定期送上世界各地最新、最地道嘅旅遊資訊!

【紐西蘭手信】紐西蘭必買特產大全!當地人教你揀高質純正紐西蘭蜂蜜!

 

紐西蘭蜂蜜

天然資源豐富同世上最乾淨國土之一嘅紐西蘭,以出產天然蜂蜜、羊毛製品、通過嚴格檢測嘅保健食品同護膚產品聞名。想買到最優質嘅紐西蘭特產,就一定要睇吓以下嚴選出嘅十大紐西蘭必買手信,仲教埋大家揀高質純正紐西蘭蜂蜜𠻹!

 

揀質純正紐西蘭蜂蜜方法

去蜂蜜皇國紐西蘭,當然要大量入手最純正嘅紐西蘭蜂蜜啦!但蜂蜜種類五花八門,紐西蘭生產蜂蜜嘅公司亦多不勝數,究竟點揀先啱?首先,要講到最地道,最高質嘅一定係紐西蘭國寶麥盧卡蜂蜜!麥盧卡蜂蜜比一般蜂蜜擁有更多對身體有益嘅活性成份,當中特有嘅抗菌性,對消炎、抗氧化、抑制細菌同病毒非常有效,甚至比一啲傳統抗菌藥物好㗎!

揀質純正紐西蘭蜂蜜方法
@comvita

然後就係品質檢測,揀麥盧卡蜂蜜時,要留意所選品牌有冇通過UMF同MGO兩個紐西蘭政府認可,針對麥盧卡蜂蜜嘅檢測標準!UMF係指蜂蜜內獨麥素嘅活性,活性愈高,抗菌性愈高。而MGO就係指甲基乙二醛嘅含量,同樣含量愈高,功效愈大!

 

Top 10 紐西蘭必買特產|麥盧卡蜂蜜 Comvita Manuka Honey

麥盧卡蜂蜜 Comvita Manuka Honey
@comvita
UMF™ 5+ Manuka Honey $36.99nNZD/500g

Comvita一向都係紐西蘭最有名氣嘅品牌!Comvita由1920開始致力提煉最高品質嘅蜂蜜, 佢地所賣嘅麥盧卡蜂蜜都通過嚴格嘅UMF同MGO標準,而且喺紐西蘭蜂蜜產品市場中佔高達75%,絕對有品質保證!根據香港消委會2018年嘅檢測中,Comvita嘅麥盧卡蜂蜜仲獲得5星評級!成份100%天然,絕無添加,揀呢個品牌一定無錯!揀UMF指數嘅時候可以留意UMF5+同10+係有保健,增強免疫力同消炎嘅功效,如果腸胃經常不適同感冒時,UMF15+同20+就可以達到一定程度嘅藥用功效!

 

Top 10 紐西蘭必買特產|有機玫瑰花身體按摩油 Linden Leaves Memories Body Oil

有機玫瑰花身體按摩油 Linden Leaves Memories Body Oil
@lindenleaves
Linden Leaves Memories Body Oil $63.99NZD/250ml

坦白講,小編第一次買呢支Linden Leaves有機玫瑰花身體按摩油完全係因為被佢嘅設計吸引!透明樽內有新鮮冷壓嘅原枝玫瑰花,靚到好似藝術品咁!支油淨係用嚟擺都抵啦!唔單止顏值高,精油100%來自天然有機植物萃取,敏感皮膚同孕婦都可以放心使用!玫瑰花仲有滋潤保濕同美白功效!除咗可以當按摩精油,每日沖完涼代替body lotion全身搽都得,吸收得快,仲唔會有黏膩感𠻹!

 

Top 10 紐西蘭必買特產|火山泥面膜 Pure Source Mud Mask

火山泥面膜 Pure Source Mud Mask
@puresource
Rotorua Thermal Mud Face Mask $19.3nzd/150g

紐西蘭北島以Rotorua火山聞名,而Pure Soure呢個品牌就採用Rotorua火山泥,加入紐西蘭山泉水、海藻粹取物、甜杏仁油同蘆薈製成火山泥面膜!含豐富礦物質嘅火山泥有排毒淨膚,抗菌同修復皮膚嘅功效!平日用深層清潔嘅產品,最怕就係成份會刺激皮膚,又或者會洗走皮膚天然油份,但呢款火山泥成份天然,甜杏仁油同蘆薈又可以有保潤濕同鎮靜皮膚,清潔皮膚又唔怕對皮膚造成負擔,強力推介!

 

Top 10 紐西蘭必買特產|蜂毒面膜 Royal Nectar Original Face Mask

蜂毒面膜 Royal Nectar Original Face Mask
@nelsonhoney
Royal Nectar Original Face Mask $85nzd/50ml

Royal Nectar蜂毒面膜絕對係用過就返唔到轉頭嘅超級面膜,有天然肉毒桿菌嘅稱號,連英國王妃Kate都好鐘意用,咁厲害,無理由唔買!聽到蜂毒可能會有少少卻步,但其實蜂毒蘊含55種以上嘅酶類元素同豐富蛋白質,對刺激膠原蛋白增生同緊緻皮膚好有功效,加上有麥蘆卡蜂蜜、天然蜂蠟、月見草油等等有助延緩皮膚老化嘅成份,一用完就即時見到皮膚變得亮白,效果好驚人㗎!

