HOME > 主題遊

國王湖 Königssee,係位於德國同奧地利嘅邊境小鎮貝希特斯加登(Berchtesgaden)。小編去之前只係覺得點解咁多人推介,一個湖有咩咁特別?但係親身去完之後真係覺得 不!得!了!點解可以咁靚!終於明白,點解當年路德維西二世會一擲千金向奧地利買呢個地方。

國王湖碼頭-有好多鴨仔,好可愛!

國王湖有2條遊船航線,小編就揀咗後者。
1. Königsse → St. Bartholomä (紅蔥頭教堂) 來回13.90歐
2. Königsse → St. Bartholomä (中間站,紅蔥頭教堂) → Salet 來回16.90歐(單程約55分鐘)

Salet落船地方

到咗總站Salet,落船就直接跟住指示牌去上湖Obersee,沿途風景都超靚!!!行咗10至15分鐘就到Obersee啦!

Obersee d 湖水好清,隨住時間變化,陽光係湖到好似一塊鏡咁樣,折射山巒嘅倒影。

Obersee打卡石,随便影都好似postcard咁靚!

再沿住Obersee湖邊行20至30分鐘就可以去到湖嘅另一邊。

好多本地人都會係週末黎呢到野餐,游下水!

湖嘅另一邊都有間小屋,可以影下文青相!

係到影咗陣相,休息咗都一陣就行番去碼頭撘船番去啦!小編係國王湖果日講得最多嘅就係「真係好靚呀!」呢到嘅景色真係無得頂!一路行,一路都覺得D景係backdrop,靚到好假,此境只應天上有!大家有機會一定要黎呢到睇下呀!

國王湖觀光船碼頭
地址:Seestrass 55, 83471 Schonau am Konigssee, Berchtesgaden.
開放時間:(夏季)8:00-17:15;(冬季)9:30-15:45
航線:夏季約每30鐘一班,經紅葱頭教堂、Salet Obersee。
冬季因為上湖會結冰,所以只會行駛至紅葱頭教堂,每60分鐘一班。

國王湖交通攻略
國王湖位於德國同奧地利邊界,所以係德國慕尼黑(Munich)/奧地利薩爾茲堡(Salzburg)去都可以。

由德國慕尼黑前往國王湖方法:
1. 由慕尼黑(Munchen Hbf)車站,撘往Freilassing嘅快╱慢車(車程約100分鐘)
2. 轉車到貝希特斯加登(Berchtesgaden Hbf)車站(車程約13分鐘)
3. 落車後轉841、842或843號巴士往Konigssee Parkplatz(車程約10分鐘),再行5分鐘到國王湖碼頭

🏨Top 10平價慕尼黑酒店住宿推介HK$594起 *安心價格保證*
[哈貝斯托克酒店HK$594起, 巴圖公寓酒店HK$651起, 魯比麗莉慕尼黑酒店由HK$688起]

由奧地利薩爾茲堡前往國王湖方法:
1. 由薩爾斯堡(Salzburg Hbf) 車站搭840號巴士DB BUS到貝希特斯加登Berchtesgaden(約50分鐘)
2. 落車後轉841、842或843號巴士往Konigssee Parkplatz車程約10分鐘),再行5分鐘到國王湖碼頭

🏨Top 10平價薩爾茲堡酒店住宿推介HK$421起 *安心價格保證*
[里列恩霍夫酒店 HK$421起, 松餅旅館HK$429起, 薩爾茨堡溫床旅館由HK$522起]

小Tips:

● 慕尼黑出發:可以使用德國邦票去國王湖,可以一日內係邦區域內無限次數撘DB巴士同火車嘅團體交通票,越多人越平!
● 薩爾茲堡出發:上巴士直接同司機買一日券RVO one day ticket, 9.8歐/人,就可以搭齊840、841、842或843號巴士。
● 一定要影低巴士時間表,因為班次好少同好準時。同埋要留意尾班車時間,五六點左右就已經無車,記得要早少少去車站等呀!

國王湖酒店攻略
無論係邊到出發,都要係貝希特斯加登轉車再去國王湖,所以住係呢到都會方便d。

舍瓦本維特酒店 (Hotel Schwabenwirt)
地址:Königsseer Str. 1, 柏特斯加登, 83471, 德國 HK$497
呢間酒店係貝希特斯加登火車站同巴士站對面,去國王湖超方便。樓下有餐廳,晚餐、早餐都好好味架,唔洗出去搵餐廳!

 

維特爾斯巴赫酒店 (Hotel Garni Wittelsbach)
地址:Maximilianstraße 16, 柏特斯加登, BY, 83471, 德國 HK$633
呢間酒店雖然唔係好近貝希特斯加登車站,但係附近都有841巴士站可以去國王湖,所以交通都算方便。同埋酒店係位於小鎮中心嘅商業區,所以行街好方便架。