定期送上世界各地最新、最地道嘅旅遊資訊!

【日本露營遊記】日本露營用品購買攻略連東京戶外用品推薦!

日本氣候好、風景靚,交通又方便,有唔少地方都好受露營發燒友歡迎,包括北海道砂湯露營場、河口湖和歌山白川鄉平瀨溫泉露營區等等。想一邊喺日本露營,一邊舒舒服服咁望住富士山、白川鄉等等絕世景色?咁就唔可以錯過今次小編為大家搜羅嘅日本露營用品購買攻略喇!

 

📖延伸閱讀:【血拚東京—東京市集篇】東京跳蚤市場特集
📖延伸閱讀:【Hotels.com大使推介】日本東京親子遊行程懶人包(附親子景點、酒店推薦)

 

日本露營用品攻略|必去日本露營 OutletMORI PARK Outdoor Village

@outdoorvillage Facebook

MORI PARK Outdoor Village喺2015年正式開業,係東京首個以戶外用品做主題嘅OUTLET,現時一共有14間戶外用品直營店同2間餐廳,仲有室外攀石場、瑜珈場、小型跑步場等等。雖然露營用品售價並冇太大驚喜,唔算好平,但呢度勝在地方夠大,產品非常齊全,絕對係日本露營發燒友嘅朝聖之地!

 

@SnowPeakAkishima Facebook

先介紹日本「露營界LV」Snow Peak,佢係由登山發燒友山井幸雄起家,自家研發嘅產品由登山器具、露營裝備到時裝衣物一應俱存,走簡約風格路線,但同時具備潮流元素,所以受到唔少露營愛好者追捧。

 

@snowpeak.co.jp MORI PARK Outlet Snow Peak限定不鏽鋼杯

當然,作為日本露營愛好者或者Snow Peak狂迷都一定去MORI PARK Outdoor Village朝聖,事關嗰到有日本首間Snow Peak自家餐廳「Snow Peak Eat」,入面所用嘅食具、容器、煮食工具等都係Snow Peak出品,唔買都可以用下!

 

MORI PARK Outdoor Village目前只有三間戶外用品店可以免稅,包括The North Face、Mountain Hard Wear同Columbia,旅客記得預好budget去行喇。建議想大量入手Snow Peak嘅朋友要忍忍手,因為喺其他專賣店例如「L-Breath」 或者「Loft&」,會免稅同有折扣優惠。

 

MORI PARK Outdoor Village

地址:東京都昭島市田中町610-4(顯示地圖
交通:「東京駅」/「新宿駅」乘搭JR中央線.青梅線特快車,「昭島駅」北出口
營業時間:星期一至五:11:00 – 20:00(逢星期三休息);星期六、日:10:00 – 20:00
網址:http://outdoorvillage.tokyo/

 

📖延伸閱讀:【東京海鮮之旅】仲去東京築地?三大新興東京魚市場連回本必食推薦!
📖延伸閱讀:【東京行程懶人包】Top 3東京築地市場必食拉麵店連住宿推薦!

 

日本露營用品攻略|必去日本露營 OutletWILD-1

@wild1deckstokyobeach

WILD-1係一間名副其實嘅全方位日本露營用品專門店,堪稱全東京最大、露營用品最多最齊嘅專門店!好似露營枱、架、名牌露營椅、燈等等都有好多選擇,一般露營物品比其他日本露營用品店選擇更多。如果你嫌香港露營用品款式太少、價錢又貴,就一定要嚟WILD-1朝聖喇!

 

@wild1deckstokyobeach

WILD-1目前喺日本有19間店鋪,分店遍滿11個縣,包括宮城、福島、東京、愛知、京都等。東京台場店雖然冇喺MORI PARK Outdoor Village入面嘅WILD-1佔地面積大,但勝在有免稅服務,亦有特價貨品區,而且近台場OUTLET,你可以因應自己行程需要決定去邊一間分店。

 

WILD-1(東京台場店)

地址:東京都港區台場1-6-1Decks Tokyo Beach 5樓(顯示地圖
交通:「お台場海浜公園駅」步行2分鐘
營業時間:11:00 – 21:00(年終無休)
網址:https://www.wild1.co.jp

 

📖延伸閱讀: 東京近郊溫泉之旅:箱根溫泉酒店推薦
📖延伸閱讀:【東京近郊】東京outlet交通遊玩攻略及折扣券領取貼士!

 

日本露營用品攻略|必去日本露營 OutletL-Breath

@L.Breath.Shinjuku

L-Breath係ㄧ間比較生活化嘅綜合戶外用品店,唔單止露營愛好者,一般日本人同遊客都好鍾意嚟呢度行。因為日本露營文化盛行,除咗有日本本地露營用品潮牌Snow Peak,唔少非本地品牌好似Coleman、Chums、Patagonia同The North Face等都進駐L-Breath,而且仲有日本限定產品,好多都型格又實用!

 

L-Breath售賣各種Outdoor用品,小至背囊、登山鞋、帽、外套、衣物,到滑雪、露營、高爾夫等各種戶外活動同運動裝備,應有盡有。雖然L-Breath主要以戶外活動用品為主,但都有一部份露營用品售賣。更重要嘅係,L-Breath除咗提供免稅服務,仲周不時有折扣優惠同設有特價區,等你可以唔使慳住荷包,狂掃日本露營用品!