 

Top 10 紐西蘭必買特產|奇異果油眼霜 Antipodes kiwi seed oil eye cream

奇異果油眼霜 Antipodes kiwi seed oil eye cream
@antipodesnature
Antipodes kiwi seed oil eye cream $72nzd/30ml

Antipodes係首個獲得紐西蘭AgriQuality認證嘅有機護膚品牌,產品所有植物原料都係來自本地有機農場!而佢地嘅皇牌產品奇異果籽油眼霜含有大量奇異果當中嘅維他命C,加上牛油果油同蘆薈,對修復皮膚,淡化眼部四周嘅細紋同滋潤肌膚好有效功,深受當地人歡迎㗎!

 

Top 10 紐西蘭必買特產|綿羊油 Merino Lanolin Skin Cream

綿羊油 Merino Lanolin Skin Cream
@skincarenz
Merino Lanolin Skin Cream $14nzd/100g

紐西蘭綿羊仲多過人,綿羊製品出口量係全球之冠!雖然去紐西蘭買綿羊油感覺好似冇咩新意,但如果你用過當地出產嘅綿羊油,你就會明白點解咁受歡迎! 紐西蘭天氣乾燥,當地人都會用綿羊油嚟保養皮膚,係屬於平價嘅居家必備用品!如果平時成日著高踭鞋,又或者手腳比較乾嘅人,可以厚敷綿羊油,然後著襪或戴手套瞓一晚,第二日就滑哂!仲可以形成一層鎖水保護膜㗎!

 

Top 10 紐西蘭必買特產|藍莓越橘護眼精華 Thompson’s One-A-Day Bilberry 12000

藍莓越橘護眼精華 Thompson’s One-A-Day Bilberry 12000
@thompsonsnutrition
Thompson’s One-A-Day Bilberry 12000 $50.09nzd/60 Capsules

現代人成日都對電腦同手機,對眼睛造成好大負擔,去到藥品管制嚴格嘅紐西蘭,記得要買Thompson’s藍莓越橘護眼精華!藍莓一向有護眼功效,可以補充視紫質,而越橘內含花青素,有抗氧化功效令到微絲血管更加強韌,維持視網膜健康!除咗可以舒緩眼睛疲勞,仲可以保護雙眼!另外仲有專俾小朋友食嘅護眼精華㗎!

 

Top 10 紐西蘭必買特產|麥盧卡蜂膠牙膏 Red Seal Propolis Toothpaste

麥盧卡蜂膠牙膏 Red Seal Propolis Toothpaste
@redseal
Red Seal Propolis Toothpaste $3.04nzd

除咗直接食用,紐西蘭亦出產咗好多峰蜜製品,而麥盧卡蜂膠牙膏就係綿羊油之外,用嚟「派街坊」嘅最佳手信!首先夠有新意,而且對身體有益,又具代表性,價格仲好親民!買返十支八支就一定無錯啦!之前都提過麥盧卡蜂蜜有抗菌消炎嘅作用,加入咗麥盧卡蜂膠嘅牙膏對患有敏感性牙齒同牙周病嘅人好幫助,仲可以潔白牙齒𠻹!

 

Top 10 紐西蘭必買特產|白葡萄酒 Cloudy Bay Sauvignon Blanc

白葡萄酒 Cloudy Bay Sauvignon Blanc
@Cloudy Bay
Cloudy Bay Sauvignon Blanc $34.99nzd

紐西蘭氣候非常適合種植葡萄,尤其盛產專係用嚟釀製成白葡萄酒嘅品種,所以嚟到紐西蘭一定要買白葡萄酒!當中較為著名嘅係Sauvignon Blanc,一種帶植物性香,同酸味較重嘅白酒,小編推介大家可以買獲獎無數嘅Cloudy Bay Sauvignon Blanc,用嚟配海鮮好正㗎!

 

Top 10 紐西蘭必買特產|朱古力 Whittaker’s Chocolate

朱古力 Whittaker's Chocolate
@facebook
Whittaker’s Chocolate Block $5.3nzd/200g

Whittaker’s係擁有過百年歷史嘅紐西蘭朱古力品牌,稱得上係陪住每個紐西蘭人成長嘅朱古力!品牌創始人11歲就立志要製造出最優質嘅朱古力!多年來堅持呢個信念,堅持用最高質嘅可可豆,加上一絲不苟嘅製作過程,終於成為紐西蘭No.1朱古力品牌!真係名副其實嘅朱古力獎門人!除咗真材實料,最特別就係有多種創新口味,大家一定要買花生醬同奇異果味呀!

 

📖延伸閱讀:【2019旅行好去處】紐西蘭皇后鎮自由行景點推薦 + 5大必玩合家歡活動!
📖延伸閱讀:【奧克蘭景點大曬冷!】快閃3日2夜奧克蘭必去行程懶人包!
📖延伸閱讀:【紐西蘭自由行】紐西蘭南島租車自駕景點攻略 (連紐西蘭必買推薦)
📖延伸閱讀:【紐西蘭自由行】紐西蘭旅遊必去之五大必玩極限運動!
📖延伸閱讀:【紐西蘭自駕遊】3個最大機會睇到紐西蘭極光嘅景點+紐西蘭手信之選+極光追蹤手機App推介

 

Hotels.com酒店優惠Hotels.com酒店優惠