定期送上世界各地最新、最地道嘅旅遊資訊!

【俄羅斯手信特集】世界盃熱潮!Top 6必買俄羅斯手信 (連俄羅斯美食推介)

俄羅斯世界盃進行得如火如荼,唔知大家支持嘅愛隊成績係咪喺你預期之內呢?如果你去咗俄羅斯親身睇世界盃比賽嘅話,欣賞完精彩嘅賽事之後,不妨可以血拼一番。小編為你帶嚟 Top 6 俄羅斯必買手信,等你可以將俄羅斯嘅特色帶返屋企同親友分享!

 

 

世界盃2018 | Top 6 必買俄羅斯手信 | 世界盃紀念鈔

@TASS

為咗慶祝2018世界盃喺當地舉行,俄羅斯中央銀行特別推出咗2000萬張面值100盧布嘅世界盃紀念鈔,有興趣嘅話可以去當地嘅銀行查詢!紀念鈔印有傳奇門將耶辛同埋俄羅斯地圖以及主辦城市嘅名字,非常有紀念價值,絕對係2018世界盃手信嘅首選!

 

世界盃2018 | Top 6 必買俄羅斯手信 | 俄羅斯軍錶

@Flickr

由於19世紀嘅蘇聯政府認為時間嘅準確性對於軍隊來說相當重要,所以俄羅斯軍錶嘅製造過程非常嚴謹,更加係同出晒名品質好嘅日本錶同埋瑞士錶齊名!而芸芸俄羅斯軍錶品牌當中就以President呢個連俄羅斯總統普京都戴嘅殿堂級品牌為首選,男士們絕對唔可以錯過!

 

世界盃2018 | Top 6 必買俄羅斯手信 | 俄羅斯娃娃

Image result for 足球員版俄羅斯娃娃

@ebc

作為俄羅斯特產嘅俄羅斯娃娃絕對係必買嘅手信。呢款木製玩具由多個唔同大小印上俄羅斯姑娘圖案嘅空心木娃娃一個套住一個咁樣組合而成,相當有特色! 而順應著2018世界盃熱潮,當地一啲商鋪更加推出咗世界盃特別版嘅俄羅斯娃娃,大家不妨留意下!

世界盃2018 | Top 6 必買俄羅斯手信 | 魚子醬

@Flickr

由於俄羅斯地理位置特別,全世界有大約四分之一嘅淡水湖都位於俄羅斯,所以當地非常盛產魚子醬。對於當地人來說,魚子醬並唔係乜嘢高尚嘅菜式,只不過係家常小菜,所以價錢相對便宜,嚟到俄羅斯嘅話無理由唔買啲返屋企加餸!

 

世界盃2018 | Top 6 必買俄羅斯手信 | Alenka朱古力

@RussiaBeyond

喺莫斯科生產嘅Alenka朱古力係當地人非常鍾意嘅一個品牌,包裝紙上面嘅大頭BB圖案係佢嘅獨有標誌。Alenka朱古力嘅味道對於一啲人嚟講可能會比較甜,不過既然俄羅斯人對佢咁情有獨鍾,絕對值得一試!

 

世界盃2018 | Top 6 必買俄羅斯手信 | 俄羅斯彩蛋

0.jpg

@LiveJournal

作為沙皇送予皇后嘅結婚禮物,由俄國著名工匠法貝熱以黃金同埋鑽石所限量設計製造嘅彩蛋相當華麗,全球只有69隻真品,而且每隻都價值連城。想買法貝熱彩蛋嘅真品當然有一定嘅難度,不過仿製品就可以喺唔少俄羅斯手信舖搵到,買翻隻返屋企作擺設一流啊!

 

 

Hotels.com 酒店優惠