定期送上世界各地最新、最地道嘅旅遊資訊!

【京都必食】日本京都 Top 5 人氣抹茶店- 一保堂、中村藤吉!

京都係一個充滿抹茶嘅世界,抹茶牛奶、蛋糕、甜品、麵包等等,去到京都呢個抹茶之鄉,就緊係要去嘆返個抹茶盛宴啦!小編嚴選咗五大京都人氣抹茶店,各位抹茶控準備去朝聖喇!

 

Top 5 - 京煎堂


@maxinerunnnn

京煎堂京都一間擁有80幾年歷史嘅老店,主打唔同口味嘅煎餅同生菓子,好似茶葉、抹茶、檸檬、白桃味等等,一定有款啱你口味!京煎堂嘅抹茶唔係好甜,唔好甜品嘅朋友都會鐘意。而京煎堂最出名嘅甜品就係抹茶芭菲喇!芭菲嘅抹茶味好濃,但係一啲都唔苦澀 ,加埋各式各樣嘅日式甜點,好似小丸子、抹茶啫喱、新鮮水果等,呢個配搭冇得輸!大推呀!另外,京煎堂時不時都會推出一啲季節限定嘅menu,次次都有驚喜!

 

京煎堂 祇園本店
地址:京都市東山区四条通花見小路東入 祇園町南側565-1(顯示地圖)
營業時間:10:30 – 20:00

 

Top 4 - 茶寮都路里

京都只要講到抹茶甜品,茶寮都路里絕對係熱門之中嘅熱門!茶寮都路里所有嘅甜品都係用上祇園辻利抹茶,唔會太甜,比較易入口,散發嘅陣陣茶香,超級清新!茶寮都路里時最出名嘅甜品就係抹茶刨冰都路里芭菲,記得試哂兩款喇!


@hide6810yr

抹茶刨冰上面有金時紅豆同三款唔同口味同質感嘅雪糕:抹茶冰、抹茶雪糕同雲呢拿雪糕,仲可以另上小丸子,俾客人自己隨喜好添加。


@yuk._.i

都路里芭菲入面有小丸子、紅豆蓉、抹茶啫喱、新鮮水果等食材。唔同季節仲會加入櫻花、栗子等時令食材,幾時食都咁有驚喜!

 

茶寮都路里祇園本店
地址:京都市東山区祇園町南側573-3 祇園辻利本店2階・3階 (顯示地圖)
營業時間:10:00 – 22:00

 

🏨Top10大阪人氣酒店住宿推介HK$114起 *安心價格保證*
[御堂筋本町站前阿帕酒店HK$289起, 米恩酒店HK$445,  大阪心齋橋新大阪酒店HK$468]

 

Top 3 - 伊藤久右衛門

@arikawaa_mi

伊藤久右衛門係一間成立超過400年嘅老店,以出售高品質嘅綠茶而出名。店舖擺設古色古香,好有江戶時代嘅感覺。因為伊藤久右衛門有自家茶場,所以售賣嘅綠茶品種較多,包括煎茶、玉露、烘焙茶、番茶等等,亦因為由自家茶場出品,所以產品價錢都會平啲,試多幾種綠茶都唔怕肉痛!甜品方面,小編就推薦抹茶蕨餅,食落好似糯米糍,但係再軟身少少,口感好特別,再配上抹茶黃豆粉同抹茶糖漿,味道好有層次,大推呀!

 

伊藤久右衛門
地址:京都府宇治市莵道荒槇19-3 (顯示地圖)
營業時間:10:00 – 18:30

 

 

Top 2 - 中村藤吉


 @sy____greentea

中村藤吉可以話係其中一間最受香港人歡迎嘅京都抹茶甜品店,話就話喺香港有分店,但係喺京都食緊係最原汁原味啦!中村藤吉最出名嘅甜品就係宇治本店限定手作生茶啫喱手作生茶啫喱除咗有抹茶雪糕同好彈牙嘅小丸子之外,仲有份量十足嘅抹茶啫喱,再加埋一杯抹茶。一路飲茶,一路食住香濃嘅抹茶雪糕,完全沉醉喺抹茶世界入面,抹茶控必試呀!

 

中村藤吉本店
地址:京都府宇治市宇治壹番十番地 (顯示地圖)
營業時間:10:00 – 19:00

 

🏨Top10京都人氣酒店住宿推介HK$383起 *安心價格保證*
[奧薩日本寧酒店 HK$383起, 京都蘭威特酒店 HK$550,  東四條烏丸 M 酒店 HK$608]

 

Top 1 - 一保堂茶舗


@ __teaislife__

如果你係一個真正嘅抹茶控,咁你就一定要嚟一保堂喇!一保堂係一間百年老店,店內仲保留住古樸嘅味道。一保堂嘅員工好細心,佢哋會好有耐性地同客人講解每種茶嘅特色,仲會教你點樣沖茶同品茶。雖然一保堂嘅甜品選擇比起其他抹茶店少,但係呢度係一個專門俾你品茶同了解日本茶文化嘅地方,即使去到唔買野,都可以感受吓呢度嘅氣氛。

 

一保堂茶舗
地址:日本京都府京都市中京区常盤木町 (顯示地圖)
営業時間:09:00 – 18:00

 

Hotels.com 酒店優惠

睇到呢度,喺咪想即刻book酒店去品茶呢?點樣先可以用至抵價錢book酒店?上Hotels.com攞我哋最新嘅優惠代碼啦!只需要click入去呢個網站https://zh.hotels.com/jiu-dian-you-hui/coupon/copy優惠碼,然後喺付款頁面貼上優惠碼,就可以享用折扣優惠㗎啦! 仲有好多超筍酒店優惠同埋精選酒店神秘優惠價,快啲上Hotels.com用至抵價錢訂房啦!