定期送上世界各地最新、最地道嘅旅遊資訊!

【克羅地亞必買】克羅地亞手信、美食、特產總整理!

克羅地亞係位於中歐地中海巴爾幹半島交會處嘅一個國家,簡單講一句,好遠啊!山長水遠去到呢度,梗係要掃一大堆貨,等返到香港時見物如見克羅地亞啦!克羅地亞手信同特產極具文化特色,立即睇下有咩係克羅地亞必買啦!

 

📖延伸閱讀:【克羅地亞遊記自由行】8日7夜玩轉克羅地亞遊記攻略!必去克羅地亞景點逐個數!

 

克羅地亞必買手信推薦 | 松露製品

松露製品
@istra-truffle

克羅地亞嘅莫托溫森林 (Motovun) 盛產松露,所以喺克羅地亞都會見到好多唔同嘅松露製品,例如: 松露橄欖油、果醬、巧克力、鹽、酒、薯片等,松露製品比香港平一大截,真係可以大量入手!

松露製品_2
@blogspot

其中松露橄欖油、果醬送禮同自用都非常適合,可以直接搽面包同餅乾食,或者放落意粉煮又得!不過留意番橄欖油有分黑松露同白松露口味,而果醬亦有分黑松露、白松露、芝士口味,同埋係標籤上亦會寫上松露嘅成分有幾多,會因應口味、產地、大小形狀、成份多少價格會有所不同!

 

克羅地亞必買手信推薦 | 紅白格仔紀念品   

紅白格仔紀念品
@travel-rabbit

去到克羅地亞,你就會發現大街小巷都係度賣緊一啲紅白格仔pattern嘅紀念品,其實紅白格仔對克羅地亞係有象徵性嘅意義。

紅白格仔紀念品_2

克羅地亞國旗中間嘅部份就有紅白格仔圖案;另外,克羅地亞係1998年嘅世界杯球賽上所著嘅球衣亦加入紅白嘅元素,非常醒目,當時被認為係最美球衣,所以好多外國人對於克羅地亞嘅初印象亦由紅白格仔而起!如果有朋友係球迷,不妨買番個紅白格仔紀念品做手信!

 

克羅地亞必買手信推薦 | Piranske soline 海鹽產品

Piranske soline 海鹽產品
Piranske soline係著名嘅連鎖海鹽店,佢地所出產嘅海鹽全部都出自瑟秋夫列鹽田(Sečovlje Salina Nature Park ),由中世紀至今嘅採海鹽過程都採取古老傳統手法,品質經過嚴格監控,最高品質嘅海鹽先會被封為當地最高品質嘅「皮蘭鹽」!

Piranske soline 海鹽產品_海鹽朱古力

Piranske soline所出品嘅海鹽產品多樣,有皮膚管理相關嘅去角質海鹽、食用海鹽、泡澡海鹽等,亦有產出食品,其中海鹽朱古力最為受歡迎,黑朱古力苦澀味下帶一絲咸香,超級好食!

 

克羅地亞必買手信推薦 | 薰衣草制品  

薰衣草制品
@carolinelovestravel

克羅地亞嘅哈爾瓦島(Hvar)盛產薰衣草,呢度一件平均有2742嘅強烈日照,非常適合薰衣草生長,所以出產嘅薰衣草香氣就更加濃烈。

薰衣草制品_2
@carolinelovestravel

每年嘅春夏季時節就會有大量薰衣草系列嘅製品出現,包括有薰衣草精油、香包、按摩油、手工肥皂、化妝水等,薰衣草具有鎮定安眠、放鬆嘅作用,好適合高強度工作嘅都市人!

 

克羅地亞必買手信推薦 | 蜂蜜   

克羅地亞_蜂蜜
@搜狐

克羅地亞擁有大片嘅森林、野地,係歐洲著名嘅蜂蜜產地,克羅地亞出產嘅蜂蜜有超多唔同嘅口味,包括藍莓、椰子、栗子、野花、橙味等20多種口味,唔同口味嘅蜂蜜都係蜜蜂係唔同植物上採花粉時所產生出唔同口味嘅蜂蜜,絕對係純天然,係香港真係好難搵到咁多唔同口味嘅蜂蜜㗎!

 

克羅地亞必買手信推薦 | 手工刺繡品  

手工刺繡品
@pixnet

克羅地亞嘅刺繡為傳統手工藝,傳統服飾嘅腰帶、襯衫、圍裙都會繡上色彩繽紛嘅圖案,除咗傳統服飾之外,亦因應旅遊業發展蓬勃,會應用係紀念品上,係克羅地亞嘅街道上有唔少即場制作刺繡嘅婦女係度擺攤。

佢地嘅作品會應用係餐巾、手提袋、香包等實用性物品上,亦會直接繡係畫框上作為裝飾品,極具觀賞價值!不過刺繡品嘅價格會因應作品嘅難易度而定,越複雜就當然越貴,不過每一年都係人手制作,件件都獨一無二㗎,好值得買番件留個紀念!

 

克羅地亞必買手信推薦 | 櫻桃酒  

係歐洲買嘅酒品會比起亞洲地區平唔少,所以唔少人都鐘意係歐洲旅制時買番一兩支酒,其中,克羅地亞嘅櫻桃酒尤其出名,櫻桃酒係歐洲嘅經典甜酒,亦係克羅地亞人進餐時必備嘅餐酒!

櫻桃酒
@mable.tw

Maraschino出產嘅櫻桃酒最為出名,櫻桃經3次蒸餾,放於舊木桶中2年陳放而成,酒精濃度達32%,雖然酒精濃度高一較為嗆口,但細味品賞會發現佢辣中帶甜!大家係購買櫻桃酒嘅時候,亦可以請店家比你試酒,酒精濃度一般為30-40%,可以試多幾個牌子再作選擇!

桃酒酒心朱古力

另外,櫻桃酒除咗有推出酒品之外,亦有出櫻桃酒酒心朱古力、櫻桃酒果醬等,Griotte嘅櫻桃酒酒心朱古力最為有名,因為每一粒朱古力入面都會包住一整粒櫻桃㗎!非常值得一食!

 

📖延伸閱讀:【Grad Trip好去處】地上最強歐洲攻略!東歐 + 西歐 + 南歐 + 北歐遊玩路線大全!
📖延伸閱讀:【波羅的海自由行】15日畢業旅行 — 波羅的海三小國遊記 + 行程攻略大全!
📖延伸閱讀:【布拉格自由行】布拉格市內散步地圖連布拉格景點一覽 (布拉格必買小物推介)
📖延伸閱讀:【奧地利自由行】音樂‧藝術‧咖啡館—3日2夜慢活維也納景點行程、美食懶人包

 

Hotels.com酒店優惠Hotels.com酒店優惠