如果你未試過哈吉斯,千祈唔好話你去過蘇格蘭。蘇格蘭特色菜哈吉斯望落去就好似一團…都係留番畀你自己發掘一下。哈吉斯其實就係香腸衣包住嘅羊雜碎(心、肝、肺),加上洋葱、鹽、香料同埋燕麥,散發陣陣胡椒香味,食後令人精神飽滿。

 

進食地點:The Café Royal, Circle Bar, 19 West Register Street, Edinburgh
愛丁堡附近酒店:

 

紫玉米汁(Chicha Morada
常見地方:秘魯
奇異指數:8/10

喺秘魯嘅非酒精類飲品之中,莫過於解渴提神嘅紫玉米汁Chicha Morada。紫玉米源自中美洲一帶,名不經傳,同埋菠蘿、玉桂、丁香、糖一齊煲熟再攤凍之後就成為顏色紫得發黑嘅飲品。

 

即榨即飲地點:Mercado Central, Jirón Huallaga, Lima, Peru
利馬附近酒店:
Hotels.com酒店優惠