定期送上世界各地最新、最地道嘅旅遊資訊!

【東京必買】東京購物篇之必去東京市集、東京跳蚤市場買物攻略 2019

東京自由行,除咗去最新嘅商場魚市場買露營嘢,仲可以去吓跳蚤市場!跳蚤市場亦即二手交易市場,雖然入面賣嘅野唔係全新嘅貨品,但其實喺跳蚤市場尋寶都別有一番樂趣,分分鐘可以以超抵價買到古董或者有歷史價值嘅物品!今次小編就帶大家血拚日本,即刻上Blogshotels.com睇下呢幾個東京跳蚤市場啦!

 

📖延伸閱讀:【香港假期好去處】2019公眾假期請假攻略 (連長短線旅遊地點推薦)
📖延伸閱讀:【日本福袋攻略】日本新年又到!必搶日本福袋推薦2019!

 

東京跳蚤市場 | 大江戶古董市場


@lingke

大江戶古董市場係東京其中一個最大型嘅古董市場,入面有總共超過250個檔攤。呢到除咗有形形式式嘅日本古董之外,連歐洲、東南亞嘅古董都可以搵到,絕對係古董愛好者嘅朝聖之地!就算你對古董冇興趣都唔緊要,因為喺呢度你隨時可以發掘到獨一無二嘅小飾品,正所謂「千金難買心頭好」,有時喺二手古董市場挖下寶,都有另一番趣味㗎!

@viqpham

咁多古董之中,小編最鍾意「豆皿」(即係小碟子),呢啲豆皿唔單止色彩繽紛,圖案仲充滿東洋風味,買返去裝咩都好好睇!

 

大江戶古董市場
地址:日本東京都千代田區丸之内3丁目5-1 東京國際論壇 地上廣場(顯示地圖
交通:於東京站下車後步行約5分鐘
開放日期:2018年1月7日、21日、2月4日、18日、3月4日、18日
開放時間:09:00 – 16:00

 

📖延伸閱讀:【日本拉麵篇】十大日本米芝蓮拉麵推介2018!

 

東京跳蚤市場 | 赤坂跳蚤市場


@keinito

赤坂跳蚤市場每個月嘅第四個星期日都會喺六本木Ark Hills Ark・Karajan廣場度舉行,呢個跳蚤市場充滿復古味道,場內有多家攤檔,主要係復古風同文青風嘅服飾店為主,岩哂鍾意shopping嘅朋友仔!另外,呢度亦都有名牌家具、餐具同首飾攤檔等等,仲有音樂表演𠻹,男女都一樣咁啱行!


@rinakato_sucreries 

有嘢買同有音樂表演之餘,當然唔少得有嘢食啦!赤坂跳蚤市場內有多架美食車,實行一個地方滿足你三個願望!

 

赤坂跳蚤市場
地址:日本東京都港區赤坂1-12-32 Ark Hills Ark・Karajan廣場(顯示地圖
交通:千代田線「赤坂駅」5號出口
開放時間:11:00 – 17:00

 

📖延伸閱讀:【日本必食】終極嚴選京都、大阪、沖繩、東京必食特集2018!

 

東京跳蚤市場 | 大井競馬場跳蚤市場


@wheresthecharm

大井競馬場跳蚤市場係一個位於停車場入面嘅跳蚤市場,每逢周末都會定期舉行!呢度大大小小加埋總共有600多個檔攤,種類五花八門,服飾店、二手舊物、古董,甚至CD唱片通通都有,真係行一日都唔會覺得悶。大井競馬場跳蚤市場特別之處係佢位於停車場底層,所以上方有層板遮太陽,就算夏天去都唔會覺得熱!


@ poponous

呢度分分鐘可以搵到已經絕咗版嘅遊戲機,童年回憶即刻返哂嚟!

 

大井競馬場跳蚤市場
地址:日本東京都品川區勝島2-1-2(顯示地圖
交通:大井競馬場前車站步行4分鐘
開放日期:逢星期六、日
開放時間:09:00 – 15:00

 

📖延伸閱讀:【玻利維亞天空之鏡 – 亞洲版】走進不一樣的日本秘境—三大必去日本天空之鏡!

