定期送上世界各地最新、最地道嘅旅遊資訊!

【你個野壞左】大阪難波夾龍蝦小店(編輯推介大阪美食!)

「你個野壞咗!」每次身邊有人講起呢句嘢,腦海就會自動回帶2014年冬日美食節,霸氣auntie用盡九牛二虎之力,勢要喺短短30秒入面夾最多龍蝦放落個盤,完美體現香港人「博盡無悔」嘅獅子山下精神。睇住auntie夾龍蝦夾得咁落力,係咪令你都心癢癢想大顯身手呢?想過下手癮嘅朋友就要留意喇!今次小編推薦大阪難波夾龍蝦小店,有得夾又有得食,一次過滿足你兩個願望! (希望佢個野冇壞…)

 

大阪美食|活海老バル


@osaka-bob.com


@osaka-bob.com

想體驗親手捉龍蝦再煮嚟食?嚟呢間「活海老バル」就一定唔會令你失望!你絕對可以霸氣過美食節auntie,因為呢度係可以捉活生生嘅龍蝦,再自行決定用邊種方法煮嚟食!餐廳有四種烹調方法任君選擇,包括烤、 蒸、 焗烤、同埋煮成海鮮湯都可以。


@_smile_hirorin_

焗龍蝦就最能夠帶出龍蝦嘅鮮味,如果略嫌味道清淡嘅朋友可以要求加入芝士一齊焗,一樣咁好味!


@knight.mimimimikkkkkk 蝦ahijo ¥680

除咗龍蝦,餐廳仲有其他海鮮料理供應。蝦ahijo就係餐廳嘅招牌菜之一!店家利用自製嘅大蒜油燉軟殼蝦整成ahijo(一種以大蒜油烹調嘅美食),配麵包食一流!平時香港好少可以食到,嚟到記得唔好錯過喇。

 

大阪美食|活海老バル

地址:大阪市中央區難波千日前14-22(顯示地圖
交通:難波站步行7分鐘
營業時間:17:00 – 01:00(星期五及六、假日前一天 17:00 – 05:00)

📖延伸閱讀👉【Hotels.com大使推介】日本大阪近郊-箕面景點行程懶人包!

 

大阪美食|Luke’s Lobsters


@1001jhc

Luke’s Lobsters係大阪難波嘅人氣龍蝦美食,呢間美食店嘅人氣程度遠超你想像,就算平日嚟到基本上都一定要排隊先食到!Luke’s Lobsters係一間專賣龍蝦三文治嘅餐廳,除咗龍蝦之外,仲有蝦肉同蟹肉選擇,仲可以加¥400升級套餐,配埋薯片同飲品。

Image may contain: food
@Facebook Lobster Roll  ¥1580

龍蝦三文治非常足料,咬落去啖啖肉,而且可以清楚見到成隻蝦鉗肉!而且三文治係搽完牛油再焗,食落非常脆口!

 

Luke’s Lobsters

地址:大阪市浪速區難波中2-10-70(顯示地圖
交通:難波站步行10分鐘
營業時間:11:00 – 21:00

 

📖延伸閱讀👉【Hotels.com大使推介】獨遊大阪行程2017!一個人去大阪都可以好好玩!

 

大阪美食|海千山千番長


@osaka.letsgojp.com

去到日本旅行,緊係要去下居酒屋食野啦!海千山千番長係一間CP值極高嘅居酒屋,呢度同時提供燒肉同海鮮,一次滿足你想食燒肉又想食海鮮嘅慾望,最重要係以中位價錢就可以食到上盛嘅食材,性價比極高!


@c.h.am 海鮮拼盤(Premieum Seafood set) ¥14800

鍾意食龍蝦嘅朋友就唔可以錯過呢個海鮮拼盤喇!拼盤內有多種新鮮肥美嘅海鮮,包括伊勢龍蝦、鮑魚同埋五種生魚片組合!龍蝦同鮑魚可以選擇刺身或者燒烤食用。


@yukie.5

海鮮要好食,就一定要夠新鮮!海千山千番長入面有一個大型水族箱,所有海鮮都係即叫即處理,即捉即食,食落特別鮮甜美味!


@umisenyamasenbancho

除咗海鮮,呢度嘅燒肉都非常好食!餐廳選用國產黑毛和牛,雪花均勻,肉質鮮嫩!鍾意食和牛嘅朋友可以叫神戶牛,呢度供應日本最高等級嘅A5神戶牛,入口即溶! 

 

海千山千番長

地址:大阪府大阪市中央区難波千日前 8-17(顯示地圖
營業時間:12:00 – 24:00

 

📖延伸閱讀👉【日本自由行】食盡大阪-Top 5 大阪必試、必食拉麵店!

 

大阪難波住宿推介|大阪十字酒店

大阪十字飯店, 大阪

大阪十字酒店設計時尚,最重要係位置方便,從難波站步行5分鐘就可以去到!去大阪就當然會行街血拚,由酒店行去心齋橋道敦崛都只係1分鐘,就算行到幾夜都唔洗怕要搵車搭返酒店!

大阪十字飯店, 大阪, 雙人房, 非吸煙房 (Executive Cross Floor 13F or 14F), 客房

酒店房整潔亦都算大,房價亦唔算貴,大概千零蚊一晚,CP值唔錯!

 

大阪十字酒店
地址:2-5-15 Shinsaibashi-suji Chuo-ku Osaka Osaka-fu (顯示地圖)

 

👉🏩即刻Click入嚟睇下Top 10 大阪難波酒店住宿優惠!

Hotels.com酒店優惠