定期送上世界各地最新、最地道嘅旅遊資訊!

【鹿兒島必買名產】2018五大日本鹿兒島手信推薦!

越嚟越多人都選擇去鹿兒島旅行,但係你又知唔知當地有咩野係必買嘅呢?今日就等小編幫你嚴選日本鹿兒島五大必買手信、名產,買番香港同朋友一齊開心share啦!

 

鹿兒島必買手信 | 輕羹

@Flickr

輕羹鹿兒島嘅必買手信,而當中最出名嘅就係百年老店-「明石屋」啦!明石屋喺鹿兒島有超過十間分店,全都都係喺景點附近,好易就買到。明石屋嘅輕羹係用山芋粉、米粉同砂糖調配,然後用蒸嘅方式去造,口感好鬆軟,而且唔算太甜,一家大細都咁啱食啦!

 

鹿兒島必買手信 | 薩摩芋Tart

@news2u

位於日本九州嘅鹿兒島,係一個擁有豐富大自然資源嘅地方,所以有好多特色美食,其中一樣就係番薯啦!薩摩芋Tart(薩摩芋タルト),係現時最出名、最受歡迎嘅鹿兒島甜品。薩摩芋Tart有兩種口味,分別係黃薯同紫薯味。薩摩芋Tart(薩摩芋タルト)使用嘅番薯全部都係日本當地嘅蕃薯,所以特別甜㗎,啱哂鐘意食蕃薯嘅朋友!

 

🏨Top10鹿兒島人氣酒店住宿推介HK$234起 *安心價格保證*
[鹿兒島中央站前 APA 酒店HK$234起, 鹿兒島雷姆酒店HK$307起]

 

鹿兒島必買手信 | 薩摩燒酒


@maboneng_tokyo

鹿兒島有獨特嘅釀造燒酒文化,根據WTO官方認證,只有係鹿兒島制造嘅燒酒先可以叫做「薩摩燒酒」。薩摩燒酒採用傳統嘅單式蒸餾法,將紅薯、黑糖、酒麯等等嘅原料蒸餾一次,所以釀成嘅酒好香㗎!薩摩燒酒仲有一個特色,就係就算加咗水,酒嘅味道都唔會淡,夠哂特別!

 

鹿兒島必買手信 | 薩摩燒

@Flickr

薩摩燒又叫薩摩陶瓷,係鹿兒島世代相傳嘅傳統工藝品。薩摩燒特別嘅地方係陶瓷釉面有裂紋裝飾,所以每一件薩摩燒都係獨一無二㗎!而薩摩陶瓷有分「白薩摩」同「黑薩摩」。喺古代嘅日本,白薩摩係藩主貴族先可以用,所以設計會較高雅;而因為黑薩摩係由鐵含量較多嘅土燒製,所以色澤偏黑,以實用製品為主,其中就以「黑千代香(KUOR-JOKA)」嘅酒器最常見。鹿兒島人認為用「黑千代香」嚟加熱薩摩燒酒,會令燒酒更加香醇,鐘意飲酒嘅朋友一定要買啦!

 

🏨Top10櫻島山人氣酒店住宿推介HK$234起 *安心價格保證*
[鹿兒島日光酒店HK$316起, 吹上莊酒店HK$353起]

 

鹿兒島必買手信 | 薩摩切子

@Flickr

除咗薩摩燒,另一個必買嘅鹿兒島手工藝品就係薩摩切子啦。薩摩切子係一種雕刻玻璃技術,由江戶時代末期就已經開始發展,手工好精細。除咗杯、花瓶之外,仲有吊飾、耳環、手鏈等飾物,最啱送俾女仔啦!

 

Hotels.com 酒店優惠
睇到呢度,喺咪想即刻book酒店黎個小出走呢?點樣先可以用至抵價錢book酒店?上Hotels.com攞我哋最新嘅優惠代碼啦!只需要click入去呢個網站https://zh.hotels.com/jiu-dian-you-hui/coupon/copy優惠碼,然後喺付款頁面貼上優惠碼,就可以享用折扣優惠㗎啦! 仲有好多超筍酒店優惠同埋精選酒店神秘優惠價,快啲上Hotels.com用至抵價錢訂房啦!