 

@lifesparring

L-Breath喺日本有超過20間分店,單單東京已經有10間分店,其餘就分佈喺大阪、神奈川、神户、宮城仙台、福岡博多等地,而喺新宿嘅L-Breath分店就最多人行,因為佢足足有成9層咁多,每層都依照戶外活動或運動形式而分區,包括登山、露營、單車或滑雪等等,行到你腳軟都未買夠!

 

L-Breath(東京新宿店)

地址:東京都新宿區新宿4-1-11(顯示地圖
交通:JR線「新宿駅」南出口,步行約2分鐘
營業時間:星期一至六:11:00 – 21:00;星期日及公眾假期:11:00 – 20:30
網址:http://www.victoria.co.jp/13013/


日本露營用品推薦

睇完幾間日本露營用品專門店,係咪好想即刻飛去日本露營呢?小編特別為你精選以下幾款山系小物,露營都可以走型格路線,冇得輸啦!

 

日本露營用品攻略|東京戶外用品推薦|PENDLETON可摺疊布藝木椅子


@afcountry.com 旅行小椅子(左)¥15,000(不含稅); 節日限定木椅子(中、右)¥26,000(不含稅)

 

日本露營用品攻略|東京戶外用品推薦|Carima – Urban Duty系列耐用防污背包

@victoria.co.jp 四色選擇 ¥6,000(不含稅)

 

日本露營用品攻略|東京戶外用品推薦|Coleman小型燒烤架

@ec.coleman.co.jp ¥4,298

 

日本露營用品攻略|東京戶外用品推薦|Coleman流動頭燈
ec.coleman.co.jp ¥2,678

 

介紹完唔同露營用品,當然唔少得要介紹東京必住酒店啦!小編就揀左三間東京酒店介紹比你:

 

📖延伸閱讀:【余文樂大愛】東京blue bottle coffee潮聖攻略地圖!

 

日本露營用品攻略|必住日本酒店三井花園酒店日本橋普米爾酒店

三井花園酒店日本橋普米爾酒店@三井花園酒店日本橋普米爾酒店Website

呢間喺銀座丁附近嘅酒店CP值非常之高,酒店主打型格路線,大堂用墨黑色同灰色地板互相輝映,加上落地大玻璃令光源透入,顯出貴格。

@三井花園酒店日本橋普米爾酒店Website

酒店房同樣係以黑色為主,採用同大堂同一格調,再配合埋深藍色地氈,營造色彩層次,令到成房充滿空間感,令住客感覺又大又舒適。

@三井花園酒店日本橋普米爾酒店Website


最嘆嘅係,酒店仲有自己獨有嘅室內浸浴SPA,等你足不出戶就可以享受日本浸浴文化,感受酒店嘅高格調。而且酒店鄰近秋葉原電器街,等你隨時去動漫聖地朝聖;江戶東京博物館亦都喺酒店附近,記得去了解東京嘅文化同埋歷史。

 

三井花園酒店日本橋普米爾酒店
地址:東京都中央区銀座8丁目13−1 (顯示地圖)
星級 | ★★★☆☆  
位置 | ★★★★☆  
設施 | ★★★★☆  
環境 | ★★★★☆  
價格 | 查看價格  

 

日本露營用品攻略|必住日本酒店淺草茂川旅館
淺草茂川旅館

如果想感受日本傳統文化,就梗係要試吓瞓塌塌米啦!淺草茂川旅館充滿傳統日本味道,裝橫保持日式風格,主要採用木做建築材料,再加上旅館有自家風呂同埋日式用餐區,日本嘅傳統元素集結於一身。
淺草茂川旅館2

房間以簡單為主,貫徹日式旅館嘅自然風格,唔會有過多嘅擺設,只有簡簡單單嘅起居室同睡房,令住客有種回歸自然嘅感覺。加上淡黃色嘅燈光,營造出日式獨有住宿風格,入住呢度就好似一個傳統日本人一樣。

淺草茂川旅館3@masahiro_hioki

旅館鄰近淺草寺雷門同淺草神社,令到呢度更添古色古香。

 

淺草茂川旅館
地址:東京都台東区浅草1丁目30−10 (顯示地圖)
星級 | ★★★☆☆  
位置 | ★★★☆☆  
設施 | ★★★☆☆  
環境 | ★★★★☆  
價格 | 查看價格  

 

日本露營用品攻略|必住日本酒店淺草懷爾德酒店

淺草懷爾德酒店

日本除咗講求保留傳統文化之外,亦好講究現代設計同美感。同樣位於淺草區嘅懷爾德酒店,主打時尚簡約,以石灰色配合各式各樣嘅藝術品,突顯日本人無與論比嘅設計天份。
淺草懷爾德酒店2

酒店房間同樣以灰色為主,牆身會有唔同花紋作襯托。喺酒店房可以望到成個淺草城市景,等你可以喺另一個角度感受古色古香嘅淺草。

淺草懷爾德酒店3

高級雙人房仲會有個私家露台,等你可以睇住靚景食早餐,又或者睇住風景茗茶。如果想睇東京風景嘅你仲可以去埋附近嘅東京晴空塔同埋上野公園,一次過睇哂高空同地面嘅日本風貌。

 

淺草懷爾德酒店
地址:東京都台東区浅草 2−16-2 (顯示地圖)
星級 | ★★★☆☆  
位置 | ★★★★☆  
設施 | ★★★☆☆  
環境 | ★★★★★  
價格 | 查看價格  

 

 

Hotels.com酒店優惠