 

東京跳蚤市場 | Aoyama Weekly Antique Market


@aoyama_weekly_antique_market 

Aoyama Weekly Antique Market係另一個專賣古董嘅東京跳蚤市場,逢星期六舉行,充滿住歐洲跳蚤市場嘅氣息。呢度有好多北歐進口嘅瓷器、餐具等等,亦有唔少高貴典雅嘅小飾物,有一瞬間會令人誤以為去咗行歐洲嘅flea market!當然除咗歐洲古物之外,都可以搵到日本古物,喺呢度慢慢細心行吓每個攤檔,尋吓寶,其實都幾好玩㗎

@aoyama_weekly_antique_market 

 

東京跳蚤市場|Aoyama Weekly Antique Market
地址:日本東京都澀谷區神宮前5丁目53−70 青山・國際連合大學前廣場(顯示地圖
交通:澀谷站下車後步行10分鐘
開放日期:逢星期六
開放時間:10:00 – 16:00

 

📖延伸閱讀:【日本露營遊記】日本露營用品購買攻略連東京戶外用品推薦!

 

東京購物篇|東京型格住宿推薦|東京新宿諾特酒店

東京新宿諾特酒店裝修設計充滿時尚感, 走型格路線。酒店房比起其他同區酒店嚟講較大。雖然酒店距離新宿站唔太近,但係酒店有提供免費穿梭巴士到新宿站,班次都好多,非常方便!酒店嘅周邊配套都好好,附近有公園、便利店等,環境好舒服。仲可以係酒店租單車踩,都咪話唔寫意呀!

 

東京新宿諾特酒店
地址:4-31-1 Nishi-Shinjuku, Shinjuku-ku, Tokyo, Japan (顯示地圖)
星級 | ★★★☆☆  
位置 | ★★★☆☆  
設施 | ★★★☆☆  
環境 | ★★★★☆
價格 | 查看價格

 

東京購物篇|東京型格住宿推薦|新宿格蘭貝爾酒店

新宿格蘭貝爾酒店無論係外觀定係室內嘅裝修,都係走現代時尚風格。酒店房嘅設備齊全,而且整體感覺都好舒適。酒店係呢區嚟講,環境較寧靜。酒店亦非常近地鐵站,行過去歌舞技町都係大約5分鐘嘅路程,可以話係旺中帶靜呀!酒店職員又講到英文,簡單英文對答冇任何大問題!

 

新宿格蘭貝爾酒店
地址:Shinjuku2-14-5 Kabuki-cho, Tokyo, Japan (顯示地圖)
星級 | ★★★★☆  
位置 | ★★★★☆  
設施 | ★★★☆☆  
環境 | ★★★★☆
價格 | 查看價格

 

東京購物篇|東京型格住宿推薦|東京銀座住宿酒店

東京銀座住宿酒店比較新而且乾淨,走時尚風格。酒店地理位置超好,非常近地鐵站,行過去築地場外食海鮮都係行大約10分鐘嘅路程,唔想行咁遠,酒店附近都有好多食肆任君選擇㗎。酒店附近仲有巴士直達機場,方便到一個點!酒店房設備充足,仲有洗衣機㖭,方便買完新衫即刻洗嚟著呀嘛!

 

東京銀座住宿酒店
地址:4-10-5 Ginza, Chuo-ku, Tokyo, Japan (顯示地圖)
星級 | ★★★☆☆  
位置 | ★★★★☆  
設施 | ★★★☆☆  
環境 | ★★★★☆
價格 | 查看價格

 

📖延伸閱讀:【東京冷門景點】耍廢!Hea玩五大東京近郊景點 (高円寺、奈良井宿、橫濱紅磚倉庫)
📖延伸閱讀:【東京攻略】東京清澄白河景點大全、文青小店cafe及半藏門線附近住宿推薦!
📖延伸閱讀:【去富士山行山】入門級!富士山2日1夜登山路線、裝備、火山警戒需知!
📖延伸閱讀:【東京好去處】東京親子自由行必讀!東京迪士尼35周年 VS 迪士尼海洋好玩指數大比併!

 

Hotels.com 酒店優惠